Govt ban thiruvilakku pooja and latcharchanai in temples | கோவில்களில் லட்சார்ச்சனை, திருவிளக்கு பூஜை நடத்த தடை| Dinamalar

பொது செய்தி

தமிழ்நாடு

கோவில்களில் லட்சார்ச்சனை, திருவிளக்கு பூஜை நடத்த தடை

Added : மார் 06, 2013 | கருத்துகள் (24)
Advertisement
Govt ban thiruvilakku pooja and latcharchanai in temples கோவில்களில் திருவிளக்கு பூஜை நடத்த தடை

சென்னை: தமிழக கோவில்களில் லட்சார்ச்சனை, கோடி அர்ச்சனை, திருவிளக்கு பூஜை ஆகியவற்றை, தனியார் அமைப்புகள் நடத்த அரசு தடை விதிக்கப்பட்டுள்ளது.
தமிழக இந்து சமய அறநிலையத்துறையின் கட்டுப்பாட்டில், 34,652 கோவில்கள் உள்ளன. அறநிலையத்துறையின் சார்பில் கோவில்களுக்கு அனுப்பப்பட்டுள்ள சுற்றறிக்கையின் விவரம்: கோவில்களில் நடத்தப் படும் லட்சார்ச்சனை, கோடி அர்ச்சனை சரியான முறையில் செயல்படுத்தப் படவில்லை என்ற குறை, பக்தர்கள் மனதில் ஏற்பட்டுள்ளது. எனவே, லட்சார்ச்சனை, கோடி அர்ச்சனைகளை கோவில் நிர்வாகத்தின் மூலமே செயல்படுத்த வேண்டும். தனிப்பட்ட மனிதர்கள், அமைப்புகள் மூலம் இது போன்ற வழிபாடு செய்ய அனுமதிப்பது, பல்வேறு புகார்களுக்கு இடமளிக்கிறது. லட்சார்ச்சனை, கோடி அர்ச்சனைகளில், தலா மூன்று திட்டங்கள் வகுக்கப்பட்டுள்ளன. அந்த திட்டங்களின் விவரம்:


திட்டம் 1:

அனைத்து கோவில்களிலும், 150 ரூபாய் கட்டண திட்டத்தில் பக்தர்களுக்கு தேங்காய் ஒன்று, பழம் இரண்டு, வெற்றிலை பாக்கு, ஊதுபத்தி இரண்டு, வில்வம், விபூதி, குங்குமம், லட்டு, 100 கிராம் ஒன்று அல்லது சர்க்கரை பொங்கல் பிரசாதம், பூச்சரம், எவர்சில்வர் டிபன் பாக்ஸ், கோவில் துணிப்பை வழங்கப்படுகிறது. இதில் கோவில் நிர்வாகத்தின் சார்பில் அர்ச்சகருக்கு, 10 ரூபாய் வழங்கப்படுகிறது.


திட்டம் 2:

இத்திட்டத்துக்கு, 200 ரூபாய் கட்டணம் நிர்ணயம் செய்யப் பட்டுள்ளது. முதல் திட்டத்தில் உள்ள பொருட்களுடன், கூடுதலாக, 50 கிராம் எடை கொண்ட முறுக்கு ஒன்று, வடை ஒன்று, 25 கிராம் எடை கொண்ட அதிரசம் ஒன்று அல்லது சர்க்கரை பொங்கல், சுவாமி, அம்பாள் லேமினேஷன் செய்யப்பட்ட படம் இரண்டு ஆகியன வழங்கப்படும்.


திட்டம் 3:

இத்திட்டத்தில், 400 ரூபாய்க்கு அமல் படுத்தப்பட்டுள்ளது. இத்திட்டத்தில் பங்கு பெறும் பக்தர்களுக்கு வெள்ளி டாலர் வழங்கப்படுகிறது. இரண்டாவது திட்ட பொருட்களுடன் கூடுதலாக சுவாமி, அம்பாள் உருவம் பொறித்த, 2 கிராம் வெள்ளி டாலர் வழங்கப்படுகிறது.
இந்த திட்டங்களை கோடி அர்ச்சனை திட்டத்துக்கும் செயல் படுத்த வேண்டும். இதில் மாற்றம் செய்ய நேரும் பட்சத்தில், அது குறித்து தனி அனுமதி பெற்றுக் கொள்ள வேண்டும். அனைத்து கோவில்களிலும் திருவிளக்கு பூஜை நடத்தப்படுவதை கோவில் நிர்வாகத்தின் மூலமே நடத்த பக்தர்கள் விரும்புகின்றனர். இரண்டு அல்லது மூன்று மாதங்களுக்கு ஒரு முறை, இதுபோன்ற பூஜைகள் நடைபெறும் வகையில் செயல் அலுவலர்கள், தக்கார், அறங்காவலர்கள் ஆகியோருக்கு விவர மளித்து கண்காணிக்க வேண்டும். இந்நிகழ்வுகளை அவ்வப்போது கமிஷனர் அலுவலகத்திற்கு தகவலுக்காக தெரிவிக்க வேண்டும். இத்திட்டங்கள் அனைத்தையும், தமிழ் புத்தாண்டு தினமான, சித்திரை 1 முதல், அமல்படுத்த வேண்டும். இவ்வாறு சுற்றறிக்கையில் கூறப்பட்டுள்ளது.

Advertisement


இதையும் தவறாமல் படிங்க ...



Advertisement

வாசகர் கருத்து (24)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bala - NY,யூ.எஸ்.ஏ
08-மார்-201300:52:21 IST Report Abuse
Bala அது என்ன இந்துக்களுக்கு ஒரு நியாயம் கிறிஸ்த்து மற்றும் இஸ்லாமியர்களுக்கு மற்றொரு நியாயம் ? சர்ச் மற்றும் மசூதிகளில் வசூலாகும் பணத்தையும் அரசே எடுத்துக் கொள்ளவேண்டும் அல்லது கோவில் உண்டியல் பணத்தை தொடக் கூடாது. இது நம் உரிமையை பறிக்கும் செயல் இல்லையா? "இந்து சமய அறநிலையத் துறை" என்பதை "சர்வ சமய அறநிலையத் துறை" யாக மாற்றி அமைக்க வேண்டும். இதைச் செய்ய அரசு முன்வராவிடில் நீதி மன்றத்தை அணுக வேண்டும்.
Rate this:
Share this comment
Cancel
Anantharaman - Porur, Chennai,இந்தியா
07-மார்-201318:39:11 IST Report Abuse
Anantharaman அங்க வச்சு ...இங்க வச்சு ..இப்ப ஆண்டவன் கிட்டயே கைவசுட்டாங்களா ...இனிமேல் கோவில்களில் குடுமிபிடி சண்டையை எதிர்பார்க்கலாம். இறைவா உன்னை நீ காப்பாற்றிக்கொள்.
Rate this:
Share this comment
Cancel
LAX - Trichy,இந்தியா
07-மார்-201316:58:27 IST Report Abuse
LAX கோயிகளில் பக்தர்கள் அர்ச்சனை சீட்டு & அர்ச்சனை தட்டு போன்றவைகளை வாங்கி அர்ச்சனைக்கு தருகிறார்களே, அவர்களுக்கு அர்ச்சகர்கள் அர்ச்சனையை ஒழுங்காக மந்திரம் முழுவதும் சொல்லி செய்து தருகிறார்களா? (எல்லா பூக்களையும் எடுத்துப்போட்டு, தேங்காய்களை உடைத்துவிட்டு சூடம் காண்பிப்பதோடு சரி. அதற்கெல்லாம்கூட கண்டிப்புடன் நடவடிக்கை எடுத்தாலொழிய திருத்தமாக செய்யமாட்டார்கள் போலுள்ளது. 1000 கணக்கில் பணம் கட்டி அபிஷேகத்திற்கு ஏற்ப்பாடு செய்பவர்களுக்காக மட்டுமே அர்ச்சனை முழுவதுமாக சரியாக செய்யப் படுகிறது. கூட்டம் அதிகமுள்ள நாட்களில் தனித்தனியாக ஒவ்வொருவருக்கும் முழுவதும் மந்திரங்களைச் சொல்லி அர்ச்சனை செய்வது நடைமுறையில் சாத்தியம் இல்லை என்றாலும், ஒரு பேட்ச்-க்கு ஒரு முறையாவது மந்திரங்கள் கூறி அர்ச்சனை செய்யலாமே..?
Rate this:
Share this comment
Cancel
Jana - rajapalayam,இந்தியா
07-மார்-201316:28:45 IST Report Abuse
Jana அஜய்குமார் நம் நாட்டை பொருத்தவரை ஹிந்துக்கள் மட்டும் தான் மதசார்பின்ம்ய்யாக இருக்க வேண்டும் மற்ற எல்லா மதத்தினரும் தங்கள் மத கருத்துக்களையும் ஆன்மீகத்தயும் பரப்பலாம்.ஆனால் அரசாங்கம் ஹிந்துக்களுக்கு ஏதாவது சிறிய சலுகை செய்தால் உடனே மதசார்பின்மை போய்விட்டது என்று அனைத்து ஊடகங்களும் கத்த ஆரம்பித்து விடும்,ஹிந்துக்கள் சிறுபான்மை ஏற்க்கனவே காஸ்மீரில் ஆரம்பித்து அடித்து விரட்டபட்டுவிட்டர்கள்,இந்தியா முழுவதும் இந்த நிலைமை ஏற்ப்பட வெகுநாட்கள் இல்லை,இருந்தாலும் பெரும்பான்மையான ஹிந்துக்கள் தான் மதசார்பின்மைக்கு ஆதரவு கொடுத்து தங்களுக்குள் ஆப்பு வைத்துகொள்கிறார்கள்.
Rate this:
Share this comment
