விடுதலை புலிகள் இயக்கத்தில் ரா உளவாளி| Dinamalar

பொது செய்தி

இந்தியா

விடுதலை புலிகள் இயக்கத்தில் ரா உளவாளி

Added : ஆக 16, 2016 | கருத்துகள் (38)
Advertisement
விடுதலை புலிகள் இயக்கத்தில் ரா உளவாளி

புதுடில்லி: விடுதலை புலிகள் இயக்கத்தின் துணைத்தலைவராக பணியாற்றி வந்த மாத்தையா இந்திய உளவு அமைப்பான ரா உளவாளி என புத்தகம் ஒன்றில் கூறப்பட்டுள்ளது.
ராஜிவ் படுகொலை செய்யப்படுவதற்கு முன்னர் அவரிடம் பேட்டியெடுத்த நீனா கோபால் என்பவர் எழுதியுள்ள புத்தகத்தில், கோபால்சுவாமி மகேந்திரராஜா என்ற மத்தையா என்பவர் ரா உளவாளியாக செயல்பட்டு வந்தார். பிரபாகரனுக்கு நம்பிக்கைக்குரியவராக இருந்த அவரை நன்கு பயிற்றுவித்தது ரா அமைப்பு தான். அவர் விடுதலை புலிகளின் மிகவும் அசைக்க முடியாதவராக மாறி, கலகம் மூலம், விடுதலை புலிகள் அமைப்பின் தலைவர் பதவியிலிருந்து பிரபாகரன் நீக்கப்பட்டு, அந்த பதவியை ஏற்க மாத்தையாவுக்கு இலக்கு நிர்ணயிக்கப்பட்டிருந்தது. இதனை அறிந்த விடுதலை புலிகள் அமைப்பு, மாத்தையாவை கொன்று விட்டதாக அந்த புத்தகத்தில் கூறப்பட்டுள்ளது.
விடுதலை புலிகள் அமைப்பின் தலைவர் பிரபாகரனின் குழந்தை பருவ நண்பரான கிட்டு பயணித்த கப்பல் விபத்தில் சாக மாத்தையா தான் காரணம் எனவும், அவர் ரா அமைப்புக்கு ரகசிய தகவல் அளித்ததாகவும் அந்த அமைப்பு சந்தேகப்பட்டது.
மேலும் அந்த புத்தகத்தில், ரா உளவாளி என கண்டுபிடிக்கப்பட்ட மாத்தையா தனி சிறையில் அடைக்கப்பட்டு, பல வாரங்கள் சித்ரவதை செய்யப்பட்டு, கடைசியில் 1994ம் வருடம் டிசம்பர் மாதம் கொல்லப்பட்டார். அவரது ஆதரவாளர்களாக இருந்த 257 பேரும் கொல்லப்பட்டு தீயில் போடப்பட்டதாகவும் கூறப்பட்டுள்ளது.
