வாலியின் கை பிடித்தவன் நான்!| Dinamalar

வாலியின் கை பிடித்தவன் நான்!

Advertisement
 
 
Advertisement
 
 
 
Advertisement
எழுத்தின் அளவு:
Advertisement
வாலியின் கை பிடித்தவன் நான்!

'கவுரவம் பார்க்கறவனுக்கு சினிமாத்துறை சரியா வராது. ரயிலுக்கு காசு தர்றேன், ஊருக்கு போன்னு' எனக்கு அறிவுரை சொன்னவர் கவிஞர் கண்ணதாசன் என்கிறார், மதுரையைச் சேர்ந்த திருச்சிசந்தர்.வாலியின் நண்பனான இவர், திருச்சியில் பள்ளிப்பருவம் வரை தொடர்ந்து ஐந்தாண்டுகள் கவிஞர் வாலியின் கைப்பிடித்து சுற்றித் திரிந்தவர். அவரோடு பழகிய நினைவுகளை பகிர்ந்து கொண்டார்.பள்ளிப்படிப்பு முடித்ததும் நானும், வாலியும் அகில இந்திய வானொலியில் நாடகங்கள் நிறையதயாரித்தோம். அவர் கவிதைகள் எழுதுவார். எனக்கு கவிதை எழுதத் தெரியாது. குருதட்சணையுடன் (வெறும் வெற்றிலை, பாக்குதான்) மூன்று நாட்கள் தேமாங்காய், புளிமாங்காய் கற்றுக் கொடுத்தார். புரியவில்லை என்றதும், 'நாளைக்கு தலைக்கு குளிச்சுடு... உனக்கு கவிதை வராது,' என்றார். அதன்பின் புதுக்கவிதைக்கு மாறினேன். இலங்கை வானொலியில் தொடர்ந்து ஆறுமாதங்கள் வாரந்தோறும் எனது நாடகம் ஒலிபரப்பானது. தமிழ், ஆங்கில நாடகங்கள் 27 தயாரித்து மேடையில் நடித்துள்ளேன்.திருச்சி திறந்தவெளிகலையரங்கில் வைரம் நாடகசபாவின் குல்ஷம் நாடகத்தில் நான், நடிகர்முத்துராமன், நடிகை மனோரமா இணைந்து நடித்தோம். என் நாடகத்திற்கு கைதட்டல் கிடைக்கும் போது வாலி அமைதியாக இருப்பார். அவரது கவிதையை பி.பி.சீனிவாஸ், லீலா பாடலாக பாடியபோது நான் அமைதியாக இருப்பேன். அதன்பின் சினிமாவுக்கு சென்றேன்.மலைக்கள்ளன், சந்திரலேகா, அலிபாபாவும், 40 திருடர்களும், ரிக்ஷாக்காரன்படங்களில் மிகச்சிறு வேடங்களில் நடித்தேன். அப்போதெல்லாம் நடித்தால் டீயும், வடையும் கிடைக்கும்.என் தோரணையை பார்த்த கவிஞர் கண்ணதாசன், 'கவுரவம் பார்க்கறவனுக்கு சினிமா சரிப்படாது. ரயிலுக்கு காசிருக்கா. இல்லைனா வாங்கிட்டுப் போ' என்றார். நானும் சினிமாவை விட்டு விட்டு, வங்கிப் பணியில் சேர்ந்து விட்டேன். கனரா வங்கியில் ஓய்வு பெற்ற பின், முத்தமிழ் அறக்கட்டளை மூலம் இளம் எழுத்தாளர்களை ஊக்கப்படுத்தி வருகிறேன்.வாலியின் 75வது வயதில் 'வாலிபவாலி' புத்தகம் வெளியிட திட்டமிட்டனர். 'என் இளமைப்பருவத்தை சொல்வதற்கு தகுதியானவன் மதுரையில் இருக்கிறான். அவனிடம் கேளுங்கள்' என்று எனக்கு அணிந்துரை எழுத கவுரவம் தந்தவர் வாலி. அதன்பின்பே புத்தகம் வெளியானது. திசைகள் மாறியபோதும் எதையும் எதிர்பார்த்து பழகாததால் அன்பு மட்டும் அப்படியே நிலைத்து விட்டது, என்று மலரும் நினைவுகளில் மூழ்கினார் திருச்சி சந்தர்.இவரிடம் பேச 94437 43524.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.