Advertisement
"தண்ணீர் இல்லை... மேய்ச்சலும் போச்சு...'ஊரை காலி செய்யும் ஆடு வளர்ப்பு குடும்பங்கள்
Advertisement
 
 
Advertisement
 
 
எழுத்தின் அளவு:
Click the button to move down
Advertisement

பதிவு செய்த நாள்

28 ஜன
2013
03:57

பேரையூர்: பேரையூர் தாலுகாவில், மேய்ச்சல் நிலங்கள் அடியோடு குறைந்ததாலும், மழையின்றி ஏரி, குளங்கள் வறண்டதாலும் ஆடு வளர்க்கும் தொழில் செய்யும் குடும்பங்கள், பிழைப்புத் தேடி வெளியூர்களுக்கு செல்கின்றன.இத்தாலுகாவில், பேரையூர், டி.கிருஷ்ணாபுரம், எம்.சுப்புலாபுரம் உள்ளிட்ட பகுதிகளில் ஆடுகள் வளர்ப்பில் 700 குடும்பங்கள் இருந்தன. இவர்கள், ராமநாதபுரம் மாவட்டம், கடலாடி உட்பட பல பகுதிகளில் இருந்து, 20 ஆண்டுகளுக்குமுன் பிழைப்பு தேடி பேரையூர் தாலுகாவில் குடியேறினர். பல்வேறு ஊர்களில் அதிக எண்ணிக்கையில் ஆடுகள் வைத்திருப்பவர்களிடம், கடன் பேரில் ஆடுகளை பெற்று, அதை வளர்த்து, ஆட்டு குட்டிகள் ஈணுவது மூலம், கடனை திருப்பி செலுத்துவார்கள். மேலும், கடன் தொகையை செலுத்தியவுடன், மீதமுள்ள ஆடுகளின் எண்ணிக்கையில், சரிபாதியை அந்த உரிமையாளர்களிடம் திருப்பி கொடுத்து விடுவது இவர்களின் வாழ்க்கை முறை. இந்தாண்டு, பேரையூர் தாலுகாவில் கடும் வறட்சியால், குடிப்பதற்குகூட தண்ணீறின்றி ஏரிகள், குளங்கள் வறண்டன. தண்ணீரை விலைக்கு வாங்கி, ஆடுகளுக்கு கொடுக்கும் சூழல் ஏற்பட்டது. மேலும், மேய்ச்சல் நிலங்கள் 90 சதவீதம் மறைந்துவிட்டன.

இதனால், ஆடுகள் வளர்க்க முடியாத நிலை. "இனியும் இங்கிருந்தால் பிழைப்பு நடத்த முடியாது,' எனக் கருதி, 200க்கும் மேற்பட்ட ஆடு வளர்க்கும் குடும்பங்கள், இத்தாலுகாவை விட்டு வெளியேறி விட்டனர்.இருளப்பன்: ஆடு மேய்க்கும் தொழில் தவிர வேறு தெரியாது. ஆடுகள் மேய்ப்பதற்கு, மேய்ச்சல் நிலங்கள் இப்போது இல்லை. மழை இல்லாததால் தண்ணீரும் இல்லை. ஆட்டு "கிடை'கள் (விவசாய தோட்டங்களில் இரவில் ஆடுகளை அடைத்து, அவை இடும் புழுக்கைகள் விவசாயத்திற்கு பயன்படும்) அமைக்கவும், விவசாயிகள் அழைப்பதில்லை. இதனால், குடும்பம் நடத்துவதற்கே கஷ்டமாக உள்ளது. வேறுவழியின்றி, கேரளா விவசாயிகளுக்கு, ஆட்டுப் புழுக்கைகளை மூடை ரூ.50க்கு விற்கிறோம்.
விஜயராஜ்: வீடுகள், கட்டடங்கள் கட்டப்பட்டதால் ஆடுகள் மேய்ப்பதற்கு நிலங்கள் இல்லாமல் போனது. ஓலையால் "குடில்'கள் அமைத்து தான் தங்குவோம். இதற்கு இடவாடகை கூட கொடுக்க முடியவில்லை.
ராக்கு: குடும்பத்துடன் பிழைப்பு தேடி பேரையூருக்கு வந்தோம். ரூ.4 லட்சம் பேசி, 100 ஆடுகள் கொண்டு வந்தோம். இதுவரை ரூ.மூன்றரை லட்சம் கடனை செலுத்தி விட்டோம். 30 ஆடுகள் நோயால் இறந்து விட்டன. இச்சூழலில், மீத கடனை எப்படி திருப்பிச் செலுத்துவது என்று தெரியவில்லை. ஆடுகள் மேய்ப்பதற்கு ஏற்ற வேறு இடத்துக்கு செல்ல முடிவு செய்துள்ளோம்.

 

Advertisement
மேலும் மதுரை மாவட்ட  செய்திகள் :


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.