ராஜிவை விடுதலை புலிகள் கொன்ற பிறகு, தாம் ஏமாற்றப்பட்டதாக உணர்ந்த ரா அமைப்பு, வி டுதலை புலிகள் அமைப்பின் தலைமையை மாற்ற தீவிர முயற்சியில் ஈடுபட்டது. ஈழப்போரின் கடைசி கட்டத்தில் பிரபாகரன் சரணடைவார் என ரா வட்டாரங்கள் எதிர்பார்த்தன. அப்போது தான் இலங்கை அரசின் விருப்பப்படி இல்லாமல் சர்வதேச அமைப்பிடம் ஒப்படைக்கப்படுவோம் என பிரபாகரன் எதிர்பார்த்தார் என ரா கருதியதாகவும் அந்த புத்தகத்தில் கூறப்பட்டுள்ளது. இலங்கையில் இந்திய ராணுவம் செயல்படுவது, விடுதலை புலிகள் ராஜிவுக்கு எதிராக திரும்பும் என்பதை ரா அமைப்பு கணிக்க தவறி விட்டது என கூறியுள்ள நீனா கோபால், இந்த விவகாரத்தில் நம்மீதுதவறு உள்ளது. கணிப்பதில் நாம் மிகப்பெரிய தவறு செய்துவிட்டோம். பிரபாகரனை தவறாக கணித்து விட்டோம்,. நமக்கு எதிராக இவ்வாறு அவர் திரும்புவார் என யாரும் எதிர்பார்க்கவில்லை. நாம் ராஜிவை பாதுகாக்க தவறிவிட்டோம் என ரா அமைப்பின் உயர் அதிகாரி ஒருவர் கூறியதாக தெரிவித்துள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து (38)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Radhakrishnan - Karur,இந்தியா
17-ஆக-201610:18:29 IST Report Abuse
Radhakrishnan இந்திய வெளிநாட்டு கொள்கை என்பது நேரு, இந்திரா மற்றும் ராஜிவ் என்று தனி மனிதர்களால் மாற்றி எழுதப்பட்ட காலத்தில் இருந்து விடுபட்டு வாஜ்பாயி காலத்தில் இருந்து அரசியல் தலையீடு இல்லாமல் இருக்கிறது. இருப்பினும் இது மேலும் மேம்பட்டு அண்டை நாடுகளிடம் கவனமாக நடந்து கொள்ள வேண்டும் அதுவும் குறிப்பாக இலங்கை தமிழர்கள் விவகாரத்தை கொடிய பாதையில் பயணிக்க விட்ட சிலர் புலிகளின் மீது பழியை போட்டு தப்பிக்க பார்ப்பது மடமையிலும் மடமை. ராஜிவ் பிரதமராக இருந்த போது ஒரு முறை இலங்கை அரசுக்கு ஆயுதம் ஏற்றி சென்ற இஸ்ரேல் விமானம் திருவனந்தபுரத்தில் தரையிறங்கவும் எரிபொருள் நிரப்பவும் அனுமதிக்கப்பட்டது. அதை வைகோ ராஜீவிடம் நாடாளுமன்றத்தில் விவாத நேரத்தில் கண்டித்தார். அப்போது ராஜீவ் குறும்புத்தனமான அந்த ஆயுதங்களில் எதிலும் தமிழர்களுக்கு எதிரானது என்று எழுதப்படவில்லை என்று கூறி சிரித்தார். அதற்கு வைகோ பதிலடியாக பின்வருமாறு கேட்டார். அப்படியென்றால் அமெரிக்கா பாகிஸ்தானுக்கு கொடுக்கும் ஆயுதங்களில் அவை இந்தியாவுக்கு எதிராக பயன்படுத்தப்படும் என்று அச்சிடப்பட்டு உள்ளதால் தான் அதை இந்தியா எதிர்க்கிறதா? பிரதமர் தக்க பதில் தர வேண்டும். ராஜீவ் முகம் முற்றிலும் கோணல் ஆகிப்போனது. உடனடியாக வருத்தமும் தெரிவித்தார். இந்த நிகழ்வுக்கு பின்னர் இந்திய அரசு ஆயுதம் தாங்கிய விமானங்கள் எரிபொருள் நிரப்ப அனுமதிக்க மாட்டோம் என்று ஆணை வெளியிட்டது. இப்படி ராஜீவ் ஒரு நேரு குடும்ப வாரிசு என்பதைத்தவிர வேறு எந்த தகுதியும் இல்லாதவர். அவரின் இழப்பு பேரிழப்பே. மறுப்பதற்கு இல்லை. பாக்கிஸ்தான் நமது நாட்டின் உள்விவகாரங்களில் தலையிடுவதை நாம் எப்படி விரும்புவதில்லையோ அதைப்போல நாமும் அடுத்த நாடுகளின் விவகாரங்களில் தலையிடுவதை தவிர்க்க வேண்டும். அப்போதுதான் இந்தியா மீது மதிப்பும் மரியாதையும் கூடும்.
Rate this:
Share this comment
Madhu - Trichy,இந்தியா
18-ஆக-201607:08:25 IST Report Abuse
 Madhu'காலி'யாக இருக்கும விமானத்திற்கு எரிபொருள் நிரப்புவதற்கும், அது ஆயுதங்கள் தாங்கி/சுமந்து இருக்கும்போது எரிபொருள் நிரப்புவதற்கும் வேறுபாடு உண்டு. பின்னர் சொல்லப்பட்டதில் அதிக அபாயம் உள்ளது. இதனை உணர்ந்து கொண்டதால்தான் ராஜீவ் காந்தி அப்படி ஒரு அரசாணையை வெளியிடச் செய்திருக்கலாம். ஏனெனில் அவரே ஒரு 'பைலட்'டாகப் பணி புரிந்தவர். மேலும், எரி பொருள் தீர்ந்து போகும் நிலையில் உள்ள விமானம் அருகில் உள்ள விமான நிலையத்தின் உதவியைத்தான் நாடும். யோசிக்கையில் இதுதான் நடந்திருக்க வாய்ப்புகள் அதிகம். அதில் ஆயுதங்கள் இருந்த விஷயம் இப்போது வாசகர் கருத்துப்படி, இந்திய அரசாங்க/ராணுவ/உளவுத் துறையையும் தாண்டி வைகோ விற்கு உடனே தெரிந்திருக்கிறது எனில் என்ன பொருள்? இந்தப் பின்னடைவை வெளிக்காட்டிக் கொள்ளாமல்தான் ராஜீவ் காந்தி சிரித்து மழுப்பி அவையில் பதிலளித்திருக்கிறார். உடனே அவையில் பதிலளித்து திரு.வை.கோ. பேசியதாக வாசகர் குறிப்பிட்டிருப்பது யாருக்கு ஆதரவாக? நம் நாட்டுக்கு நிச்சயமாக இல்லை. ராஜீவின் முகம் கோணலாகிப் போனதில் வாசகருக்கு எவ்வளவு சந்தோஷம் பாருங்கள் இலங்கைக்கும், இந்தியாவுக்கும், பாகிஸ்தானுக்கும் யார் யார் ஆய்தங்கள் தந்தார்கள் எனும் செய்தியெல்லாம் உடனுக்குடன் தெரிந்திருக்கிறது எனில் புலிகளுக்கு ஆயுதங்களை யார் யார் கொடுத்தார்கள், எப்படிக் கொண்டு சென்றார்கள் எனும் விவரங்களும் தெரிந்திருக்குமே. இந்தியா கூட கொடுத்திருக்கலாம். ஆரம்ப கட்டத்தில் புலிகள் தமிழகத்தில்தான் எம்.ஜி.ஆர்,/இந்திராவின் ஆதரவில் பயிற்சி பெற்றார்கள் எனப் புலிகளே ஒப்புக் கொண்டது. அதில் ஒன்றைக் கூட இந்திய ராணுவத்தின் மீதோ, இலங்கைத் தமிழர்கள் மீதோ புலிகள் பயன்படுத்தவில்லை என்று யார் உத்திரவாதம் கொடுப்பார்கள்? சொந்தக் காசிலும், பிறர் காசிலும் சூனிய்ம் வைத்துக் கொண்டவர்கள் புலிகளேதான். இன்று சூனியமாகிப் போனவர்களும் அவர்களே....
Rate this:
Share this comment
Cancel
swega - Dindigul,இந்தியா
17-ஆக-201610:16:37 IST Report Abuse
swega பாவத்தின் கூலி மரணம்
Rate this:
Share this comment
Cancel
udaya - chennai,இந்தியா
17-ஆக-201610:16:02 IST Report Abuse
udaya யாரும் உயிரோட இல்லை. என்ன சொன்னால் , எழுதினால் என்ன வர போகுது.
Rate this:
Share this comment
Cancel
ramesh - dubai,ஐக்கிய அரபு நாடுகள்
17-ஆக-201610:15:06 IST Report Abuse
ramesh சுப்பு அல்லக்கை அவர்களே தமிழனுக்கு எதிரா பேசணுமுன்னா வரிந்து கட்டிக்கொண்டு வரீரே, நீர் என்ன மலையாளியா
Rate this:
Share this comment
Cancel
thonipuramVijay - Chennai,இந்தியா
17-ஆக-201609:50:00 IST Report Abuse
thonipuramVijay ஆமாம்...ஒருத்தன் இன்னொருத்தன் வீட்டுக்குள்ள புகுந்து கொலை கற்பழிப்பு அக்கிரமம் செய்வானாம் ஆனா அவனை அந்த வீட்டுக்காரங்க பழி வாங்கினா அது தப்பாம் ....இதுதான் ராஜீவ் சப்போர்ட்டர்ஸ் நினைப்பது... ராஜீவ் பண்ணின வேலைக்கு அவர் குடும்பத்தை விட்டுட்டாங்களேன்னு சந்தோசப்படணும்.... பிரபாகரனை பிஸ்கெட் கொடுத்து கரெக்ட் பண்ணிடலாம்னு தப்பா நினைச்சிட்டிங்கடா.... ராஜீவ் நல்ல மனிதர் தான் ஆனாலும் ஒரு பெரிய தவறிழைத்து தவறிவிட்டார்....
Rate this:
Share this comment
Cancel
Sampath Kumar - chennai,இந்தியா
17-ஆக-201609:20:09 IST Report Abuse
Sampath Kumar அய்யா சுப்பர மணி புலிகளை வளர்த்து விட்டது யாரு ? அவர்களுக்கு ஆயுத பயிற்சி அளித்தது யாரு? ரா உளவு பிரிவு அவர்களுக்கு இத்தனை உதவி செய்தது ஏன் ? எதற்கு ? விடை தெரியுமா உனக்கு ??? புள்ளையை கிள்ளி விட்டு தொட்டிலையும் ஆடிவிட்டு போனது யாரு ??? பதில் சொல்லுங்கள்
Rate this:
Share this comment
Cancel
எம்.ஆர்.பி.குமார் - CHENNAI,இந்தியா
17-ஆக-201609:13:07 IST Report Abuse
எம்.ஆர்.பி.குமார் தொடர்ச்சியான காங்கிரஸ் ஆட்சியில் "ரா " பலம் வாய்ந்த அமைப்பாக இருந்துச்சா.. ம்ம் .. வாஜ்பாய் அரசாங்கம் வந்த பிறகுதான் வெளியுறவு கொள்கை , மற்றும் ஐபி, ரா போன்ற அமைப்புகள் பலம் பெற தொடங்கியது. எந்த விதத்திலும் பிரபாகரன் இந்திய அரசாங்கத்தின் திட்டத்தையோ , அதன் வழிமுறைகளையோ செயல்படுத்த விரும்ப வில்லை , கேட்கவே தயாராக இல்லை . அமைதி படை சென்ற போது அண்ணன் , தம்பி சண்டைக்கு மூன்றாம் நாடு தலையீடு தேவையில்லை என்று சொன்னது . பல தமிழ் அமைப்புகள் ஒரு சேர்ந்து போராடி பெற வேண்டிய ஈழத்தை தான் ஒருவனாக சாதிக்கவேண்டும் என்ற தனி மனிதனின் பேராசை.. காங்கிரஸ் மீது பழியை போடும்முன் சாதாரண மக்களை கேடயங்களாக பயன்படுத்தியதும் , சிறுவர்களை துப்பாக்கி தூக்க வைத்ததும் இந்த அமைப்பு... பெரிய ஜனநாயக நாட்டின் பிரதமரை கொல்ல துணிந்த அமைப்புக்கு எந்த விதத்தில் இங்கிருந்து ஆதாயம் கிட்டும்.. புலிகள் ஒன்றும் கறை படியாதவர்கள் இல்லை ..
Rate this:
Share this comment
Cancel
தேச நேசன் - Chennai,இந்தியா
17-ஆக-201608:26:43 IST Report Abuse
தேச நேசன் பயந்தாக்கொள்ளி ராஜீவைக் கொல்ல வேண்டிய அவசியம் புலிகளுக்கிருந்ததில்லை, ராஜீவின் தோல்வி முன்பே எல்லா தேர்தல் கணிப்புக்களிலும் உறுதிப்படப்பட்டிருந்தது ராஜீவ் கொலையைக் காட்டி அனுதாப அலை உருவாக்க காங்கிரஸ் முயன்றும் அதற்கு தனி மெஜாரிட்டி கிடைக்கவில்லை என்பது எல்லோரும் அறிந்த உண்மை தோல்வியடைந்து பதவிக்கு வர வாய்ப்பில்லாத ஒருவரைக் கொல்லுமளவுக்கு புலிகள் முட்டாள்களா? அப்படிப்பட்டவர்கள் 30 ஆண்டுகளுக்கு மேலாக ஒரு ஆயுதப் போராட்டம் நடத்தியிருக்கவே முடியாது ஜெயின் கமிஷன் அறிக்கைப்படி கொலைசதி வேலை பற்றிய விசாரணையை காங்கிரஸ் மற்றும் பாஜக நடத்த முயலவே இல்லை என்பதே இதன் பின்னணியில் இங்குள்ள பெரிய ஆட்கள் இருப்பதை உறுதிப்படுத்துகிறது
Rate this:
Share this comment
Cancel
Madhu - Trichy,இந்தியா
17-ஆக-201608:15:45 IST Report Abuse
 Madhu புலிகளுக்கு எதிராக நடந்ததெல்லாம் துரோகம் இந்தியாவுக்கும், இலங்கைக்கும் எதிராக நடத்தப்பட்டவையெல்லாம் வீரம் என்ற மனோபாவம் இருக்கும்வரை இதுபோன்ற செய்திகள் எதிர்காலத்தில் கதைகளாகவும், கற்பனைகள் பின்னப்பட்டும் புத்தகங்களாக வெளி வரும்போது நிறைய விற்பனையாகும். ஐ.நா. சபை மூலமும், சர்வதேச விசாரணை மூலமும் இலங்கை அரசும் அதன் முந்தைய பிரதமர் முதலியோர் தண்டிக்கப் பட வேண்டும் என்கிற குரலும் மெதுவாக அடங்கி வருகிறது. இலங்கையில் நடந்த உள்நாட்டுப் போரில் இறந்தவர்கள், கொல்லப் பட்டவர்கள், வீர மரணம் அடைந்தவர்கள் அனைவருமே ஒரு விதத்தில் நற்கதியை அடைந்தவர்கள். தற்போது வாழ்வுக்கும், சாவுக்கும், அரசியலுக்கும், அதிகாரத்திற்கும், எதேச்சதிகாரத்திற்கும், ஆதரவாளர்கள் என்று சொல்லிக் கொள்பவர்களுக்கும் நடுவில் துன்பத்திலும் இன்பம் கண்டு, இடுக்கண் வரும்போதும் புன்முறுவலுடன் ஏற்றுக் கொண்டு வாழ்க்கையை நடத்திக் கொண்டிருப்பவர்கள் தான் உண்மையான கர்ம யோகிகள். உலகின் வேறு பாகங்களிலும் இது போன்ற கர்ம யோகிகள் தற்போது உருவாகிக் கொண்டிருக்கிறார்கள் என்பதையும் நாம் நினைவில் கொள்ள வேண்டியது அவசியம்.
Rate this:
Share this comment
Cancel
Sanny - sydney,ஆஸ்திரேலியா
17-ஆக-201605:00:08 IST Report Abuse
Sanny 1980 களில் விடுதலைப்புலிகள் வளர்ச்சி அடைந்த காலம், பல உளவு அமைப்புகள் விடுதலைப்புலிகள் பற்றி அறிய முயன்று அதில் அவர்களை பற்றி 20% கூட அறிய முடியவில்லை. உதாரணத்துக்கு பக்கத்துவீட்டில் இருப்பவருக்கே தெரியாது பக்கத்து வீட்டுக்காரன் புலி என்று. அவர்களின் கட்டமைப்பு அப்படி ரகசிய கட்டுப்பாடாக இருந்தது. 1986 களில் IPKF போன போது ராஜீவுக்கு ரா இயக்கம் புலிகள் பற்றி அனுப்பியதில் தகவல்களில் 35% கூட உண்மை இல்லை, ஆளணி பலம், ஆயுத கொள்வனவு, ஆயுதங்களின் வகை, தொகை எல்லாமே தப்பு. ( அப்போது இலங்கையில் உயர்ஸ்தானிகர் அலுவலகத்தில் எனது பிரிவு தலைவர் அந்த ஆவணங்களை ராஜீவுக்கு அனுப்பும் போது அவர் கையொப்பம் இடவில்லை, முழு கட்டுப்பாடும் இந்திய தலைமையிடத்தில் இருந்தது காரணம் ) ஏதொ தகவல் அனுப்பனும் என்பதுக்காக அனுப்பப்பட்டது. விடுதலைப்புலிகளை தாக்கி அழிக்க சுமார் 4 அல்லது 5 நாட்கள் போதும் என்று அறிக்கை அனுப்பப்பட யுத்தம் புலிகளுக்கு எதிராக வந்தது. அப்போது வடக்கு, கிழக்கு இலங்கை எங்கும் சில மைல்கள் தூரத்துக்கு ஆயுதங்கள் புதைத்து வைக்கப்பட்டிருந்தது. இது புலி உறுப்பினர் சிலருக்கு மட்டும் தான் தெரியும், ரா புலிகளிடம் இருந்த ஆயுதங்களின் எண்ணிக்கை தவறாக எடை போட்டது. ரா சொன்னதுக்கும்,புலிகளிடம் இருந்ததுக்கும் நிறையவே வித்தியாசம் இருந்தது. புலிகளிடம் அப்போது இருந்தது பல நூறு மடங்கு ஆயுதங்கள். அதனால் தான் புலிகள் இந்திய இராணுவத்தை சுமார் நான்கு வருடத்துக்கு மேல் எதிர்த்துக்கொண்டு இருந்தார்கள். பல ஆயிரம் இந்திய வீரர்கள் அநியாயமாக இறந்தும், அங்கவீனமானார்கள். இலங்கை தமிழருக்கும் அதே கதி தான். அப்போது ஜாலியாக இருந்தது இலங்கை அரசும், இலங்கை சிப்பாய்களும், 3 வருடங்களுக்குமேல் ஒரு இலங்கை சிப்பாய் புலிகளால் கொல்லப்படவில்லை என்று அப்போதைய ஜனாதிபதி JR . ஜெயவர்த்தனே பெருமைபட்டார். இப்போ இது பற்றி பேசுவது காலம் கடந்த ஞானம். தவறுகள் திருத்த பட வேண்டுமே தவிர, நடந்ததை ( பல வருடங்களுக்கு முன்) கிளறி குற்றம் காண்பதில் நன்மை இல்லை, IPKF யின் இந்த தோல்விக்கு பின் இந்தியா திரும்பும்போது அவர்களை வரவேற்க நம்ம மஞ்சள் பை தலைவர் அப்போது போகவில்லை என்ற குற்ற சாட்டும் இருக்கு.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை