விஷவாயுவில் இருந்து மின்சாரம் தயாரிப்பு| Dinamalar

பொது செய்தி

இந்தியா

விஷவாயுவில் இருந்து மின்சாரம் தயாரிப்பு

Added : ஜூன் 24, 2014
Advertisement
 
 
Advertisement
 
 
 
Advertisement

நொய்டா: கழிவுநீரில் இருந்து, அதிக அளவில் மீத்தேன், கார்பன் டை-ஆக்சைடு, சல்பர் டை-ஆக்சைடு, ஹைட்ரஜன் டை-ஆக்சைடு போன்ற வாயுக்கள் வெளியாகின்றன. இதன் காரணமாக, கழிவுநீர் கால்வாய்களில் இறங்கி சுத்தம் செய்பவர்கள், விஷவாயு தாக்கி, உயிரிழக்கின்றனர். உயிரிழப்பை தவிர்ப்பதற்காக, அந்த விஷவாயுவை பயன்படுத்தி, மின்சாரத்தை தயாரிக்கும் ஆய்வில், ஐ.ஐ.டி., மாணவர்கள் மற்றும் பேராசிரியர்கள் ஈடுபட்டனர்.


பரிசோதனை முறை:

சமாஜ்வாதி கட்சியின் அகிலேஷ் யாதவ் தலைமையிலான, உத்தரபிரதேச மாநிலத்தின், கவுதம் புத்த நகர் மாவட்டத்தில் உள்ள நொய்டாவில், பரிசோதனை முறையாக, கழிவுநீர் குழாய்களின் முக்கிய இணைப்பு மீது, சிறிய எரிவாயு உற்பத்தி ஆலையை அமைத்து, அதில் இருந்து, மின்சாரத்தை தயாரித்து, தெரு விளக்குகளுக்கு பயன்படுத்தும் பணியில், மாணவர்கள் ஈடுபடுவர். ஒரு வார பரிசோதனைக்குப் பின், நகரில் உள்ள, கழிவுநீர் சுத்திகரிப்பு நிலையத்தில், எரிவாயு தயாரிப்பு ஆலை நிறுவப்பட்டு, அதிகளவில் மின்சாரம் தயாரிக்கப்படும். 'வரும் 2021ம் ஆண்டுக்குள் இந்தத் திட்டம், நொய்டா முழுவதும் விரிவாக்கப்படும்' என, ரூர்க்கி ஐ.ஐ.டி.,யின் திட்ட பொறியாளர் ஸ்ரீவத்சவா கூறியுள்ளார். இந்திய தொழில்நுட்பக் கழகத்தின் விரிவான அறிக்கை கிடைத்தபின், ஆய்வு செய்யப்பட்டு, உரிய அங்கீகாரம் வழங்கப்படும். நொய்டாவில் உள்ள, கழிவுநீர் சுத்திகரிப்பு நிலையத்தின், மின் தேவைக்காக, ஆண்டுக்கு, 73 லட்சம் செலவிடப்படும் நிலையில், விஷவாயுவில் இருந்து தயாரிக்கப்படும் மின்சாரம், கழிவுநீர் சுத்திகரிப்பு மையத்திற்கு பயன்படுத்தப்படும். 'புதிய தொழில்நுட்பத்தை பயன்படுத்தும்போது, ஆண்டுக்கு, 43 லட்சம் ரூபாய் சேமிக்கப்படும். பின், படிப்படியாக, மற்ற பகுதிகளுக்கும் இத்திட்டம் விரிவாக்கப்படும்' என, டி.சி.இ.ஓ., அதிகாரி விஜய யாதவ் கூறியுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை