தமிழ் திரைப்படங்களும், மதுக்கடைகளும் | Dinamalar

தமிழ் திரைப்படங்களும், மதுக்கடைகளும்

Added : நவ 04, 2015 | கருத்துகள் (12)
Advertisement
 
 
Advertisement
 
 
 
Advertisement
Advertisement
 தமிழ் திரைப்படங்களும், மதுக்கடைகளும்

தமிழகத்தில் குடிகாரர்கள் பெருகிக்கொண்டிருக்கிறார்கள். தமிழகம் எங்கே போகிறது என்று நினைக்கும்போது பயமாக உள்ளது. இன்றைய நிலையில் ஆல்கஹால் என்ற பெயரைவிட அத்தனை பேருக்கும் 'டாஸ்மாக்' என்ற பெயர்தான் தெரிந்த
ஒன்றாகிவிட்டது. 'மது குடிப்போம்' என்று சொல்வதில்லை. 'டாஸ்மாக்கிற்குப் போவோம்' என்றுதான் சொல்கிறார்கள். ஊரில் எத்தனை பள்ளிக்கூடம் உள்ளது என்று கேட்ட காலம் போய், எத்தனை 'டாஸ்மாக்' கடைகள் உள்ளன என்று எண்ணினால் 'டாஸ்மாக்' எண்ணிக்கை தான் கூடுதலாக இருக்கும்.இது, இன்றைய இளைய தலைமுறையினரிடையே ஏதோ மிகவும் தேவையானது போலவும், மது இல்லாவிட்டால் வாழ்வில் சந்தோஷப்பட முடியாது என்பது போலவும் மாயையை திரைப்படங்கள் உருவாக்குகின்றன. மதுவின் ஆதிக்கம் திரைப்படத்தில் இல்லை என்றால், படம் ஓடுவதில்லை என்ற முடிவுக்கு பெரும்
பாலான திரைப்பட இயக்குனர்களும், தயாரிப்பாளர்களும், ஹீரோக்களும் வந்து விட்டார்கள். அதனால் தான் படத்தில் ஒரு பாடலிலாவது 'பாட்டிலை' காட்டுகிறார்கள். சோகமானாலும், சந்தோஷமானாலும், பிரச்னையானாலும் ஹீரோ சந்திக்கும் இடங்கள், பெரும்பாலான திரைப்
படங்களில் டாஸ்மாக் கடைகள் தான். இவ்வகை செயல்கள் இன்றைய தலைமுறை ரசிகர்களிடம் எவ்வளவு தாக்கத்தை ஏற்படுத்துகிறது என்பதை, இயக்குனர்கள் சமுதாயக் கருத்தோடு பார்க்கிறார்களா என்பது பெரிய கேள்விக்குறி.
திரைப்பட தாக்கம்
உலகில் எங்கும் திரைப்படம் என்பது சமுதாயத்தின் பிரதிபலிப்பாகவும், வெளிப்பாடாகவும், மாற்றத்திற்கானதாகவும் இருக்கும், இருக்க வேண்டும். ஆனால் இன்றைய தமிழ் திரை உலகில் இது மிகவும் யோசிக்கப்பட வேண்டிய விஷயமாக உள்ளது. தமிழர் வாழ்வில் கடந்த 60 வருடங்களில் திரைப்படங்களின் ஆதிக்கம் அதிகம். அதுவும் தென் தமிழகத்தில் கேட்கவே வேண்டாம்.
நல்ல திரைப்படங்கள், நல்ல கருத்துக்களை முன்வைத்து வெளியாகி, வெற்றியும் பெறுகின்றன. அண்மையில் வெளியான 'காக்கா முட்டை' என்ற திரைப்படம், நல்ல திரைப்படத்திற்கு எடுத்துக்காட்டு. சமூகத்தில் எங்கு எல்லாம் மாற்றம் தேவைப்படுகிறது என்பதை மிக அழகாக இயக்குனர் படம் பிடித்து காட்டியிருந்தார். இந்த திரைப்படத்திற்கு விருதுகள்
கிடைத்தன,
தயாரிப்பு செலவும் குறைவே. அதே நேரத்தில் ரசிகர்களிடமும் வரவேற்பு இருந்தது. இந்த படங்களை பார்த்து, மதுவை காட்டினால் நம் படம் ஓடும் என்ற நம்பிக்கையில் இருந்து, திரைப்பட இயக்குனர்கள் மாற வேண்டும்.
ஹீரோக்கள் மதுவையும், புகையையும் பயன்படுத்தும்போது பெரும்பாலான நம் இளைஞர்கள், இவர்களைத்தான் ரோல் மாடலாக நினைக்கிறார்கள். இவர்கள் வயது அப்படி. அவர்கள் என்ன திரைப்படங்களில் செய்கிறார்களோ, அதை இவர்களும் நிஜ வாழ்க்கையிலும் செய்கிறார்கள்.
நிஜ வாழ்க்கையில் எப்படி? நாம் திரையில் குடிமகனாக பார்க்கும் ஹீரோக்கள் நிஜ வாழ்கையில் குடிப்பதில்லை. அதை அவர்கள் பெருமையாக வெளியே சொல்லவும் செய்கிறார்கள். பணத்திற்காக நான் எதை வேண்டுமானலும் செய்வேன் என்பது சமுதாயம் சார்ந்த தொழிலுக்கு ஏற்றது இல்லை. எம்.ஜி.ஆரை எடுத்துக் கொள்ளுங்கள். அவர் ரிக் ஷாகாரனாகவும், தொழிலாளியாகவும், முதலாளியாகவும், விவசாயியாகவும், மீனவராகவும் முடிந்த அளவுக்கு எல்லா கதாபாத்திரங்களிலும் நடித்துள்ளார்.
ஆனால் எந்த திரைப்படத்திலும் ஒழுக்கம் தவறியும், மது குடிப்பது போலவும் நடித்தது கிடையாது. இதை அவர் சமூகத்தின் மீதான அக்கறை காரணமாகத்தானே செய்தார். அவரின் திரைப்படங்களால் ஈர்க்கப்பட்டவர்கள் அவர் காட்டிய வழியிலே நடந்தனர். எத்தனையோ ரிக் ஷாகாரர்கள் தங்கள் வாழ்நாள் முழுவதும் நியாயம், நேர்மை உடையவர்களாகவே வாழ்ந்தார்கள்.
இதற்கு மூல காரணம் எம்.ஜி.ஆர் திரைப்படங்கள் தான். இவர்தான் சமூக அக்கறை கொண்ட நிஜ ஹீரோவாக இருந்தார். இன்றைய ஹீரோக்கள், இதை சற்று யோசித்து பார்க்க வேண்டும்.
இன்றைய தமிழ் திரைப்படங்களில், நல்ல பழக்கவழக்கங்கள் உள்ளவர்கள் ஹீரோவாக தகுதியானவர் இல்லை என்பது போலவும், ஹீரோ டாஸ்மாக் கடையில் சுற்றி வருபவர் போலவும்
காட்சிகளை உருவாக்குகிறார்கள். இது சமூகத்தின் சீரழிவுக்கு உதவுகிறது. தேவைப்பட்டால் சென்சார் போர்டு இத்தகைய விஷயங்களில் தலையிட வேண்டும். இன்றைய இளைஞர்களின் மனதிலும் செயலிலும் நல்ல எண்ணங்களை விதைப்பதற்கு திரைப்படம் ஒரு கருவியாக செயல்படுமானால் அது ஆரோக்கியமான விஷயம் தானே.
