E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
எளிமையான "இ பிளானிங்' திட்டத்திற்கு கவுன்சிலர்கள் எதிர்ப்பு : விரக்தியில் புலம்பல்
Advertisement
 
 
Advertisement
 
 
எழுத்தின் அளவு:
Advertisement

பதிவு செய்த நாள்

10 ஜன
2013
04:38

மதுரை : மதுரை மாநகராட்சியில், மக்கள் நலனுக்கு கொண்டு வரப்பட்ட, "இ பிளானிங்'
திட்டத்திற்கு, அ.தி.மு.க., மண்டலத் தலைவர்கள், கவுன்சிலர்கள் எதிர்ப்பு தெரிவித்தனர். விரக்தியில் சிலர், அதிகாரிகளின் முறைகேடுகளை போட்டு உடைத்தனர்.மேயர் ராஜன் செல்லப்பா, கமிஷனர் நந்தகோபால் தலைமையில் நடந்த கூட்டத்தின் விவாதம்:
சாலைமுத்து, மண்டலம் 4ன் தலைவர்: குடிநீர் பற்றாக்குறை அபாயம் உள்ளது. ரயில்வே ஸ்டேஷனில் கொசுத் தொல்லை தாங்க முடியவில்லை.
நகர் பொறியாளர் மதுரம்: ஜூலை வரை, குடிநீர் தேவையில் பிரச்னை இல்லை.
சாலைமுத்து: மேலூர் குடிநீர் திட்டத்தை நம்ப முடியாது; புறநகர் பகுதிகளுக்கு "போர்வெல்' அமைப்பதில் என்ன பிரச்னை?மதுரம்: புறநகர் பகுதிகளுக்கு தற்காலிக குடிநீர் வசதிக்கு, ரூ.7 கோடியில் திட்டங்கள் தயார் செய்துள்ளோம். சாலைமுத்து: "இ பிளானிங்' திட்டம், அரசு உத்தரவுக்கு எதிராக செயல்படுத்தப்பட்டுள்ளது. கடந்தாட்சியில், கவுன்சிலராக இருந்து கூச்சலிட்டோமே தவிர, எதுவும் சம்பாதிக்கவில்லை. எங்கள் வருமானத்திற்கு நீங்கள் எந்த வழியும் செய்ய வேண்டாம்; நீங்களே அனைத்தையும் பார்த்துக் கொள்ளுங்கள்!(அனைத்து கவுன்சிலர்களும் மேஜையை தட்டி வரவேற்றனர்)
மேயர்: அவர் எதைக்கூறுகிறார் என்பது தெரியாமல், கவுன்சிலர்கள் வரவேற்கக் கூடாது.
சாலைமுத்து: மேயருக்கு பிடிக்கவில்லை என்றால், என் பதவியை பறித்துக்கொள்ளட்டும்.
மேயர்: மண்டலத் தலைவர் பதவியை பறிக்கும் அதிகாரம் எனக்கு இல்லை.
சாலைமுத்து: தாலிக்கு தங்கம் வழங்கும் திட்டத்தில் பல முறைகேடு நடந்துள்ளது. வெள்ளைச் சட்டையை அணிந்திருக்கிறோம்; அதில் கறைபடும் போது, அதை கழற்றி வைப்பதை தவிர வேறு வழியில்லை.
செல்லம், மார்க்சிஸ்ட்: "எக்@கா' பூங்காவின் தியான மண்டலம் பழுதானது குறித்து, கமிஷனரிடம் பல முறை புகார் அளித்தும் நடவடிக்கை இல்லை.
கோபாலகிருஷ்ணன், துணை மேயர்: "இ பிளானிங்' திட்டம், கோவையில் செயல்பாட்டில் உள்ளது. மக்கள் பிரதிநிதிகள், மக்களிடம் முறையாக விளக்காமல், திட்டத்தை மதுரையில் செயல்படுத்தியிருந்தால், நன்றாக இருந்திருக்கும்.
திரவியம்: "இ பிளானிங்' திட்டம் மீது அனைவரும் அதிருப்தியில் உள்ளனர். அதை மறுபரிசீலனை செய்ய வேண்டும். அதை விளக்க வேண்டும்.(கவுன்சிலர்கள் பலரும், "இ பிளானிங்' திட்டத்திற்கு எதிராக கூச்சலிட்டனர்)
ராக்கப்பன், நகரமைப்பு அலுவலர்: இது அரசின் "பாலிசி' திட்டம்.
மேயர்: இத்திட்டம் குறித்து கவுன்சிலர்களுக்கு விளக்கும் கூட்டம் ஏற்பாடு செய்யப்படும். அதுவரை யாரும், அத்திட்டம் குறித்து விமர்சிக்க வேண்டாம்.
கண்ணகி, வேலைக்குழுத்
தலைவர்: அனுப்பானடி கால்வாயை தூர்வார, பல முறை வலியுறுத்தியும் நடவடிக்கை இல்லை. வார்டில் பழுதாகும் மோட்டார்களே, நாங்களே பழுது பார்க்கிறோம். சிறப்பு நிதியை, உதவிப் பொறியாளர்கள் பயன்படுத்துவதே இல்லை.
சுகந்தி, கல்விக்குழுத் தலைவர்: பள்ளிக்கு ஆய்வு வரும் கமிஷனர், எங்களுக்கு தகவல் தெரிவிப்பதில்லை.
மேயர்: மேயர், துணை மேயர் வந்தால் தகவல் தெரிவிக்கலாம். திடீர் ஆய்வுக்கு வரும் கமிஷனர் குறித்து, தகவல் தெரிவிக்க வேண்டும் என்ற கட்டாயம் இல்லை.
தாஸ்: தத்தனேரி மயானத்தில் உள்ள பணியாளர்கள், சிறுவர்களை வைத்து வேலை வாங்குகின்றனர். வருவோரிடம் கூடுதலாக வசூலிக்கின்றனர். மின் மயானம் செயல்பாடின்றி உள்ளது.
கமிஷனர்: மயான பணியாளர்கள் குறித்து விசாரிக்கப்படும். மின்மயானம் செயல்பட நடவடிக்கை எடுக்கப்படும், என்றார். இவ்வாறு தொடர்ந்து விவாதம் நடந்தது.

அதிகாரியை கண்டுபிடிக்க உத்தரவு
* அ.தி.மு.க., கவுன்சிலர் விஜயராஜா, தன் உதவியாளர்களுடன் இல்ல நிகழ்ச்சிக்கான பத்திரிகையை கவுன்சிலர்களிடம் சபையில் வழங்கினார்.
* தாமதமாக தொடங்கிய கூட்டத்தில் ஆரம்பத்திலேயே, ""அனைவரும் சுருக்கமாக பேசி, அனைவருக்கும் வாய்ப்பளிக்குமாறு,'' மேயர் கோரிக்கை வைத்தார்.
* மாநகராட்சியில் புதிய நிர்வாகம் பொறுப்பேற்ற பின், முதன் முதலாக வடை, கேக் கொண்டு வரும் நேரம் வரை, தி.மு.க., கவுன்சிலர்கள் சபையில் இருந்தனர்.
* வழக்கத்திற்கு மாறாக, மண்டலம் 3ன் தலைவர் ராஜபாண்டி, மேயரை புகழ்ந்து தள்ளினார். மேயர் முதற்கொண்டு யாருமே அதை எதிர்பார்க்கவில்லை.
* தத்தனேரி மயானம் தொடர்பான பதிலளிக்க அதிகாரியை அழைத்த போது, யார் அதற்குரிய அதிகாரி என்பது, கடைசி வரை தெரியவில்லை. அதிகாரியை கண்டுபிடிக்க கமிஷனர் உத்தரவிட்டார்.

 

மேலும் மதுரை மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்
பொழுது போக்கு


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.