காதுகளை திருடும் கானங்கள்| Dinamalar

காதுகளை திருடும் கானங்கள்

Added : டிச 19, 2014 | கருத்துகள் (13)
Advertisement
 
 
Advertisement
 
 
 
Advertisement
Advertisement
காதுகளை திருடும் கானங்கள்

அண்மையில் உத்தமபாளையத்தில் இருந்து மதுரைக்கு பேருந்துப் பயணம். அதிக வேகம், பாட்டு, 'டிவி' சத்தத்திற்குப் பயந்து பெரும்பாலும் தனியார் பேருந்துகளில் செல்வதில்லை. ராமேஸ்வரம் செல்லும் ஓர் அரசுப் பேருந்தில் ஏறி விட்டேன். பராமரிப்பு இல்லாத பேருந்து எழுப்பிய சத்தத்துடன், அதிலும் பாட்டுச் சத்தமும் சேர்ந்து காதுகளுக்கு இமைகள் இருந்திருக்கக் கூடாதா என்ற ஏக்கமே ஏற்பட்டது.

இரண்டு முறை நடத்துநரிடம் சத்தத்தைக் குறைக்க கேட்டுக் கொண்டேன். அவர் கண்டு கொள்ளவே இல்லை. இரண்டரை மணிநேர இரைச்சல் பயணம் முடிந்து மதுரையில் இறங்கும்போது தலைவலி ஆரம்பித்து விட்டது."இசை கேட்டால் புவி அசைந்தாடும்” என்பது ஓர் அனுபவ உண்மைதான். ஆனால், இதயத்தை வருடும் இதமான இசையுடன் சிந்தையில் நிறையும் கருத்துக்களை ஏந்தி இன்று காதுகளுக்கு வரும் கானங்கள் மிகக்குறைவு. வெற்றுக் கத்தல்களும், வேட்டுச் சந்தங்களுமா பாடல்கள்?

குத்துப்பாடல்கள் மண்ணின் மணத்தோடும் கதையோடும் மக்களுக்கு வாழும் நெறிகள் சொன்ன கூத்துப் பாடல்கள் ஒலித்த மண்ணில் இன்று குத்துப்பாடல்கள்.
"இசையால் வசமாகா இதயமெது?” பாடல்வரி ஓர் இயற்கை தரிசனம்தான். "ஏழிசையாய் இசைப்பயனாய் என்னுடைய தோழனுமாய்..” என்று இறைவனையே இசையாய் கொண்டாடும் மரபு தமிழருக்கு உண்டு.மதுரை மீனாட்சி அம்மன் கோயிலில் சேக் சின்ன மவுலானாவின் நாதஸ்வர இசைக்கச்சேரி. ஆன்மிகப் சொற்பொழிவாற்ற வருகை தந்த கிருபானந்த வாரியார் சுவாமிகள், மவுலானா கச்சேரியை ரசிக்க முதல் ஆளாய் முன் வரிசையில் அமர்ந்து விட்டார். கச்சேரியின் இறுதிப் பகுதியில் பக்க மேளமின்றி மவுலானா மட்டும் வாசிக்கும் ராக ஆலாபனை, ஊனுருக உள்ளுருகச் செய்யும். அந்த நாதஸ்வர ஆலாபனையில் கசிந்து கண்ணீர் மல்கி வாரியார் சுவாமிகள் லயித்திருக்க, அவரது கண்கள் பொழிந்த கண்ணீர் மேனியில் பூசப்பட்ட திருநீற்றில் கலந்து கரைந்து நின்ற காட்சியை நேரில் கண்ட ஒரு பெருமகனார் சொல்லக் கேட்டிருக்கிறேன்.


எல்லை கடந்த இசை :

இசை எல்லா மனித எல்லைகளையும் கடந்து நிற்கும் ஆற்றல் பெற்றது! ஜெர்மனியில் பெர்லின் நகரில் ஓர் இசை அரங்கு நிரம்பி வழிகிறது. முன்வரிசையில் அன்றைய உலகப் புகழ்பெற்ற இசைமேதைகள் பிராம்சு, பாச், பீத்தோவான் போன்றவர்களுடன் விஞ்ஞானி ஐன்ஸ்டீனும் அமர்ந்துள்ளார். பிரபலங்களின் வருகை அங்கு நடக்கப் போகும் இசை நிகழ்ச்சியில் பங்கேற்கப் போகும் இசைக்கலைஞன் யார் என்ற எதிர்பார்ப்பை ஏற்படுத்த, 12 வயது சிறுவன் யஹதி மெனுஹின் கையில் வயலினோடு மேடை ஏறுகிறான். அரங்கு நிறைந்த கைதட்டல் அவனை வரவேற்க, வயலினை வாசிக்க ஆரம்பிக்கிறான். மொத்த அரங்கும் அச்சிறுவனின் இசை என்னும் இன்ப வெள்ளத்தில் மூழ்கித் திளைக்கிறது.இசையில் தன்னை இழந்து உணர்வு வசப்பட்ட ஐன்ஸ்டீன், மேடை ஏறி அச்சிறுவனை ஆரத்தழுவிக் கொண்டு சொன்னார், "குழந்தையே! நான் இதுவரை கடவுள் இருக்கிறார் என்பதை நம்பவில்லை. ஆனால் உன் இசையைக் கேட்டபின்னர் இப்போது நம்புகிறேன்” என்றார்.இசை இன்பத்தால் இறை இன்பத்தை உணரலாம். இறையோடு உள்ள ஆன்மக் காதலுக்கு இசைதான் சுருதி கூட்டும்.

திருத்தலங்கள் தோறும் சென்று இசைப்பாடல்களால் இறைவனை போற்றிய நாயன்மார்கள், ஆழ்வார்கள் பக்தி மரபின் செழுமையான வெளிப்பாடாகும். வழிபாடுகளுக்குள் வடமொழி நுழையாமல் பாதுகாத்து, தமிழில் வழிபாடு என்ற மரபைக் காத்த பெருமை இவர்களது பாடல்களுக்கு உண்டு.இப்படி ஆன்மிகத்தோடு இசையை இணைத்துப் பார்ப்பதற்குக் காரணம், இசை மனதிற்கு அமைதியையும், நிறைவையும் தருவதால் தான். வழிபாடுகள் அமைதிச் சூழலில் மன ஒருமைப்பாட்டுடன் நிகழ்ந்தால்தான் அர்த்தம் உள்ளது. ஆனால் இன்று இறைவழிபாடுகள் கூட காதைப் பிளக்கும் இசையும் பாட்டும் என இரைச்சல்பாடுகளாய் மாறிவிட்டன.


நாட்டுப்புற பாடல்கள் :

அமெரிக்காவில் வெள்ள இனவெறி ஆதிக்கத்தால் நசுக்கப்பட்டுக் கிடக்கும் ஆப்ரிக்க கருப்பின மக்கள், தங்கள் விடுதலைக்கான அடையாளமாக ரேப் இசையை பயன்படுத்துகிறார்கள்.அன்பையும், உறவையும் கொண்டாடுபவையாக, உழைக்கும் மக்களின் களைப்பைப் போக்கும் உந்து சக்தியாக, வாழ்வின் அனுபவங்களை மக்கள் மொழியில் பதிவு செய்பவையாக நமது கிராமங்களில் ஒலித்த நாட்டுப்புறப்பாடல்கள் திகழ்கின்றன."கிழங்கோ கிழங்கு என்று கூவுவாள் நாவில் வழங்கோசை கோடி பெறும்” என்று வீதி இசைக்கு மதிப்பு கொடுத்த சமூகம் தமிழர்களுடையது.அதிகாலை நேரத்தில் எங்கிருந்தோ வந்து ஆன்மாவை வருடும் பக்தி கானங்கள், பறவைகளின் காலைப் பண்கள் எல்லாம் அதிகாலை நிசப்தத்தில் நம்மை புத்துலகத்திற்குத் தயார் செய்து விடும். மென்மையான இசையை, பாடல்களை இரவு நேரத்தில் குறைந்த ஒலியில் இசைக்க விடும்போது நம்மை மறந்த லயத்தில் தூக்கம் கண்களைத் தழுவிக் கொள்ளும்.இரவு நேரத்தில் அதிக சத்தத்துடன் தாம் தூம் என்ற பின்னணி இசையோடு பாடல்களைக் கேட்க வேண்டாம், அது நம் இரவு நேர மூளை அமைதியைப் பாதிக்கும் என்று உளவியலாளர்கள் கூறுகின்றனர்.

