Dinamalar

திருச்செந்தூர் : அன்னிய முதலீடு சட்டத்தை மத்திய அரசு திரும்ப பெற வேண்டும். அன்னா ஹசாரே காந்திய வழி போராட்டத்திற்கு தமிழ்நாடு வணிகர் சங்கங்களின் பேரமைப்பு முழு ஆதரவு அளிக்கும் என்று மாநில தலைவர் விக்கிரமராஜா நிருபர்களுக்கு பேட்டி அளித்தார். திருச்செந்தூரில் தமிழ்நாடு வணிகர் சங்கங்களின் பேரமைப்பின் தூத்துக்குடி தெற்கு மாவட்ட செயற்குழு கூட்டம் நடந்தது. இந்த செயற்குழு கூட்டத்திற்கு தமிழ்நாடு வணிகர் சங்கங்களின் பேரமைப்பு மாநில தலைவர் விக்கிரமராஜா தலைமை வகித்தார். தூத்துக்குடி தெற்கு மாவட்ட தலைவர் காமராசு முன்னிலை வகித்தார். மாநில இணைச் செயலாளர் ஜெபஸ்திலகராஜ், திருச்செந்தூர் நகர யாதவ வியாபாரிகள் சங்க தலைவர் வள்ளிநாயகம், உடன்குடி சுற்றுவட்டார வியாபாரிகள் சங்க தலைவர் சுதாகர், தமிழ்நாடு வணிக சங்கங்களின் பேரமைப்பு தூத்துக்குடி தெற்கு மாவட்ட செயலாளர் செல்வம் ஆகியோர் வரவேற்றனர். இந்த கூட்டத்தில் தென்சென்னை மாவட்ட துணை தலைவர் எட்வர்ட், திருச்செந்தூர் வட்டார நாடார் வியாபாரிகள் சங்க செயலாளர் பாரதிசுரேஷ், குறிஞ்சி சுரேஷ், யாதவ வியாபாரிகள் சங்க துணை தலைவர் ஆறுமுகம் உட்பட பலர் கலந்து கொண்டனர். கூட்டம் முடிந்த பின் மாநில தலைவர் விக்கிரமராஜா நிருபர்களிடம் கூறியதாவது, சுதந்திர போராட்ட தியாகி அன்னா ஹசாரே தலைமையில் மாபெரும் போராட்டம் ஊழல் கருப்பு பணத்தை எதிர்த்து ஜனநாயக முறைப்படி காந்திய வழியில் பொதுமக்களுக்கு எந்தவித இடர்பாடும் இல்லாமல் நடந்து வருகிறது. கடந்த 4 நாட்களுக்கு முன்பு இன்று (23ம் தேதி) கடையடைப்பு நடத்த வேண்டும் என சில அமைப்புகள் சார்பில் வேண்டுகோள் விடப்பட்டது. இந்த செயல் அன்னா ஹசாரே கொள்கைக்கு முரண்பாடானதாகும். அவரது கொள்கைக்கு முரண்பாடு ஏற்பட கூடாது என வணிகர் சங்கங்களின் பேரமைப்பு கடையடைப்பு நடத்த வேண்டாம் என வேண்டுகோள் விடுத்தது. வணிகர்களும் கடையடைப்பு நடத்தாமல் எங்களது கோரிக்கையை ஏற்று வழக்கம்போல் வணிகம் செய்த அனைத்து வியாபாரிகளுக்கும் நன்றியை தெரிவித்து கொள்கிறோம். வரும் 3ம் தேதி சென்னையில் தமிழ்நாடு வணிகர் சங்கங்களின் பேரமைப்பு சார்பில் மாநில மாவட்ட நிர்வாகிகள் கூட்டம் நடக்க உள்ளது. மத்திய அரசு சில்லரை வணிகத்தில் 51 சதவீதம் அன்னிய முதலீடுக்கு அனுமதி அளித்துள்ளது. அன்னிய முதலீடு செய்ய அனுமதிப்பதை இந்த கூட்டமைப்பு வன்மையாக கண்டிக்கிறது. உடனடியாக அன்னிய முதலீடு சட்டத்தை மத்திய அரசு திரும்ப பெற வேண்டும். அதே போல் தரம் நிறைந்த உணவு பாதுகாப்பு சட்டம் என்ற பெயரில் கடந்த 5ம் தேதி முதல் மத்திய அரசு சட்டத்தை அமல்படுத்தியுள்ளது. தமிழக அரசு அனைத்து வணிக சங்கங்களின் பிரதிநிதிகளையும் அழைத்து சிறு வியாபாரிகளுக்கும், பொதுமக்களுக்கும் இடர்பாடு இல்லாத முறையில் இந்த சட்டத்தை அமல்படுத்த உரிய நடவடிக்கை எடுக்க வேண்டும் என தமிழக முதல்வருக்கு இந்த பேரமைப்பு சார்பாக வேண்டுகோள் விடுவிக்கிறோம். மத்திய அரசின் இந்த சட்டம், அந்நிய முதலீட்டை ஊக்குவிப்பதாக உள்ளது. மத்திய அரசு இந்த சட்டத்தை உடனடியாக வாபஸ் பெற வேண்டும். லாரி உரிமையாளர்கள் தங்களது பல்வேறு கோரிக்கைகளுக்காக கடந்த 6 நாட்களாக வேலை நிறுத்தம் செய்து வருகிறார்கள். மத்திய அரசு கடந்த 8 மாதங்களுக்கு முன்பு அமல்படுத்துவதாக சொன்ன எந்த கோரிக்கைகளையும் நிறைவேற்றவில்லை. நாம் பயன்படுத்தும் சாலைகளுக்கு டோல்கேட் என்ற பெயரில் அடாவடியாக தனியாருக்கு தாரைவார்த்து விட்டது. இது சாமானியர்களையும் பாதிக்கிறது. அரசு உடனடியாக தலையிட்டு டோல்கேட்டை உடனடியாக அப்புறப்படுத்த வேண்டும். அன்னாஹசாரேயின் காந்திய வழி போராட்டத்திற்கு பேரமைப்பின் முழு ஆதரவு உண்டு இவ்வாறு அவர் கூறினார்.

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து (1)

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

Login :

Log in

Forgot password ?

( OR )Login with

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g or click this   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.