என் பத்மினி ! - இயக்குனர் அருண்குமார்| Dinamalar

என் பத்மினி ! - இயக்குனர் அருண்குமார்

Added : ஆக 14, 2016 | கருத்துகள் (1)
Advertisement
என் பத்மினி ! - இயக்குனர் அருண்குமார்

'பண்ணையாரும் பத்மினியும்' படத்தில் யதார்த்தமான கதைக்களம், 'சேதுபதி' படத்தில் அதிரடி ஆக் ஷன் களம் என தனக்கென்று தனியே ஒரு ரசிகர்கள் கூட்டத்தை உருவாக்கிய இயக்குனர் அருண்குமார், தினமலர் வாசகர்களுக்காக மனம் திறந்தது இங்கே:* சினிமாவுக்கு எப்படி?இன்ஜினியரிங் முடித்து விட்டு தனியார் கம்பெனியில் வேலை. அது பிடிக்கவில்லை. அதன்பின் எதுவுமே தெரியாமல் சினிமாவுக்கு வந்தேன். வந்தபின், நிறைய கற்று கொண்டு நாளைய இயக்குனரில் பங்கேற்றேன். குறும்படத்தில் இருந்து முழு நீள படமும் இயக்கினேன்.* உங்கள் படங்களில் முக்கியத்துவம்?எல்லாரும் வந்து பார்க்கக்கூடிய ஜனரஞ்சகமான படமாக இருக்கணும். குடும்பங்களுக்கு முக்கியத்துவம் இருக்கும்.* ரொமான்ஸ் காட்சிகளில்...?கதையோடு பொருந்தணும். யாரும் முகம் சுளிக்கக் கூடாது. ரொமான்சுக்காக காட்சிகள் அமைத்தது போல் தெரிய கூடாது.* பிடித்த இயக்குநர்?இவர பிடிக்கும். அவர பிடிக்காதுன்னு சொல்ல முடியாது. எல்லாருக்கும் ஒரு ஸ்டைல் இருக்கு அது பிடிக்கும். ஒரு ரசிகனா ரசிப்பேன்.* விஜய் சேதுபதி பற்றி?முதல் படம் பண்ணும் போது அவர நடிகரா மட்டும் தெரியும். படப்பிடிப்பில் நண்பர்கள் ஆகிட்டோம். நல்ல நடிகர். அவர் எனக்கு ரொம்ப 'செட்'டா இருக்காரு.* உங்கள் படங்களில் காமெடிக்கு தனியா ட்ராக்?நான் இயக்கிய படங்களில் காமெடிக்கு தனியா டிராக் தேவைப்படல. கதை ஒரு டிராக்ல போகும் போது, காமெடி இன்னொரு டிராக்குல சம்பந்தமே இல்லாம வந்தா நல்லா இருக்காது. காமெடிக்காக தனியே காட்சியை சேர்த்தது போல் இருக்கும்.* சூப்பர் ஸ்டார், உலக நாயகன், தல, தளபதியோடு... ஆசை இருக்கா?இல்லாமலா. எனக்கு வாய்ப்பு கொடுக்கும் போது அவங்கள வைத்து நல்ல படம் எடுப்பேன்.* உங்கள் படத்தில் 'பஞ்ச் வசனங்கள்' இல்லையே?கதைக்கும், அதில் நடிக்கும் நடிகருக்கு தேவைப்பட்டா 'பஞ்ச்' வசனங்கள் இருக்கும்.* அடுத்த படத்தில் என்ன எதிர்ப்பார்க்கலாம்?கதை விவாதம் நடத்திட்டு இருக்கோம். ரொமான்ஸ், ஆக் ஷன், சாங், சென்டி மென்ட், காமெடின்னு எல்லாம் கலந்த ஜனரஞ்சகமான படமா இருக்கும். நடிகர்கள் இன்னும் முடிவு பண்ணல..* சினிமாவுக்கு வரும் இளைஞர்களுக்கு?சினிமாவுக்கு யார் வேணாலும் வரலாம். திறமை இருந்தா கண்டிப்பா ஜெயிக்கலாம்.* சினிமா மூலம் சமூகத்திற்கு?சினிமா மூலம் சமூகத்திற்கு எந்தவொரு நல்ல மெசேஜையும் சொல்ல முடியும். அதை நாம எப்படி சொல்லுறோம்கிறது தான் முக்கியம்.* சுதந்திர தினம் குறித்து?ஒவ்வொரு சுதந்திர தினமும் நமக்காக சுதந்திரம் வாங்கி தந்த தலைவர்கள நினைக்க வைக்குது. சுதந்திரம் பெற்றும் நமக்குள்ள எந்த ஒற்றுமையும் இல்லாமல், ஜாதி, மதம்னு நமக்குள்ளயே சண்டை போட்டுட்டு இருக்கோம். இது மாறணும்.* பண்ணையாரும் பத்மினியும் ஓ.கே., உங்க பத்மினி ?ஒருத்தர் இருக்காங்க. லவ் கம் அரேன்ஜ்டு மேரேஜ். ரொம்ப சீக்கிரமே கல்யாணம். அப்போ தெரியும் என் பத்மினியை.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X