அண்டை வீட்டுக்காரரின் பொறாமை! ஜெ., குட்டிக்கதைக்கு கருணாநிதி பதிலடி Dinamalar

அரசியல் செய்தி

தமிழ்நாடு

Election 2016

பதிவு செய்த நாள் :
அண்டை வீட்டுக்காரரின் பொறாமை!
ஜெ., குட்டிக்கதைக்கு கருணாநிதி பதிலடி

அ.தி.மு.க., அமைச்சர்கள் மற்றும் கட்சி நிர்வாகிகள் இல்ல திருமண விழாவில், நேற்று முன்தினம் பங்கேற்ற, அக்கட்சியின் பொதுச்செயலரும், முதல்வருமான ஜெயலலிதா, தி.மு.க., தலைவர் கருணாநிதி மற்றும் பொருளாளர் ஸ்டாலினை மறைமுகமாக குறிப்பிட்டு, குட்டிக்கதை ஒன்றை கூறினார்.

அண்டை வீட்டுக்காரரின் பொறாமை! ஜெ., குட்டிக்கதைக்கு கருணாநிதி பதிலடி



அப்பா - மகன் கதை:அந்தக் குட்டிக்கதைக்கு, புதிய குட்டிக்கதை மூலம் நேற்று விளக்கம் அளித்துள்ளார், தி.மு.க., தலைவர் கருணாநிதி. அவர் கூறியுள்ள குட்டிக்கதை விவரம்:
சென்னையில், 14 திருமணங்களை நடத்தி வைத்த, முதல்வர் ஜெயலலிதா, வழக்கம் போல, 'குட்டிக்கதை'களை படித்திருக்கிறார்.

அந்தக் காலத்தில் ஒவ்வொரு கூட்டத்திலும், இதுபோன்ற குட்டிக்கதைகளை கூறும், 'மூதறிஞர் ராஜாஜி' என, இவருக்கு நினைப்பு

போலும்.ஜெயலலிதா தன் பேச்சில் ஒரு அப்பா - மகன் கதையை சொல்லியிருக்கிறார். அதில், ஒரு தந்தை, தன் மகனை ஏணியின் மேலே ஏறச்சொல்லி, அவன் உயரே சென்ற போது, ஏணியைத் தட்டி விட்டு, மகனை கீழே விழ வைத்து அடிபட வைத்தார் என, கூறியிருக்கிறார்.

எந்த பாசக்கார தந்தையும், தன் மகன் கீழே விழுந்து அடிபடுவதை விரும்ப மாட்டார்.ஊரில் உள்ள பிள்ளைகளுக்கு எல்லாம் முறையாக அரசியல் பாடத்தைக் கற்றுக் கொடுத்த தந்தை, தன் மகனுக்கு மட்டும் அரசியலை முறையாக கற்றுக் கொடுக்காமல் இருந்து விடுவாரா... அரசியலில் கீழே இருந்து கடுமையாக உழைத்து, படிப்படியாக மேலே வந்தவர்களுக்கு, இந்த உண்மை புரியும்.

உண்மை தெரியுமா?:தந்தையும் மகனும் அன்போடும், பாசத்தோடும் இருப்பதையும், அரசியலை முறையாக நடத்துவதையும் கவனித்து வந்த, எதிர்வீட்டுப் பெருமாட்டிக்கு பொறாமை என்றால், அவ்வளவு பொறாமை. தனக்கு குடும்பமே இல்லை என, சொல்லிக்கொண்டு, ஊரில் உள்ள சொத்துகளை எல்லாம், தனக்கு சொந்தமாக்கிக் கொள்ள படாத பாடுபடுவார்.

எப்போது தந்தை, மகனுக்குள் தகராறு வரும். நாம் குழம்பியகுட்டையில், மீன் பிடித்து மகிழ்ச்சியடையலாம் என, எதிர்பார்த்துக் காத்துக் கொண்டிருக்கிறார். மகன் தந்தையிடம் வந்து, அரசியல் கற்றுக் கொடுக்க வேண்டுமென கேட்ட போது, மிகவும் மகிழ்ச்சியடைந்த தந்தை, தான் கற்ற அரசியல் நுணுக்கங்களை எல்லாம் மகனுக்குப்

Advertisement

பாசத்தோடு கற்றுக் கொடுக்கிறார். அப்போது, எதிர்வீட்டுப் பெருமாட்டியின் விருப்பத்தையும் மகனிடம் கூறுகிறார்.

'நீ அரசியல் ஏணியில் ஏறும்போது, உன்னை அங்கிருந்து தள்ளிவிட சிலர் முயற்சி செய்வர். எனவே, கவனமாகப் பார்த்து ஏணியில் ஏறு' என்றும் சொல்லிக் கொடுத்திருக்கிறார்.

ஏணியில் இருந்து மகன் விழுந்து விடுவான் என, எதிர்பார்த்துக் காத்திருந்த எதிர்வீட்டு சீமாட்டி, மகன் மிகுந்த எச்சரிக்கையோடும், படிப்படியாகவும், கவனமாகவும் ஏணியில் ஏறி வருவதையும், மகன் பத்திரமாக ஏணிப் படிகளில் ஏறி, மேலே வர வேண்டும் என, எண்ணுகிற தந்தையையும் பார்த்து, மிகப் பெரிய ஏமாற்றத்தைத் தழுவுகிறார் என்பது தான் உண்மைக் கதை. இவ்வாறு கதையில் கூறப்பட்டு உள்ளது.

Advertisement

வாசகர் கருத்து (125)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sorna - chennai,இந்தியா
13-பிப்-201601:20:16 IST Report Abuse

sornaஉடன்கட்டைக்கு உகந்த கதை.

Rate this:
Subbanarasu Divakaran - bengaluru,இந்தியா
13-பிப்-201601:11:17 IST Report Abuse

Subbanarasu Divakaranசுருட்டுவதில் கை தேர்ந்த கட்சியின் தொண்ணூறு வாடு பெருந்தகை என்ன சொன்னால் என்ன. தமிழர்கள் இனிமாயில் கொள்ளை காரர்களை தேர்ந்து அடுக்க மாட்டார்கள் ஐயஹ். நிம்மதியா தூங்குங்க.

Rate this:
murugesh - tvm,இந்தியா
12-பிப்-201620:18:51 IST Report Abuse

murugeshஇதில் கூட சுய தம்பட்டமும், வயதுக்குத்தகாத பேசும் நீர் அடுத்த பிறவியில் தண்ணி கொடுக்க ஆள் இல்லாமல் அனாதையாய் பிறப்பெடுத்து அதன் கொடுமையை உணரும், வயதிற்குரிய நடத்தை / சிந்தனை கூட இல்லையா உமக்கு? சீ

Rate this:
மேலும் 122 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X