மீண்டும் ஒரு 1965: ஸ்டாலின் எச்சரிக்கை| Dinamalar

அரசியல் செய்தி

தமிழ்நாடு

மீண்டும் ஒரு 1965: ஸ்டாலின் எச்சரிக்கை

Added : ஆக 08, 2016 | கருத்துகள் (156)
Advertisement
1965 ., ஸ்டாலின் எச்சரிக்கை

சென்னை: நாடு முழுவதும் ஒரே கல்வி கொள்கைக்கு எதிர்ப்பு தெரிவித்து சென்னையில் திமுக சார்பில் ஆர்ப்பாட்டம் நடந்தது. கட்சியின் பொருளாளர் ஸ்டாலின் தலைமை வகித்தார். இந்த ஆர்ப்பாட்டத்தில் அவர் பேசியதாவது: மோடி தலமையிலான மத்திய அரசு நாடு முழுவதும் ஒரே கல்வி கொள்கையை கொண்டு வருவது முறையல்ல, இது தாழ்த்தப்பட்ட மக்களுக்கு பெரும் பாதிப்பை ஏற்படுத்தும். காஷ்மீர் முதல் குமரி வரை ஒரே கொள்கை சாத்தியமல்ல. நாடு முழுவதும் ஒரே மாதிரி உடை , உணவு முறை என்று கட்டாயப்படுத்த முடியுமா ? இது போல் இந்த கொள்கையை மத்திய அரசு கைவிட வேண்டும்.தமிழ்மொழியை பின்னுக் தள்ளி சமஸ்கிருதத்திற்கு தாலாட்டு பாட முயற்சி நடக்கிறது. சமத்துவத்திற்காக இந்த போராட்டம், சட்டசபையில் கவன ஈர்ப்பு தீர்மானம் கொண்டு வர விண்ணப்பித்திருக்கிறோம். இது வரை இது குறித்து அரசு எடுத்து கொள்ள விரும்பவில்லை. எல்லா கட்சிகளும் ஒன்று சேர்ந்து எதிர்க்க தயாரக இருக்கின்றோம். தனித்தீர்மானமாக கொண்டு வர வேண்டும் என கடிதம் வழங்கவிருக்கிறேன்.

மத்திய அரசு கைவிட மறுக்குமானால் மீண்டும் தமிழகத்தில் 1965 போன்ற ஒரு போராட்டம் ஏற்படும் ஒரு நிலை உருவாகும் என மத்திய அரசுக்கு நினைவுபடுத்த விரும்புகிறேன். இவ்வாறு ஸ்டாலின் பேசினார்.






Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X