எது இசை, அதை எப்படி கேட்க வேண்டும் என்ற அறிவில்லாத காரணத்தால் வீடு, விழாக்கள் எல்லாம் சத்தங்களால் ஆக்கிரமிக்கப்பட்டுள்ளன. இன்றைய பேருந்துப் பயணங்களில் காதுகளைத் திருடும் கானங்களின் சத்தமே நிரம்பி வழிகிறது. பேருந்தின் இரைச்சல், பாட்டுச் சத்தம் எல்லாம் நம்மை பாதிக்காமலா போய் விடும்? இதமான பழையத் திரைப்படப் பாடல்களை ஒலிபரப்பினால், எங்கே இளசுகளின் சாபம் வந்து சேருமோ என்று ஓட்டுநரும், வசூல் இல்லாமல் போய்விடுமோ என்று நடத்துநரும் பயப்படுகின்றனர்.


பாதுகாப்பான பயணம் :

பயணங்களில் இந்த சத்த உலகத்தை மறந்து தங்களை தனித் தீவுகளாக்கிக் கொண்டு, தன்னைச் சுற்றி என்ன நடக்கிறது என்பதை மறந்து காதுகளில் ஹெட்போனை மாட்டிக் கொண்டு இந்த கத்தல்களை தன் செவிப்பறைகளுக்குள் மோதவிடும் வருங்கால செவிடுகள் சிலர் கண்மூடி அமர்ந்திருப்பர்.பயணங்கள் எல்லாம் ஏதோ ஒரு நோக்கத்திற்காக நடைபெறுபவைதான். ஒரு பேருந்துப் பயணத்தில் பணிகளுக்காக, படிப்புக்காக, பரீட்சை எழுதுவதற்காக, விசேஷங்களுக்காக, மருத்துவ சிகிச்சைக்காகச் செல்வோர் எனப் பலதரப்பட்டோர் இருப்பர். எல்லோருக்கும் தேவை பாதுகாப்பான அமைதியான பயணம்தான். அதைப் பேருந்துகளை இயக்குவோர் உறுதிப்படுத்த வேண்டும்.இசைப்பாட்டு எல்லோரையும் ஈர்ப்பதுதான். உள்ளத்தை வருடி ஆனந்தம் கொள்ளச் செய்வதுதான். எந்த மகிழ்ச்சியும் மனிதனை மன அமைதி கொள்ளச் செய்வதாக இருந்தால்தான், அது அர்த்தம் பெறும்.
-முனைவர்.மு.அப்துல் சமது
தமிழ்ப் பேராசிரியர்.
ஹாஜிகருத்த ராவுத்தர் கல்லூரி,
உத்தமபாளையம்.
93642 66001

Advertisement

இதையும் தவறாமல் படிங்க ...



Advertisement

வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
T N Subramaniyan - TRIVANDRUM,இந்தியா
21-டிச-201400:28:01 IST Report Abuse
T N Subramaniyan விமானத்தில் செய்வதுபோல தனி தனி ஹெட் போன் தரலாம். வேணும் என்பவர்கள் மற்றவருக்கு இடைஞ்சல் இல்லாமல் தனக்கு வேண்டியதை கேட்டு கொள்ளலாம். இரண்டு மூன்று சேனல், கர்நாடிக்,மேலோடி, குத்துப்பாட்டு, ரஹ்மான் பாட்டு, டி எம் எஸ், சிவாஜி, எம் ஜி ஆர், சோகம், காதல், தத்துவம் என சானல் பிரித்து தரலாம்
Rate this:
Share this comment
Cancel
g.s,rajan - chennai ,இந்தியா
20-டிச-201421:55:54 IST Report Abuse
g.s,rajan இசைஞானி இளைய ராஜா அவர்களின் பாடல்கள் மிகவும் அருமையானவை .தேவையான இசைக்கருவிகளை மட்டும் வைத்து சரியான நபர்களைத் தேர்ந்து எடுத்து அவர் இசை அமைத்த பாடல்களை அழகாகத் தெரிவு செய்து அளவோட சத்தத்தில் ஒளிபரப்பினால் அது மனதை வருடும் ,நம்மைத் தாலாட்டும் .பேருந்துகள் சிலவற்றில் மிகவும் இனிமையான ஒலி வைத்து ஒளிபரப்புகின்றனர். நான் இதற்காகவே சில பேருந்துகளைத் தேர்ந்து எடுத்துப் பயணம் செய்வது உண்டு,சில தனியார் பேருந்துகள் சில அரசுப் பேருந்துகள் மிகவும் நல்ல பாடல்களை தங்களது பேருந்துகளில் ஒளிபரப்பவும் செய்கின்றனர் .மேலும் பயணத்தின் போது நல்ல பாடல்களை ஒலி பரப்புவது நம்முடைய பயணக்களைப்பைப் போக்கும் .5.1 ஆடியோ சிஸ்டம் மிகவும் அருமையாக இருக்கும்,ஆனால் அதில் இந்த பாழாய்ப் போன திரைப்படங்களை சில பேருந்துகளில் நாராசத்தோடு போட்டு பயணிகளின் நிம்மதியை உறக்கத்தை காலை மற்றும் இரவு நேரங்களில் ஓட்டுனர் மற்றும் நடத்துனர்கள் கெடுக்கின்றனர் .எனவே இரண்டுமே இருக்கத்தான் செய்கிறது .இல்லை எனில் நம்மிடம் உள்ள செல்போன் அல்லது ஐ பாடு ஐ பேடு களில் பாட்டை ஹெட் போன் போட்டுக் கேட்டுக் கொண்டு செல்வது அலாதி சுகம் ,அது நமது பயணத்தை மேலும் இனிமை ஆக்கும். . ஜி.எஸ்.ராஜன் சென்னை .
Rate this:
Share this comment
Cancel
Ananda Ayyappan JV - Düsseldorf,ஜெர்மனி
20-டிச-201421:32:34 IST Report Abuse
Ananda Ayyappan JV It is really a serious issue. People are going crazy on listening songs, and they are not ready to care about the surrounding. In germany here, there are one set of crazy people who listen songs in there headset but it actually rings out and anyone near to him or her should also listen. What a terrible life we are living? Noise pollution needs to be trated equally as other pollution now, people please be educated and understand others
Rate this:
Share this comment
Cancel
Pats - Coimbatore,இந்தியா
20-டிச-201415:42:57 IST Report Abuse
Pats ரொம்ப சிம்பிள்ங்க. நானெல்லாம் வெளியூர் போகரதுனா கொஞ்சம் பஞ்சை கண்டிப்பாக எடுத்து செல்வேன். அதேபோல செவிட்டு டாக்டர் (அதாங்க காத்து மருத்துவ நிபுணர்) கிளினிக் போனிங்கன்னா காதுலா வச்சுக்கற ரப்பர் செட் கிடைக்கும் (ஒரு ஜோடி 25 ரூபாய்தான்) வெச்சு பாருங்க. உங்கள் சுற்றுபுறம் வெகு அமைதியாக இருக்கும். நம்ம நாட்டுல நல்லது சொன்னா கேக்குறதுக்கு ஆளு இல்லை. "நீ உன் வேலைய பாத்துட்டு போ" அல்லது "நீ மட்டும் ரொம்ப ஒழுங்கா?" என்ற வசனம்தான் பதிலாக கிடைக்கும். அதுக்கு நாஞ்சொல்றது தேவலையில்ல?
Rate this:
Share this comment
Cancel
NALLA THAMBI - RAIPUR,இந்தியா
20-டிச-201414:06:30 IST Report Abuse
NALLA THAMBI பேருந்தில் என்று இல்லை .விழித்திருக்கும் நேரமெல்லாம் ஹெட் போனோடு பாட்டுக் கேட்கும் வருங்காலச் செவிடர்களுக்கும் பேராசிரியரின் அறிவுரை விழிப்புணர்வு ஏற்படுத்தினால் நன்று .
Rate this:
Share this comment
Cancel
LAX - Trichy,இந்தியா
20-டிச-201413:22:24 IST Report Abuse
LAX எல்லாமே மிகவும் சரியாகத்தான் எழுதியுள்ளீர்கள் ஐயா.. எல்லாவற்றையும் வரிசைப்படுத்திய நீங்கள் ஒன்றை மட்டும் விட்டுவிட்டீர்கள் என நினைக்கிறேன்.. இதுபோன்ற பேருந்து பயணங்களில் பயணிகள் இசையை ரசித்துக்கொண்டோ, இம்சை என பொருமிக்கொண்டோ வேண்டிய வகையில் குனிந்து/நிமர்ந்து, காலை நீட்டி/மடக்கி, சாய்ந்து கொண்டு/படுத்துக்கொண்டு, ப்ராக் பாத்துக்கொண்டு, புக் படித்துக்கொண்டு பல வகையான கோணங்களில் பயணம் செய்யலாம்.. ஆனால் தொடர்ந்து ஒரே மாதிரியாக ( சில நேரங்களில் ஒருகாலை மட்டும் பார்ப்பவர்களுக்கு அச்சமூட்டும் வகையில் மடித்து வைத்துக்கொண்டு ) அமர்ந்து வண்டி ஓட்டும் ஓட்டுனரின் நிலையையும் கவனத்தில் கொள்ளவேண்டியிருக்கிறது.. அதுபோன்ற சமயங்களில், நமக்கு ரசனையாகவும், செவிகளை வருடி, கண்களை சொக்கவைக்கும் வகையில் அமைகின்ற இசையானது, ஓட்டுனர்களுக்கு ஒரு விழிப்புடன் ( கண்ணயர்ந்து விடாமல் ) இருக்க உதவும் ஒரு கருவியாகவும் அமைய வேண்டும்.. அதற்கு ஒரே தீர்வு, பயணிகள் பகுதியில் பொருத்தியிருக்கும் ஸ்பீக்கர்களின் ஒலியைத் துண்டிக்கும் வகையில் தனியாக சுவிட்ச் பொருத்தப்பட்டு அதை தேவையான இடங்களில் இயக்கிக்கொள்ள வேண்டும்.. மற்றபடி டிரைவர்கள் விழிப்புடன் இருக்க, அவர்களுக்கு மட்டுமே கேட்கும் வகையில் ஹெட்ஃபோன் பயன்படுத்தினால் ( இசைக்கருவி வசதி இல்லாத பேருந்துகளில், இப்போது சில டிரைவர்கள் பயன்படுத்தத்தான் செய்கிறார்கள் - எடுத்துச் சொன்னாலும் கேட்பதில்லை - அவர்களின் கஷ்டம் உணர்ந்து ரொம்பவும் அழுத்தம் கொடுத்து சொல்லவும் முடியவில்லை ) அது மற்ற பேருந்துகள் சைகைக்காக எழுப்பும் ஹார்ன் சவுண்ட் மற்றும் பயணிகள் இறங்க வேண்டிய இடம் குறித்து ஏதாவது கேட்கும்/சொல்லும்போது கவனிக்க முடியாமலும் போய் பிரச்சனை/விபரீதங்கள் ஏற்பட வாய்ப்புள்ளது..
Rate this:
Share this comment
Cancel
Natarajan Ramanathan - chennai,இந்தியா
20-டிச-201413:01:17 IST Report Abuse
Natarajan Ramanathan நான் எப்போது பேருந்து பயணம் செய்தாலும் அதில் ஆடியோ வீடியோ இரண்டும் இல்லாவிட்டால்தான் பயணம் செய்வேன்,
Rate this:
Share this comment
Cancel
எமதர்மா - - CHENNAI,இந்தியா
20-டிச-201411:34:32 IST Report Abuse
எமதர்மா - மனிதனை எந்த சிந்தனையும் செய்ய விடாமல் தடுத்து விடுவதே இந்த பேருந்து பாடல்கள் உண்டாக்கும் விளைவு. தற்போது பேருந்துகளில் மட்டுமல்ல, டாக்சி, மற்று ஆட்டோக்களிலும் கூட இந்த இசைக்கொலை அரங்கேறிக் கொண்டுதான் உள்ளது. பேருந்துகளில் ஏறும் சில விடலைகள், ஆணோ அல்லது பெண்ணோ, பயண சீட்டு வாங்கும் முன்பே காதில் செருகிக்கொண்டு பாட்டு கேட்க ஆரம்பித்து விடுகிறார்கள். இவர்கள் கேட்கும் பாடல்கள்கூட அப்பாவை அப்பன் என்று மரியாதைக் குறைவாக விவரிக்கும் பாடல்கள் தான். இந்த பாடலை எழுதியவர் தன மகன் தன்னை அப்பனே இங்கு வாடா என்று கூப்பிட்டால் ஒத்துக்கொள்வாரா என்று யோசிக்க வேண்டும். தமிழ் நாட்டில் இந்த திராவிட கட்சிகள் தமிழனின் கலாசாரத்தையும் பண்பாட்டையும் நாகரிகத்தையும் ஒட்டு மொத்தமாக சிதைத்து விட்டன. இதை ராமதாசு உணர்ந்தது போல் மற்றவர்களும் உணர வேண்டும். திராவிட கட்சிகளை தமிழ் நாட்டை விட்டே துரத்த வேண்டும்.
Rate this:
Share this comment
Cancel
Palanichamy - Theni,இந்தியா
20-டிச-201410:45:57 IST Report Abuse
Palanichamy தனியார் ஓட்டுனர்களும், நடத்துனர்களும் வசூலையே மையமாக வைத்து செய்வதால் நியாயமாங்க. விமர்சனங்களை மதிப்பதில்லை, மேலும் காதுகொடுத்து கேட்கவே தயாராக இல்லை. சுகமான பாதுகாப்பான பயணமே பயணிகளுக்கு தேவை. இதனை தனியார் போக்குவரத்து முதலாளிகள் செவி கொடுத்து கேட்பார்களா?
Rate this:
Share this comment
Cancel
Faithooraan - Thondamaan Puthukkottai,இந்தியா
20-டிச-201410:39:50 IST Report Abuse
Faithooraan உங்களின் அழகான அர்த்தமுள்ள தாக்கமுள்ள விளக்கங்களை கேட்டபின்னும் இசைஅலறல் பேருந்துகளில் இருந்தால் அது இசையின் இம்சை என்றே பொருளாகும். ஈமைச்சடங்குகளுக்கு செல்லும் போது பேருந்தில் குத்துப்பாடல் கேட்கும் அவலநிலையை தான் நம் சுதந்திரம் கேள்வியை எழுப்புகிறது. இன்னும் சொல்லபோனால் காதலியை கிறங்கவைக்க கைப்பேசியின் ஒலியளவை கூட்டி வைக்கும் காதல்ஜோடிகள் ..பேருந்தின் இசை ..இடையே காதலி பொத்திக்கொண்டு போகவேடிய நிலையும் நம்மிடையே இருக்கிறது,. எதெதற்கோ மேலைநாடுகளை பின்பற்றும் நம் மக்கள் பொதுஇடத்தில் அமைதி குறித்து யோசிப்பதில்லையே
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை