Dinamalar

மக்களிடம் ஆதரவு இல்லாதது, கண்காணிப்பு குழு எதிர்ப்பு ஆகிய காரணங்களால், சென்னை பெருநகர் வளர்ச்சிக்குழுமத்தின் (சி.எம்.டி.ஏ.,) விதிமீறல் கட்டடங்கள் வரன்முறை திட்டம் தொடர்ந்து செயல்படுத்தப்படுமா என்பது கேள்விக்குறியாகியுள்ளது.
விதிமீறல் கட்டடங்கள் வழக்கை விசாரித்து வரும் சென்னை ஐகோர்ட், 2006ல் வழங்கிய தீர்ப்பின் அடிப்படையில் நடவடிக்கை எடுக்க, 12 பேர் கொண்ட கண்காணிப்பு குழுவை அமைத்தது.
நீதிபதி மோகன் குழு பரிந்துரை அடிப்படையில், விதிமீறல் கட்டடங்களை வரன்முறைப்படுத்துவது தொடர்பான நடவடிக்கைகளை, ஐகோர்ட் அனுமதியின்றி துவங்குவதற்கு, கடந்த நவம்பர் மாதம் நடந்த கண்காணிப்புக்குழு
கூட்டத்திலேயே எதிர்ப்பு
தெரிவிக்கப்பட்டது.
இருப்பினும், சி.எம்.டி.ஏ., அதிகாரிகள் விதிமீறல் கட்டடங்கள் வரன்முறை திட்டத்தை செயல்படுத்துவதற்கான பணிகளை டிசம்பர் இறுதி வாரத்தில் துவக்கினர். கண்காணிப்பு குழுவில் 12 பேர் உள்ளனர்.
இதில், அரசு அதிகாரிகள் எட்டுபேர்; அரசு அலுவல் சாராமல் துறையில்
நிபுணத்துவம் பெற்றவர்கள் நான்கு பேர்.
எதிர்ப்பு
கண்காணிப்புக்குழுவின் அலுவல் சாரா உறுப்பினர்களில் ஒருவரான தேவசகாயம், ""முந்தைய கூட்டத்தில் அலுவல் சாரா உறுப்பினர்கள் தெரிவித்த எதிர்ப்பை மீறி, சி.எம்.டி.ஏ., அதிகாரிகள் நடந்துக்கொள்வதால், 48வது கூட்டம் நடத்துவதில் எவ்வித பலனும் இல்லை,'' என்று குறிப்பிட்டு, சி.எம்.டி.ஏ., துணை தலைவருக்கு, கடிதம் அனுப்பினார். கூட்டத்துக்கு வருவதையும் அவர் தவிர்த்து வந்தார்.
இந்நிலையில், கடந்த மாதம்,
4ம் தேதி நடந்த கண்காணிப்புக்குழு
கூட்டத்தில் பங்கேற்ற மற்ற அலுவல் சாரா உறுப்பினர்களும், தேவசகாயத்தின் கருத்தை வழிமொழிந்து, கூட்டத்தில் இருந்து பாதியிலேயே வெளியேறினர்.
கூட்டம் முடிந்த பின், அதன் நிகழ்வு குறிப்பேட்டில் (மினிட்ஸ்) அலுவல் சாரா உறுப்பினர்களின் எதிர்ப்பு குறித்து, மேம்போக்காக சில வரிகள் மட்டுமே குறிப்பிடப்பட்டிருந்தது. மேலும், விதிமீறல் கட்டடங்கள் வரன்முறை திட்டத்தை நியாயப்படுத்துவது போன்ற சி.எம்.டி.ஏ., தரப்பு கருத்து மட்டுமே குறிப்பிடப்பட்டிருந்தது.
இதற்கு, கண்காணிப்புக்குழுவின் அலுவல் சாரா உறுப்பினர்கள் மத்தியில் கடும் எதிர்ப்பு எழுந்தது. அவர்களில் சிலர், தங்களது எதிர்ப்பை சி.எம்.டி.ஏ., துணை தலைவரிடம் தெரிவித்ததாக கூறப்படுகிறது. இந்நிலையில், ஏற்கனவே வெளியிடப்பட்ட கண்காணிப்புக்குழு கூட்டத்தின் நிகழ்வு குறிப்பேட்டை திருத்த முடிவு செய்யப்பட்டது.
திருத்தம்
இதன்படி, திருத்தப்பட்ட கூட்ட நிகழ்வு குறிப்பேடு, சி.எம்.டி.ஏ., இணையதளத்தில் வெளியிடப்பட்டுள்ளது.
அதில், குறிப்பிடப்பட்டு உள்ளதாவது:
விதிமீறல் கட்டடங்கள் வரன்முறை திட்டத்தை செயல்படுத்த அலுவல் சாரா உறுப்பினர்கள் தெரிவித்த எதிர்ப்பு பதிவு செய்யப்படுகிறது.
ஐகோர்ட் அனுமதி வழங்கிய, 1999ம் ஆண்டுக்கான வரன்முறை திட்டத்தை பாதிக்காத வகையில், தற்போதைய வரன்முறை திட்டம் செயல்படுத்தப்படும். அத்திட்டத்தில் விண்ணப்பித்தவர்களுக்கு தற்போது அறிவிக்கப்பட்டுள்ள வரன்முறை திட்டம்
பொருந்தாது.
கண்ணை மூடிக்கொண்டு, எல்லா விதிமீறல் கட்டடங்களை வரன்முறைப்படுத்த மாட்டோம். நீதிபதி மோகன் குழுவின் பரிந்துரைகளில் குறிப்பிட்டுள்ள வரைமுறைகளுக்கு உட்பட்டே, விதிமீறல் கட்டடங்கள் வரன்முறை செய்யப்படும்.
இவ்வாறு அதில் குறிப்பிடப்பட்டு உள்ளது.
தொடரும் சிக்கல்
கடந்த, 2007 ஜூலைக்கு முன், கட்டப்பட்ட விதிமீறல் கட்டடங்களை, வரன்முறைப்படுத்தும் திட்டத்தில் தகுதி பெற குறிப்பிடப்பட்டுள்ள, நான்கு நிபந்தனைகள் ஒரு சேர பொருந்தாதது, தற்போதைய வழிகாட்டி மதிப்பில் வரன்முறைக்கு அதிக தொகை செலுத்த வேண்டியிருப்பது போன்ற காரணங்களால், இதில் விண்ணப்பிக்க பொது மக்கள் தயங்குகின்றனர்.
இந்நிலையில், கண்காணிப்புக்குழுவின் அலுவல் சாரா உறுப்பினர்களின் எதிர்ப்பு வலுத்து வருவதால், வரன்முறை திட்டம் தொடர்ந்து செயல்படுத்தப்படுமா என்ற சந்தேகம், எழுந்து உள்ளது.
- நமது நிருபர் -

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

Login :

Log in

Forgot password ?

( OR )Login with

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g or click this   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.