DMK ready to fight | தேர்தல் 'பஜாரில்' கடை விரித்த திமுக ; கூட்டணிக்கு முன்பே களப்பணிக்கு "ரெடி'| Dinamalar

அரசியல் செய்தி

தமிழ்நாடு

தேர்தல் 'பஜாரில்' கடை விரித்த திமுக ; கூட்டணிக்கு முன்பே களப்பணிக்கு "ரெடி'

Added : மே 25, 2015 | கருத்துகள் (52)
Advertisement
 
 
Advertisement
 
 
dinamalar-advertisement-tariff-2018
 
Advertisement
கூட்டணிக்கு முன்பே களப்பணிக்கு "ரெடி'

சென்னை: தமிழக சட்டசபை தேர்தலுக்கு இன்னும் ஒரு ஆண்டு இருக்கும் நிலையில், தேர்தல் பணிக்கு இப்போதே தயாராகத் துவங்கி உள்ளது திமுக. தேர்தல் கூட்டணியாகட்டும், வேட்பாளர் பட்டியல் ஆகட்டும், தேர்தல் பணி என்றாலே எப்போதும் முன்னணியில் இருப்பது அதிமுக. மற்ற கட்சிகள் எல்லாம் கூட்டணி பேச்சுவார்த்தையை "ஜவ்வாய்' இழுத்துக்கொண்டும் மல்லுக்கட்டிக் கொண்டும் இருக்கும்போது, அதிமுக மட்டும் "தடாலடி'யாக அடுத்தடுத்த அறிவிப்புகளை வெளியிட்டுக்கொண்டு இருக்கும்.

வேட்பு மனு தாக்கல் தொடங்கிய பிறகு தான், மற்ற கட்சிகள் பேச்சுவார்த்தையை முடித்து, "மூச்சு வாங்கிக்கொண்டு' இருக்கும். ஆனால் இந்த முறை திமுகவே முதலில் முந்தும் போல் தெரிகிறது. சொத்துக் குவிப்பு வழக்கு அப்பீல் தீர்ப்பு வரும் வரை ஜெயலலிதா அமைதி காத்ததால், தமிழக அரசியலில் ஒரு இடைவெளி உருவானது. இதைப் பயன்படுத்தத் தொடங்கியது திமுக.

மு.க.தமிழரசு மகன் திருமணத்தை சாக்கு வைத்து, மற்ற கட்சி தலைவர்களை சந்தித்து, ஒரு இணக்கமான சூழ்நிலையை ஏற்படுத்த முயற்சித்தார் ஸ்டாலின். இந்த "ராஜதந்திரம்' முழு வெற்றி பெற்றது என கூற முடியாவிட்டாலும், "களப்பணி' வேலையை தொடங்கிவிட்டது திமுக.


மதுரை மாநாடு: இதன் ஒரு கட்டம் தான், மதுரையில் நேற்று நடந்த திமுக மாநாடு. "மக்கள் ஓரணி, கேள்வி கேட்கும் பேரணி' என தலைப்பு வைத்து, நல்ல கூட்டத்தைக் கூட்டி காட்டிவிட்டது அக்கட்சி. 18 மாவட்ட கட்சியினர் கலந்து கொண்டதும் இக்கூட்டத்திற்கு காரணம்.

மாநாட்டின் தலைப்பு, "எதிர்க்கட்சிகள் ஓரணி' என சொல்லாமல் சொல்லி, இக்கூட்டத்தைக் காட்டி, ""இவ்வளவு கூட்டத்தைக் கூட்டி உள்ளோம். இன்னமும் எங்களுக்கு செல்வாக்கு இருக்கிறது. எங்களுடன் கூட்டணி சேருங்கள். உங்களுக்கும் நல்லது'' என அறைகூவல் விடுத்துள்ளது திமுக.


மாவட்டங்கள் கூட்டம்: அதோடு நிற்கவில்லை அக்கட்சி. மாநாடு முடிந்த கையோடு, அனைத்து மாவட்ட செயலாளர்களின் கூட்டத்தையும் கூட்டிவிட்டார் அக்கட்சி தலைவர் கருணாநிதி. மதுரை மாநாட்டுக்கு வந்திருந்த மாவட்ட செயலாளர்கள், இரவோடு இரவாக சென்னைக்கு "பரபரப்பாக' பறந்துள்ளனர்.

ஆக, எந்தக் கட்சி தங்களுடன் கைகோர்க்கும் என உறுதியாகாத நிலையில், தேர்தல் களப்பணிக்கு "உடன்பிறப்பு'களை உசுப்பி விட்டுள்ளது அக்கட்சி. பெருங்கூட்டத்தைக் காட்டி, மற்ற கட்சிகளை கொஞ்சம் மிரளவும் வைத்துள்ளது. ஆக, களத்தில் இறங்கிவிட்டது திமுக. இவர்களுடன் வேறு யார் யாரேல்லாம் ஜோடி சேரப் போகிறார்களோ?

Advertisement




வாசகர் கருத்து (52)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sundararaj - singapore,சிங்கப்பூர்
26-மே-201504:15:29 IST Report Abuse
sundararaj வாருங்கள் தளபதியாரே, வாருங்கள் , 2016 DMK வுடயதே ,
Rate this:
Share this comment
Cancel
sundararaj - singapore,சிங்கப்பூர்
26-மே-201504:14:49 IST Report Abuse
sundararaj திமுக தான் அதிமுகவுக்கு ஒரே மாற்று.....மக்கள் இந்த ஆளும் அரசாங்கம் மேல செம காண்டுல இருக்காங்க போல....
Rate this:
Share this comment
Cancel
Sundar - Dubai,ஐக்கிய அரபு நாடுகள்
25-மே-201520:25:13 IST Report Abuse
Sundar Good strategy.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X