Cancel
S Rama(samy)murthy - karaikudi,இந்தியா
07-மார்-201316:19:20 IST Report Abuse
S Rama(samy)murthy கோவில்கள் சிறந்து விளாங்க , இந்திய பண்பாட்டில் நன்பிக்கை உள்ளவர்கள் ஆட்சிக்கு வரவண்டும் . சுப ராமமூர்த்தி சிவகங்கை
Rate this:
Share this comment
Cancel
muthu Rajendran - chennai,இந்தியா
07-மார்-201314:48:42 IST Report Abuse
muthu Rajendran நாயன்மார்களும் ஆழ்வார்களும் பாடி சிறப்பு செய்த முன்னாள் மன்னர்களும் செல்வந்தர்களும் கட்டிய பெரும் திருக்கோயில்கள் பல பாமரிக்கபடாமல் சிதலமடைந்து உள்ளன. இந்த புராதன ஆலயங்களை மக்கள் உதவியுடன் சீராக பராமரிக்க அறநிலையத்துறை முன்வர வேண்டும்.தற்போது அங்கங்கு தனியார் கோயில்கள் கணக்கின்றி தோன்றி வருகின்றன . புராதன கோயில்களை பராமரிக்க மக்களை ஊக்கப்படுத்த அரசு உரிய நடவடிக்கை எடுக்க வேண்டும்.
Rate this:
Share this comment
Cancel
venkat Iyer - nagai,இந்தியா
07-மார்-201313:32:28 IST Report Abuse
venkat Iyer இது என்ன கொடுமை .இந்து அற நிலை எதுவும் முன்னின்றி செய்வது கிடையாது. அங்கு உள்ள பக்தர்கள் சேர்ந்து செய்ய முன் வரும் போது இது போல அரசு கொடுக்கும் புதிய யோசனை பக்தர்கள் வரவை குறைக்கத்தான் செய்யும். வருமானம் இல்லாத கோயில்கள் நிலை இனிமேல் கேள்விகுறிதான்.(நல்ல கோயில் திருவிழாவை பார்க்க முடியாது.)கோயில்களில் வருமானத்தை பார்ப்பது மாபெரும் தவறு.இது குறித்து வெள்ளை அறிக்கை கேட்க வெண்டியது நமது ச ம உ .சித்திரை திருவிழா எப்படி மற்ற கோயில்களில் நடக்க போகிறது.கடவுளுக்குதான் வெளிச்சம்.
Rate this:
Share this comment
Cancel
ksv - chennai,இந்தியா
07-மார்-201312:47:40 IST Report Abuse
ksv அரசு ஏன் ஹிந்து கோவில்களை மட்டும் ஏற்று நடத்த வேண்டும் சர்ச்சுகள், தர்காக்கள் போன்றவற்றையும் ஏற்று நடத்த முன் வர வேண்டும். அப்பொழுது தெரியும் யார் எப்படியெல்லாம் சுரண்டபடுகிரர்கள் மற்றும் சிறுபான்மை பெரும்பான்மை என அரசாங்கம் பிரித்து கொள்ளை அடிப்பது புரியும்.
Rate this:
Share this comment
Cancel
sumugan - bangalore,இந்தியா
07-மார்-201312:07:23 IST Report Abuse
sumugan கோயில் எனபது பொது இடம் ... தனியார் நடத்துகிறார் என்றால் கோயில் பணியாளர்களுக்கு அர்ச்சகருக்கு பணம் கொடுக்கப்படவில்லை என்பது இல்லை ...ஆனால் வழிபாடு வரவு செலவு பணியாளர்களுக்கு, அர்ச்சகருக்கு தெரிய வாய்ப்பு இல்லை ... அதனால் மொத்தமாக வழிபாடு நிறுத்துவது சரி இல்லை
Rate this:
Share this comment
Cancel
Krishnakumar - Nellore,இந்தியா
07-மார்-201311:50:45 IST Report Abuse
Krishnakumar ஏனப்பா எங்கள் ஹிந்து கோவில்களை அடியோடு ஒழிக்க வேண்டும் என்று முடிவு எடுத்து விட்டீர்களா? அரசாங்கமே எங்கள் ஹிந்து கோவிலில் இருந்து வெளியேறு .
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை