வெள்ளி வென்றார் சிந்து; ஒலிம்பிக்கில் புதிய சாதனை Dinamalar
பதிவு செய்த நாள் :
வெள்ளி வென்றார் சிந்து; ஒலிம்பிக்கில் புதிய சாதனை

ரியோ டி ஜெனிரோ: ஒலிம்பிக் பாட்மின்டனில் வெள்ளிப்பதக்கம் வென்ற முதல் இந்தியர் என்ற பெருமை பெற்றார் சிந்து. பைனலில், ஸ்பெயினின் கரோலினாவிடம், போராடி தோல்வியடைந்தார்.
பிரேசிலில் ரியோ ஒலிம்பிக் போட்டி நடக்கிறது. இதன் பாட்மின்டன் பெண்கள் ஒற்றையர் பைனல் நேற்று நடந்தது. இதில் தரவரிசையில் 10வது இடத்திலுள்ள இந்திய வீராங்கனை சிந்து, 'நம்பர்-1' வீராங்கனை, ஸ்பெயினின் கரோலினா மரினை எதிர்கொண்டார்.முதல் செட்டின் துவக்கத்தில் இருந்தே பின் தங்கினார் சிந்து (3-7). இது 6-11 என,

தொடர்ந்தது. ஒரு கட்டத்தில் 16-17, அடுத்து 19-19 என, கரோலினாவை
நெருங்கினார் சிந்து. பின் தொடர்ந்து அசத்த, முதல் செட்டை சிந்து 21-19 என, கைப்பற்றினார்.
இரண்டாவது செட்டில் 2-11 என்ற மோசமான நிலைக்கு தள்ளப்பட்டார். இதில் இருந்து மீண்டு வருவது மிகவும் கடினம் என்ற நிலையில், இரண்டாவது செட்டை சிந்து 12-21 என, இழந்தார்.
இதையடுத்து வெற்றியாளரை முடிவு செய்ய, போட்டி மூன்றாவது மற்றும் கடைசி செட்டுக்கு

Advertisement

சென்றது. இதிலும் மீண்டும் சொதப்பத் துவங்கினார் சிந்து (1-6).இதன் பின் சற்று சுதாரித்துக் கொண்ட சிந்து, கொஞ்சம் கொஞ்சமாக நெருங்க, ஸ்கோர் 10-10 என, சமனை எட்டியது. இருப்பினும், சிந்து மறுபடியும் ஏமாற்ற 11-15 என, பின் தங்கினார்.கடைசியில் மூன்றாவது செட்டை 15-21 என, இழந்தார். 1 மணி நேரம், 19 நிமிட போராட்டத்தின் முடிவில், 21-19, 12-21, 15-21 என்ற கணக்கில் போராடி தோற்றார் சிந்து. இருப்பினும், ஒலிம்பிக் வரலாற்றில் முதல் வெள்ளிப்பதக்கம் கைப்பற்றிய முதல் இந்தியர், வீராங்கனை என்ற பெருமை பெற்றார் சிந்து. கரோலினா தங்கம் வென்றார்.

Advertisement

வாசகர் கருத்து (61)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Balaji - Khaithan,குவைத்
20-ஆக-201616:46:00 IST Report Abuse

Balajiஇந்த போட்டியை நேரடியாக காணும் வாய்ப்பை ஒரு தனியார் தமிழ் செய்தி சேனல் ஏற்படுத்தியிருந்தது...அதில் போட்டியை நான் கண்டு களித்தேன்....அந்த தொலைகாட்சி நிறுவனத்துக்கு எனது நன்றிகள்....போட்டி துவங்கியது முதல், முதல் செட்டில் ஆரம்பத்தில் சற்று பின்தங்கியிருந்தாலும் பிறகு சுதாரித்து முதல் செட்டை தனதாக்கிய விதம் சிந்துவின் போராட்ட குணம் வெளிப்பட்டது.... பிறகு இரண்டாவது மற்றும் மூன்றாவது செட்டில் மெரினின் ஆக்ரோஷத்துக்கு ஈடு கொடுத்து தான் விளையாடி வந்தார்.... இருந்தும் அவரால் புள்ளிகளை எளிதில் பெறமுடியாமல் போனது..... இருந்தும் எந்த நிலையிலும் விட்டுக்கொடுத்தவிடாமல் தான் போராடினார் சிந்து........ அவருக்கு எனது மனமார்ந்த வாழ்த்துக்கள்......

Rate this:
Mohamed Ilyas - Karaikal,இந்தியா
20-ஆக-201613:35:59 IST Report Abuse

Mohamed Ilyasசானியா மிர்சா , சைனா நைவால் எல்லாம் விளம்பர தூதவர்களாகி வலம் வந்தது மட்டும் தான் நாட்டுக்கு மிச்சம் சிந்து போனற நாட்டின் மேன்மைக்கு பாடு படுகிற வீரர்கள் தான் தேவை

Rate this:
jagan - Chennai,இந்தியா
20-ஆக-201622:05:19 IST Report Abuse

jaganபாத்து ....விளையாட்டு அமைதி மார்கத்தில் தடைசெய்யப்பட்ட ஒன்று......

Rate this:
muthu Rajendran - chennai,இந்தியா
20-ஆக-201613:30:30 IST Report Abuse

muthu Rajendran. 120 கோடி மக்கள் கொண்ட எம் நாட்டில் ஒரு வெள்ளி பதக்கத்தை வாங்கி தந்து பெருமை படைத்த சிந்து எனும் அன்பு மகளுக்கு வாழ்த்துக்கள் அடுத்து என் நாட்டிற்கு தங்கமும் வரும் என்ற நம்பிக்கை துளிர்க்கிறது

Rate this:
மேலும் 57 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X