இயக்குனரின் அனுபவம் இன்றைய இளம் தலைமுறை இயக்குனர் ஒருவர், தன் வாழ்க்கையில் மதுவினால் ஏற்பட்ட பிரச்னையை கூறுகிறார்...''எனக்கு சொந்த ஊர் உசிலம்பட்டி பக்கம். விவசாயம்தான் பரம்பரை தொழில். அப்பா கான்ஸ்டபிள்; அவருக்கு அடிக்கடி டிரான்ஸ்பர் போடுவாங்க. 10 வது படிக்கிறதுக்குள்ள நாலு ஸ்கூல் மாறிவிட்டேன். மதுரையில் பாலிடெக்னிக்கில் சேர்ந்த முதல் வருஷம் அப்பா இறந்துவிட்டார். காரணம் குடிப்பழக்கம். அதனாலேயே இந்த நிமிஷம் வரை மது, சிகரெட்டை நான் தொட்டதே இல்லை. இனியும் தொடமாட்டேன். காரணம், யாரோ ஒரு நடுத்தர வயது மனிதர் போதையில் தள்ளாடி நடந்து போறதை பார்த்தா ஒரு தகப்பன், தன் பிள்ளைகளைத் தவிக்கவிடத் தயாராகிட்டு இருக்கிறார்ங்கிற வலி, மனசை அறுக்கும். அதனாலேயே அதெல்லாம் நான் பழகலை''.
மதுவின் வலியையும் தன் வாழ்கையில் அதன் பாதிப்பையும் எவ்வளவு தெளிவாக, இன்றைய தலைமுறை இயக்குனரே சொல்லியுள்ளார். அந்த இயக்குனர் மணிகண்டன். இவர் இயக்கிய திரைப்படம் தான் 'காக்கா முட்டை'.
உலகிலேயே இந்த நூற்றாண்டின் தலைசிறந்த திரைப்படங்களை வரிசைப் படுத்தினால் இதுவும் வரும். உலகமயமாக்கலின் நிஜமாற்றம், சமூகத்தின் ஒவ்வொரு தட்டு மக்களையும் எப்படி மாற்றுகிறது என்பதையும், அடித்தட்டில் இருக்கும் மக்கள் இதனால் என்ன
மாதிரியான வாழ்க்கை வாழ்கிறார்கள், எப்படி எல்லாம் மாற துடிக்கிறார்கள் என்பதையும் விளக்குகிறது இப்படம். 'அவார்டு' படமாக மட்டும் இல்லாது வியாபாரரீதியாகவும் மிகப் பெரிய படைப்பை கொடுத்துள்ளார்.
உலகமயமாக்கலில் எந்த மாதிரியான தொழில்களுக்கும், வியாபாரத்திற்கும் முன்னுரிமை கொடுக்க வேண்டும் என்பதை அரசிற்கு மிக ஆழமாக, அழுத்தமாக எடுத்துக் கூறியுள்ளார்.
திரைப்படங்களின் வழியாக நிறைய விழிப்புணர்வு ஏற்படுத்தலாம். சமூக மாற்றங்களும் நடத்தலாம் என்பதை, இன்றைய தமிழ் திரைப்பட இளந்தலைமுறை இயக்குநர்கள் உணர வேண்டும். டாஸ்மாக்கிற்கு செல்லும் காட்சிகள், மது அருந்தும் காட்சிகள் இல்லாமல் திரைப்படம் தயாரிக்க வேண்டும். இது, சமூக கடமை என திரை உலகம் உணர வேண்டும்.
-முனைவர்.எஸ்.ராஜசேகர்இயக்குனர்ஆர்.எல்.இன்ஸ்டிடியூட் ஆப் மேனேஜ்மென்ட் ஸ்டடீஸ், மதுரை. 90958 99955

Advertisement

இதையும் தவறாமல் படிங்க ...



Advertisement

வாசகர் கருத்து (12)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
K.Palanivelu - Toronto,கனடா
12-நவ-201506:12:19 IST Report Abuse
K.Palanivelu எம்.ஜி.ஆர், ஜெமினியின் ஒளி விளக்கு படத்தில் குடிகாரனாக நடித்திருக்கிறார்.
Rate this:
Share this comment
Cancel
A.George Alphonse - Visakhapatnam,இந்தியா
06-நவ-201516:57:34 IST Report Abuse
A.George Alphonse Who is worrying about the people? Only the writers are writing their essays and articles in the news papers and magazines and people are studying and throwing these and doing on their own. No body can change this society. These bar and restaurant culture was since ning of the world .We can't blame the cinema or government for peoples'mistake. Every one must feel responsibility and self control. There are families living in the red light areas. But they are not bother about the things going around their area? Are they spoiled? No.Every body should control their mind and work for our country. Never blame the Government and the cinema. Who asked the people to go for the movie and the the bar? They are going for their enjoyment. In foreign countries there are bars and cinemas and people won't die for these things as in India. Here people(fans) dying for hero.This type of hero worship will not improve our people and the country. Finally all citizens must think about our country and try to bring up our country's glory by strict discipline and avoid the few minutes enjoyment of such bars and cinemas. Every citizen must feel and Proud to be an Indian and bring our Mother India name on the top the globe.
Rate this:
Share this comment
mohan - chennai,இந்தியா
06-நவ-201522:10:22 IST Report Abuse
mohangood...
Rate this:
Share this comment
Cancel
chennai sivakumar - chennai,இந்தியா
05-நவ-201515:21:16 IST Report Abuse
chennai sivakumar மறைந்த புரட்சி தலைவர் திரு MGR அவர்கள் ஒளி விளக்கு திரைப்படத்தில் திருடனாகவும் மது குடிப்பவராகவும் நடித்து இருக்கிறார். அதே படத்தில் அவர் திருந்தி விடுவதாக காட்சி அமைக்க பட்டிருக்கும். இன்றைய தலைமுறையின் ஒரே கேள்வி. "மச்சான் பாஸ் பண்ணிட்டியாட. வா கடைக்கு போகலாம் " மேலும் திரு அருணன் கூறியது போல படம் தயாரிப்பதற்கு பணம் other sources மூலமாகத்தான் வருகிறது. சரி தமிழ் படத்தை விடுங்கள். பெரும்பாலான ஆங்கில படங்களில் மது குடிப்பது போன்ற காட்சிகள் இல்லையா என்ன?. சுய கட்டுப்பாடு இல்லாதவரை ஒன்றும் செய்ய முடியாது. Basically people think drinking is a status symbol.for youngsters it is a craze without realising that they are slowly sinking in the sinking sands.
Rate this:
Share this comment
Cancel
Raja Manakavalan - Coimbatore,இந்தியா
05-நவ-201513:48:56 IST Report Abuse
Raja Manakavalan மிக அருமையான கட்டுரை.. திரு. எம்.ஜி.ஆர். அவர்கள் மது மட்டுமல்ல.. சிகரெட் குடிப்பதுபோல் கூட நடித்தது கிடையாது. நடிப்பில் மட்டுமல்ல.. நிஜ வாழ்க்கையிலும் அவரிடம் எந்த கெட்ட பழக்கமும் கிடையாது. அதனால்தான் அவர் மறைந்து 28 ஆண்டுகள் ஆன பின்னரும் மக்களின் மனதில் கோலோச்சி கொண்டிருக்கிறார். இளைய சமுதாயத்திற்கு நல்ல வழியினை காட்டியவர் அவர். இன்றைய ஹீரோக்கள் என்ன முயன்றாலும் அவரது இடத்தை பிடிக்க முடியாது.
Rate this:
Share this comment
Cancel
L. NAGA RAJAN - Abudhabi,ஐக்கிய அரபு நாடுகள்
05-நவ-201511:50:05 IST Report Abuse
L. NAGA RAJAN நல்ல கட்டுரை. சினிமா இயக்குனர்கள் கொஞ்சம் சமுதாய அக்கறையோடு சினிமா எடுக்க வேண்டும்.
Rate this:
Share this comment
Cancel
Deepak - chennai,இந்தியா
05-நவ-201510:54:39 IST Report Abuse
Deepak இப்போ எல்லாம் மது, கொலை, கொள்ளை, கற்பழிப்பு இல்லாமல் படம் வருவதே இல்லை. நல்ல கருத்துக்கள், தன்னம்பிக்கை, சமூக பிரச்சனைகள் கொண்ட படங்கள், நல்லவன் (ஹீரோ) ஜெயிப்பது old fashion என்கிறார்கள். புதுசா எடுக்கணும் என்று நேர்மறை சிந்தனை கொண்ட படங்கள் தான் நிறைய வருகிறது. காக்க முட்டை போன்ற படங்கள் கோடியில் ஒன்று தான். கடந்த 5-10 வருடங்களில் வெற்றி அடைந்த படத்தை பாருங்கள்.எல்லாம் negative influence கொண்ட படங்கள் தான் இருக்கிறது. இது முக்கால்வாசி மக்களின் எண்ணத்தின் பிரதிபலிப்பு ஆகும். இதை மாற்ற வேண்டும்.
Rate this:
Share this comment
Cancel
Madhavan Parthasarathy - Chennai,இந்தியா
05-நவ-201509:56:36 IST Report Abuse
Madhavan Parthasarathy மது குடிக்கும் காட்சி கொண்ட திரை படங்களுக்கு வரி விலக்கு கிடையாது என்றும், மேலும் அதிக வரி கட்ட வேண்டும் என்று அரசாணை இட்டால் தயாரிப்பாளர், டைரக்டர், கதாசரியர் என்ற கூட்டணியின் சிந்தனை வறட்சி நேர்படும்
Rate this:
Share this comment
Cancel
karthic - jeddah,சவுதி அரேபியா
05-நவ-201509:47:15 IST Report Abuse
karthic கண்டிப்பாக இன்றைய சினிமாவுக்கு அரசு வரி சலுகை கொடுக்க வேண்டும் . ஏனென்றால் இன்றைய படங்களில் கண்டிப்பாக மதுவையும் ,புகை பிடிப்பதையும் கட்டாமல் இருக்க முடிய வில்லை . இதன் மூலம் அரசுக்கு விளம்பரம் ,வியாபாரம் .அப்பா இருந்த ஹீரோக்கள் மது குடிப்பது போல் படம் ஆரம்பித்து இருந்தாலும் அதன் தீமைகளை கட்டி நல வழி படுத்தினார்கள் (புனர் ஜென்மம்,நவராத்திரி ,ஒளி விளக்கு ).ஆனால் இப்போ அப்பா ,அம்மாவை கண்டபடி திட்டுவதும் , பின் குடித்துவிட்டு கேவலமாக பேசுவதும் ...
Rate this:
Share this comment
Cancel
mohan - chennai,இந்தியா
05-நவ-201509:32:52 IST Report Abuse
mohan கலி காலம் முதி போச்சு சார். இதை ஒன்னும் பண்ண முடியாது. இன்றைய திரைப்படங்களில், அப்பாவிடம் ஒரு காரியத்தை சாதிப்பதற்கு, அப்பாவுக்கு, மகள் மது வாங்கி கொடுக்கிறாள். காதலனை / கணவனை திருப்தி படுத்த, இந்தாங்க பாட்டில், நானே கடைக்கு போய் வாங்கி வந்தேன் என்று ஒரு பெண் சொல்கிறாள். இவர்கள் எல்லாம் மது பான தயாரிபாலர்களுக்கு மார்கெட்டிங் செய்கிறார்கள். அவர்களுக்கு சமுதாயம் எக்கேடு கேட்டால் என்ன அதை பற்றி எல்லாம் கவலை இல்லை. ஏன் நாட்டில் சட்டம் போடுங்களேன், பெண்களுக்கு மது விற்க கூடாது. ஆண்களுக்கு 30 வயதுக்கு மேல் தான் என்று. தமிழ் நாட்டின் கலாசாரம், வரலாறு, என்பது, மது என்ற ஒரு பொருளை, ஒரு 50 வருடங்களுக்கு முன் வரை அறியாத ஒன்று. இன்றைக்கு இந்த திரைப்படங்கள் மது குடிக்க சொல்லி கொடுக்கின்றன. இந்த மது விசயத்தில் திரை படங்கள் கவனம் செலுத்துவதற்கு பதில், நாட்டின் குடி நீர் ஆதாரம், எவ்வாறு மோசமாகி கொண்டு வருகிறது. குடி நீர் மாசடித்து வருவதனால், எல்லாரும் பாட்டில் தண்ணீருக்கு மாறுகிறோம். இந்த பாட்டில் தண்ணீர் மிக பல நோய்களை உருவாக்க கூடியது. தொடர்ந்து ஒருவர் 5 / 10 வருடம் பாட்டில் நீர் தினமும் சாப்பிட்டால், அவரது உடல் பாகங்கள் கெட்டு விடும். பின் சாவு தான். இவ்வளவு சீரியஸ் ஆனா விஷயம் எல்லாம் இருக்கும் போது, ஏன் இந்த அரசுகளுக்கும், மக்களுக்கும் தெரியவில்லை. நாளைக்கு எவ்வளவு பணம் இருந்தாலும் குடி தண்ணீர் இல்லை என்றால் என்ன செய்வார்கள். தண்ணீர் மாசுபாடு ஒரு அளவிற்கு இருக்கும் போது தான் அதை சுத்தம் செய்ய முடியும். அளவிற்கு மேல் சென்று விட்டால், அதை சுத்தம் செய்ய முடியாது. இன்னும் நிறைய விஷயங்கள் உள்ளன. யார் பூனைக்கு மணி கட்டுவது. நாட்டில் உள்ள எல்லா மக்களும், தானாக திருந்தி நடந்தால் உண்டு. இல்லை என்றால், நாட்டின் 99% மாணவர்கள் கெடுவது உறுதி. அதுவும் சென்னை மாணவர்கள் குடித்து விட்டு பஸ்ஸில் செய்யும் அட்டகாசத்திற்கு அளவே இல்லை. அரசு பள்ளி மாணவர்கள் நாடு முழுவதும் குடிக்க ஆரம்பித்து விட்டனர். இதை பற்றி அரசுகளுக்கு என்ன கவலை. வருங்கால தலை முறை அடியோடு சீரழியும். இதை பற்றி யாருக்கு கவலை ....கல்வி தரம் வளர்க்க ஒரு மாநாடு இல்லை. ஒரு டிவி நிகழ்ச்சி இல்லை. 20 வருடங்களுக்கு முன் மாணவர்கள், வீட்டு பாடம் ஒழுங்காக செய்தனர். இன்று, .... ????.... பலான விளம்பரம்கள் காலை 7 மணி முதல் எந்த நேரம் என்று இல்லாமல், ஒளிபரப்ப படுகிறது. 10 வயது மாணவன் விளக்கம் கேட்கிறான், அம்மா எதற்கு இந்த மாத்திரை, என்று. இதே போல் ஒரு மாணவன், நன்றாக படிக்க வேண்டும், மாணவனுக்கு என்ன பழக்க வழக்கங்கள் இருக்க வேண்டும் என்று ஒரு டிவி ஆவது சொல்லி கொடுக்கிறதா....இங்கே டிவி யில் நடனம் பார்க்கும் மாணவன், பள்ளியில் போய், அதே வசனத்துடன், நடனமும் பாட்டும் தான் பாடுவான், பாடம் எப்படி படிப்பான். மாத்திரை விளம்பரத்தை பற்றி வகுப்பறைகளில் பேசுகின்றனர். ஆசிரியர்கள், இதை எல்லாம் இங்கே பேசக்கூடாது என்றல், ஆசிரியர்களை கிண்டல் செய்கின்றனர். சந்தர்பத்தில் கொலையும் செய்து விடுகின்றனர்... இதற்கெல்லாம் யார் பொறுப்பு. சமுதாயம் எப்படி சென்றாலும் பரவாயில்லையா....
Rate this:
Share this comment
Cancel
K.Sugavanam - Salem,இந்தியா
05-நவ-201507:41:02 IST Report Abuse
K.Sugavanam OKOK VSOP .....
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை