Dinamalar

சென்னை : உணவகங்கள் மற்றும் இறைச்சி கடைகளை, சுகாதார துறை கள ஆய்வு செய்யாமலேயே, வருவாய் துறை மூலம், அவற்றுக்கு உரிமம் வழங்கும் நடைமுறையை மாநகராட்சி கைவிட்டு உள்ளது.""உரிமம் வழங்குதல், நடவடிக்கை எடுத்தல் என, அனைத்தும் வருவாய் துறையிடம் இருந்து, சுகாதார துறைக்கு மாற்றப்பட்டு, முறைப்படுத்தப்படும்,'' என, மேயர் சைதை துரைசாமி தெரிவித்து உள்ளார். வெளிமாநிலத்தில் இருந்து சுகாதாரமற்ற இறைச்சி வரத்து அதிகரித்த நிலையில், அதை தடுக்கும் முயற்சியில் மாநகராட்சி ஈடுபட்டது. தொடர்ந்து, ஒரு சில இறைச்சி விற்பனை கடைகள் மீதும் நடவடிக்கை பாய்ந்தது. சுகாதார துறையினர் ஆய்வு செய்தபோது, கால்வாயோரம், சாலையோரங்களில் எந்த சுகாதார ஏற்பாடும் இல்லாமல், இறைச்சி கடைகள் இருந்தன. மாநகராட்சியில், இதுபோன்ற கடைகளுக்கு சுகாதார துறை தான் உரிமம் வழங்க வேண்டும். 2007ம் ஆண்டில் இந்த நடைமுறையை மாநகராட்சி மாற்றி, வருவாய் துறையிடம் அளித்ததால், சுகாதார துறையினரின் ஆய்வு இல்லாமலேயே, பணம் கட்டிய உடன், உரிமம் வழங்கப்பட்டு வந்தது வெளிச்சத்துக்கு வந்தது. இதனால், சுகாதார துறையினரால் நேரடி நடவடிக்கை எடுக்க முடியவில்லை. இது தொடர்பாக, ஐகோர்ட் பிறப்பித்த உத்தரவையும் மாநகராட்சி செயல்படுத்தவில்லை.சுட்டி காட்டிய "தினமலர்'இதில் ஏற்படும் நிர்வாக குளறுபடிகள் குறித்தும், நடைமுறை சிக்கல் குறித்தும், "தினமலர்' நாளிதழில், கடந்த அக்., 10ம் தேதி, சிறப்பு செய்தி வெளியானது. இது தொடர்பாக, தொடர்ந்து செய்திகள் வெளியிடப்பட்டும் வந்தன. இந்த நிலையில், நேற்று நடந்த மாநகராட்சி கூட்டத்தில், இந்த சிக்கலுக்கு தீர்வு காணப் பட்டு உள்ளது. இனியாவது...நேற்று நடந்த மாநகராட்சி கூட்டத்தில், திருவொற்றியூர் மண்டல குழு தலைவர் தனரமேஷ், இது தொடர்பான கேள்வியை எழுப்பினார். இதற்கு பதில் அளித்து மேயர் சைதை துரைசாமி பேசியதாவது:
கடந்த 2007ம் ஆண்டில், ஓட்டல்கள், சிற்றுண்டி சாலைகள், டீ கடைகள், டிபன் கடைகள் போன்றவற்றுக்கு உரிமம் வழங்குவதை சுகாதார துறையிடம் இருந்து, வருவாய் துறைக்கு மாநகராட்சி மாற்றியது. சுகாதார துறை கள ஆய்வு நடத்தாமலேயே, இஷ்டம் போல் உரிமங்கள் வழங்கப்பட்டன. அடிப்படை சுகாதார வசதிகள் இல்லாத நிலையில், உரிமங்களை ரத்து செய்ய சுகாதார துறையால் முடியவில்லை. இந்த நடைமுறைக்கு எதிராக, சென்னை ஐகோர்ட்டில் தொடரப்பட்ட வழக்கில், மனு மீது உரிய நடவடிக்கை எடுத்து, முறையான வழிகாட்டுதல்களை வகுத்து, நடவடிக்கை எடுக்க ஐகோர்ட் உத்தரவிட்டது. அதன் அடிப்படையில், உணவகம், சிற்றுண்டி சாலை, டீக்கடைகள், இறைச்சி கடைகளுக்கு உரிமம் வழங்குதல், நடவடிக்கை எடுத்தல் எல்லாம் இனி, ஒற்றை சாளர முறையில் மேற்கொள்ளப்படும். வருவாய் துறையிடம் உள்ள அனுமதி வழங்கல், நடவடிக்கை எடுத்தல் அதிகாரங்கள் இனி, சுகாதார துறைக்கு மாற்றப்படும். இதனால், விதிமுறைப்படி சுகாதாரமான முறையில் இயங்காத கடைகள் மீது உரிய நடவடிக்கை எடுக்கப்படும்.இவ்வாறு அவர் கூறினார்.மாநகராட்சியின் இந்த நல்ல முடிவு, "இனியாவது, சுகாதாரமான உணவு கிடைக்குமா' என்ற, எதிர்பார்ப்பை சென்னைவாசிகள் மத்தியில் ஏற்படுத்தி உள்ளது. கிடைத்துள்ள புதிய அதிகாரத்தை வைத்து, சுகாதார துறை துரித நடவடிக்கையில் ஈடுபட வேண்டும்.
இறைச்சி கடைகளுக்கான விதிமுறைகள் என்ன? கடையின் தரை மற்றும் சுவர்கள், எளிதில் சுத்தம் செய்யப்படும் வகையில் இருக்க வேண்டும்.கழிவுகளை சேகரிக்க, மூடியுடன் கூடிய குப்பை தொட்டி வைக்கப்பட வேண்டும்.கழிவு நீரை வெளியேற்ற, முறையான இணைப்பு இருக்க வேண்டும்.ஈ, பூச்சி தொல்லை ஏதும் ஏற்படாத வகையில், கடையில் கம்பி வலையுடன் கதவுகள் இருக்க வேண்டும்.பணி செய்வோருக்கு, தொற்று நோய் ஏதும் இல்லை என, மருத்துவ சான்று பெற்றிருக்க வேண்டும்.மாநகராட்சி இறைச்சி கூடத்தில் வெட்டப்பட்ட, இறைச்சியையே விற்க வேண்டும்.இறைச்சி கூடத்திலிருந்து இறைச்சியை எடுத்து செல்ல, மூடியுடன் கூடிய அலுமினிய பெட்டிகளை பயன்படுத்த வேண்டும். திறந்த நிலையில், சைக்கிள் அல்லது வேறு வண்டிகளை பயன்படுத்தல் கூடாது.

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

Login :

Log in

Forgot password ?

( OR )Login with

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g or click this   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.