அந்நியர் வரலாறு தான் நம் வரலாறு| Dinamalar

அந்நியர் வரலாறு தான் நம் வரலாறு

Advertisement
 
 
Advertisement
 
 
 
Advertisement
எழுத்தின் அளவு:
Advertisement
அந்நியர் வரலாறு தான் நம் வரலாறு

நான், சமீபத்தில் மறுவாசிப்பு செய்த புத்தகம், விகடன் வெளியிட்ட, மதனின், 'வந்தார்கள் வென்றார்கள்'. நாம், பள்ளியில் சிறுசிறு குறிப்புகளாக படித்த இந்திய வரலாற்றை, எளிய தமிழில், மொத்தமாக நம் கண்முன் நிறுத்துகிறார், மதன்.
வடஇந்தியாவிற்கு செல்லும் யாத்திரீகர்களின் உடைமைகளை கொள்ளையடிக்கும், நெடுஞ்சாலை கொள்ளையர்களான 'துக்'குகளை, ஜார்ஜ் வில்லியம் ஸ்லீமன் என்பவர் மொத்தமாக அடக்கியதோடு, அப்போதைய உடன்கட்டை ஏறும் பழக்கத்தையும் தடுத்தார் என்ற செய்தி, ஒரு போலீஸ் அதிகாரியாக, என்னைக் கவர்ந்தது.
இந்தியாவின் வளம் பற்றி அறிந்து, எங்கெங்கிருந்தோ வந்து, அந்நியர் நம்மீது போர் தொடுக்கின்றனர். தைமூர் துவங்கி முகலாயர்கள் வரை நடத்திய பயங்கரமான போர்கள், அவர்களின் வளர்ச்சி, வீழ்ச்சி, இந்தியர்களின் நிலைப்பாடு என, தொடரும் சரித்திர சான்றுகள் மிரள வைக்கின்றன. தந்தை, மகன் உறவுகளுக்குள்ளேயே நடக்கும் போர், சிறைப்பிடிப்பு, கண் தோண்டுதல் போன்ற தண்டனைகள் பயங்கரமாகவே இருக்கின்றன.
அதையடுத்து நடந்த, டச்சு, பிரெஞ்சு, ஆங்கிலேயர்களின் வணிக போட்டியும், அடிமைப்படுத்தும் சூழ்ச்சியும், முகலாயர்களின் வீழ்ச்சியுமாய், வரலாறு சமீபத்திற்கு வருகிறது. விவசாயம், வரி,பறவை, விலங்கு, தாவர ஆராய்ச்சி தொகுப்புகள், கலை, இலக்கிய, கட்டட பணிகள் என, அந்நியரின் நல்ல பங்களிப்பையும் உணர முடிகிறது. ராணா பிரதாப் சிங் போன்ற இந்தியர்களின் வீரம் பற்றியும், பாபர் உள்ளிட்ட முகலாயர்களுக்கு நாட்குறிப்பு எழுதும் பழக்கம் இருந்ததையும் அறிய முடிகிறது.
நம் இந்தியாவின் தற்போதைய கலாசாரம் என்பது, கடந்தகால ஆட்சிகளின் கலவை என்பதை, உணர முடிகிறது. 1,200 ஆண்டுகளுக்கான நம் வரலாறு என்பது, அந்நியரின் வரலாறாகவே உள்ளது. இளைஞர்கள் படிக்க வேண்டிய புத்தகம்.

சைலேந்திரபாபு
கடலோரக் காவல்படை கூடுதல் டி.ஜி.பி.,

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.