Dinamalar

சென்னை:நெம்மேலி கடல் நீரை குடி நீராக்கும் திட்டப் பணிகளில், 98 சதவீதம் முடிந்து, சோதனை ஓட்டம் துவங்கி உள்ளது. மொத்த பணிகளும், இம்மாதம் முடிந்து, விரைவில் செயல்பாட்டுக்கு வர உள்ளது. தினமும், 10 கோடி லிட்டர் குடிநீர் கிடைக்கும் என்பதால், சென்னை மக்களின் தேவை, பெருமளவு பூர்த்தியாகும் என, எதிர்பார்க்கப்படுகிறது.மீஞ்சூரில், தினமும், 10 கோடி லிட்டர் குடிநீர் பெறும், கடல் நீரை குடிநீராக்கும் திட்டம் செயல்பாட்டில் உள்ளது.

2010ல் துவக்கம்:அதுபோல், சென்னை மக்களின் குடிநீர் தேவைக்காக, மாமல்லபுரத்தை அடுத்த, நெம்மேலியில், தினமும், 10 கோடி லிட்டர் குடிநீர் பெறும் வகையில், 908.28 கோடி ரூபாயில், கடல்நீரை, குடிநீராக்கும் திட்டப்பணிகள், 2010ல் துவங்கின.இவை, 2011, டிசம்பரில் முடிந்திருக்க வேண்டும். கடல் சார்ந்த பகுதிகளில், குழாய் பதிப்பதில் தாமதம் ஆனது. பின், பணிகள் முடுக்கிவிடப்பட்டு, தற்போது, முடியும் தறுவாயில் உள்ளன.

இது குறித்து, சென்னை குடிநீர் வாரிய அதிகாரி ஒருவர் கூறியதாவது:நெம்மேலி கடல் நீரை, குடிநீராக்கும் திட்டப்பணிகள், 98 சதவீதம் முடிந்து, சோதனை ஓட்டம் நடக்கிறது. குடிநீரை கொண்டு செல்ல, 64.37 கி.மீ., நீளத்திற்கு, குழாய்கள் பதிக்கும் பணி முடிந்துள்ளது. திருவான்மியூர், வேளச்சேரி, அக்கரை மற்றும் நெம்மேலியில், நீரேற்று நிலைய கட்டுமானப் பணிகள், கடல் சார்ந்த குழாய் பதிக்கும், பணிகளும் முடிந்துவிட்டன.

குடிநீர் தட்டுப்பாடு குறையும்:பிரதான குடிநீர் குழாய்கள், கீழ்நிலை தொட்டிகளை சுத்தப்படுத்துதல் உள்ளிட்ட, அனைத்து பணிகளும், இந்த மாதத்திற்குள் முடியும்.எப்போது, திறப்பது என்பதை, அரசு முடிவு செய்யும். முதல் கட்டமாக, ஆறு முதல், ஏழு கோடி லிட்டர் சுத்திகரிக்கப்படும். பின், படிப்படியாக, 10 கோடி லிட்டர் பெறப்படும்.இவ்வாறு, அவர் கூறினார்.

நெம்மேலி குடிநீர் திட்டம் விரைவில் முடியும் என, அமைச்சர் முனுசாமி, சட்டசபையில், நேற்று முன்தினம் தெரிவித்துள்ளார். நெம்மேலியில் இருந்து தினமும், 10 கோடி லிட்டர் குடிநீர் கிடைக்கும் பட்சத்தில், மக்களின் குடிநீர் தேவை, பெருமளவு பூர்த்தியாவதோடு, கோடையில், குடிநீர் தட்டுப்பாடு குறையும் என, எதிர்பார்க்கப்படுகிறது.

சோழிங்கநல்லூருக்கு குடிநீர் கிடைக்குமா?:நெம்மேலி கடல் நீரை குடிநீராக்கும் திட்டம் பயன்பாட்டிற்கு வந்தாலும், சோழிங்கநல்லூர், துரைப்பாக்கம் உள்ளிட்ட பகுதிகளுக்கு, குடிநீர் கிடைக்குமா என்பது, கேள்விக்குறியாகவே உள்ளது.துரைப்பாக்கம், பெருங்குடி உள்ளிட்ட பகுதிகளில், குடிநீர் குழாய்கள் அமைக்கும் பணிகள், இன்னும் துவங்கவே இல்லை.மேலும், சோழிங்கநல்லூர் மற்றும் துரைப்பாக்கம் உள்ளிட்ட இடங்களில், நான்கு லட்சம் லிட்டர் கொள்ளளவு கொண்ட குடிநீர்த் தேக்க தொட்டிகள் அமைக்கும் திட்டம், இரண்டு ஆண்டுகளாக கிடப்பிலேயே உள்ளது.இதனால், நெம்மேலி கடல் நீரை, குடிநீராக்கும் திட்டம் பயன்பாட்டிற்கு வந்தாலும், மேற்கண்ட பகுதிகளில், குடிநீர் வினியோகம் இருக்க வாய்ப்பு இல்லை.

இது குறித்து, குடிநீர் வாரிய அதிகாரி ஒருவர் கூறுகையில், ""படிப்படியாக, துரைப்பாக்கம் உள்ளிட்ட பகுதிகளுக்கு குடிநீர் வழங்கும் திட்டம் உள்ளது,'' என, கூறியதுடன், முடித்து கொண்டார்.

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

Login :

Log in

Forgot password ?

( OR )Login with

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g or click this   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.