ஏழை பெண்களுக்கு சொத்து : மறைந்த நடிகை பர்வீன் 'கெத்து'| Dinamalar

ஏழை பெண்களுக்கு சொத்து : மறைந்த நடிகை பர்வீன் 'கெத்து'

Advertisement
 
 
Advertisement
 
 
 
Advertisement
எழுத்தின் அளவு:
Advertisement
ஏழை பெண்களுக்கு சொத்து : மறைந்த நடிகை பர்வீன் 'கெத்து'

மும்பை, அக். 22-'ஏழைப் பெண்கள் மற்றும் குழந்தைகளின் நலனுக்காக, தன் சொத்தில், 80 சதவீதத்தை எழுதி வைத்த நடிகை, பர்வீன் பாபியின் உயில் செல்லும்' என, மும்பை ஐகோர்ட் தீர்ப்பளித்துள்ளது. இதன் மூலம், 11 ஆண்டுகளாக நடந்து வந்த வழக்கு முடிவுக்கு வந்துள்ளது. பிரபல நடிகை பர்வீன் பாபி, 1970 - 80களில், வெளியான வட இந்திய மொழித் திரைப்படங்களில் நடித்ததின் மூலம், ரசிகர்கள் மனதில் நீங்கா இடம் பிடித்தார்.
80 சதவீத சொத்து : சினிமாவில், தான் சம்பாதித்த பணத்தின் மூலம், மஹாராஷ்டிரா மாநிலம், மும்பை, குஜராத் மாநிலம், ஆமதாபாத் உள்ளிட்ட நகரங்களில் ஏராளமான சொத்துக்களை வாங்கினார். மும்பையில் உள்ள அடுக்குமாடி குடியிருப்பில் தனியாக வாழ்ந்து வந்த பாபி, சர்க்கரை நோய் பாதிப்பால், 2005ல் இறந்தார். அப்போது அவருக்கு வயது, 56. பாபியின் மறைவை அடுத்து, அவர் சொத்துகள் யாருக்கு என்பதில் குழப்பம் ஏற்பட்டது. இந்நிலையில், 2002ல், பாபி எழுதிய உயிலை, அவர் தாய் மாமன், முராத் கான் வெளியிட்டார். அதில், பாபியின், 80 சதவீத சொத்துக்களை, நலிவடைந்த பெண்கள் மற்றும் குழந்தைகள் நலனுக்காகவும், 20 சதவீத சொத்துக்களை, முராத் கானுக்கு வழங்கப்பட வேண்டும் என குறிப்பிடப்பட்டு இருந்தது. இதற்கு பாபியின் உறவினர்கள் சிலர் எதிர்ப்பு தெரிவித்தனர். இந்த வழக்கை, மும்பை ஐகோர்ட் விசாரித்தது.
வழக்கு முடிவு : விசாரணையின் முடிவில், 'பாபி எழுதி வைத்த உயில் செல்லும்' என, ஐகோர்ட் தீர்ப்பு வழங்கியுள்ளது. இதன் மூலம், 11 ஆண்டுகளாக நடந்து வந்த பாபி உயில் குறித்த வழக்கு முடிவுக்கு வந்துள்ளது. இதையடுத்து, பாபியின் விருப்பப்படி, நலிவடைந்த பெண்கள் மற்றும் குழந்தைகள் நலனுக்கென, தனியாக அறக்கட்டளை துவக்கப்படவுள்ளது. அறக்கட்டளை தலைவராக, பாபியின் தாய் மாமன், முராத் கான், 82, செயல்படுவார். அவர் நியமிக்கும் மேலும் இருவரும், அந்த அறக்கட்டளையின் உறுப்பினர்களாக செயல்படுவர். பாபியின், 80 சதவீத சொத்துக்கள், அறக்கட்டளை பெயருக்கு மாற்றப்பட்டு, உரிய வகையில் பயன்படுத்தப்படும். மீதமுள்ள, 20 சதவீத சொத்துக்கள், முராத் கான் பெயரில் மாற்றப்படும். இவை அனைத்தையும், டிச., 23க்குள் நிறைவேற்றுமாறு கோர்ட் உத்தரவிட்டுள்ளது.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (7)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Endrum Indian - Kolkata,இந்தியா
22-அக்-201615:42:16 IST Report Abuse
Endrum Indian இந்த நல்லெண்ணத்திற்கு வாழ்த்துக்கள். உன் ஆன்மா சாந்தியடையும், அடுத்த பிறவியில் நல்ல ஒழுக்கமுள்ள பெண்ணாய் பிறந்து சீரும் சிறப்புமாக வாழ்வாய்.
Rate this:
Share this comment
Cancel
G.Rajagopalan - Seeatle,யூ.எஸ்.ஏ
22-அக்-201613:07:36 IST Report Abuse
G.Rajagopalan அவருடைய கடைசி நாட்களில் எங்கிருக்கிறார் என்றே தெரியாத மர்ம முடிச்சு
Rate this:
Share this comment
Cancel
Chandramoulli - Mumbai,இந்தியா
22-அக்-201611:09:07 IST Report Abuse
Chandramoulli நல்ல எண்ணம் உள்ளவர் . ஏழைகளுக்கு உதவி செய்ய இப்படிப்பட்டவர்கள் கூட சினிமாவில் இருப்பது ஆச்சரியம் தான். ஆன்மா சாந்தி அடையட்டும் . வாழ்க அவரின் புகழ். சரித்திரத்தில் நீங்காத இடம் பிடித்து விட்டார் .
Rate this:
Share this comment
Cancel
Sampath Kumar - chennai,இந்தியா
22-அக்-201609:31:58 IST Report Abuse
Sampath Kumar பாராட்டுக்கள் உங்கள் ஆன்மா எங்கு இருந்தாலும் வாழ்க
Rate this:
Share this comment
Cancel
Raj Pu - mumbai,இந்தியா
22-அக்-201608:52:03 IST Report Abuse
Raj Pu உயிருடன் இருக்கும் போது வராத உறவு சொத்துக்கு மட்டும் உரிமை கோருகிறது. இங்கும் அம்மா வை காண அவர் உறவு பெண் வந்து தவமாய் இருந்தால் பிஜேபி தலைவரு அறிவுரை பேரில்
Rate this:
Share this comment
Cancel
JAIRAJ - CHENNAI,இந்தியா
22-அக்-201608:36:25 IST Report Abuse
JAIRAJ பிழைப்புக்காக எப்படி எப்படியோ நடித்தாலும் இந்த நல்ல மனது எல்லோருக்கும் வருமா என்பது கேள்வி. தாய்மாமன் என்று சொல்லப்படுபவர் முறையாக சரியான டாக்குமெண்டுடன் இருக்கையில், ஆரம்பகாலத்தில் எந்தவிதத்திலும் தொடர்புகொள்ளாத இந்த உறவுகள் செய்யும் அலம்பல்தான் அதிகம். இவர்கள் எல்லோருமே பர்வீன் பாபியின் பணத்திற்காக சிறப்பாக நடிப்பவர்கள்தான். புனிதமான காரியத்தை செய்த பர்வீனின் ஆத்மா மகிழ்ச்சியுடன் சாந்தியடைய பிரார்த்தனை செய்கின்றேன். தாய் மாமன் இந்த அறக்கட்டளையை சரியான முறையில் நடத்த இறைவன் அருள் புரிய வேண்டும்.
Rate this:
Share this comment
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
22-அக்-201607:55:58 IST Report Abuse
மதுரை விருமாண்டி பர்வீன் பாபி, ரேகா இருவருமே கெத்து தான்..
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.