அரசுக்கு எதிராக இணையும் எதிர்க்கட்சிகள் பார்லிமென்டில் நெருக்கடி கொடுக்க திட்டம் Dinamalar
பதிவு செய்த நாள் :
அரசுக்கு எதிராக இணையும் எதிர்க்கட்சிகள்
பார்லிமென்டில் நெருக்கடி கொடுக்க திட்டம்

புதுடில்லி: பழைய, 500 மற்றும் 1,000 ரூபாய் நோட்டுகள் செல்லாததாக அறிவிக்கப்பட்டதை, பார்லி.,யில் கூட்டாக சேர்ந்து எதிர்ப்பது குறித்து, டில்லியில் நேற்று, காங்., - திரிணமுல் காங்., கட்சிகளின் தலைவர்கள் கூடி விவாதித்தனர்.

 அரசுக்கு எதிராக இணையும் எதிர்க்கட்சிகள் பார்லிமென்டில் நெருக்கடி கொடுக்க திட்டம்

கறுப்புப் பணம் மற்றும் கள்ள நோட்டுகளை ஒழிக்கும் நோக்கில், பழைய, 500 மற்றும் 1,000 ரூபாய் நோட்டுகள் செல்லாததாக, பிரதமர் நரேந்திர மோடி அறிவித்தார். பழைய நோட்டுகளை வங்கிகளில், 'டிபாசிட்' செய்ய, டிச., 30 வரை அவகாசம் தரப்பட்டுள்ளது.
இந்த சூழ்நிலையில், பார்லி., குளிர்கால கூட்டத்தொடர், நாளை துவங்க உள்ளது. இந்த தொடரின்போது, ரூபாய் நோட்டு செல்லாததாக அறிவிக்கப்பட்ட விவகாரத்தில், அரசுக்கு எதிராக, காங்., தலைமையில் அனைத்து எதிர்க்கட்சிகளும் ஒருங்கிணைந்து செயல்பட திட்டமிட்டுள்ளன.


ஓரணியில் எதிர்க்கட்சிகள்


இது தொடர்பாக, டில்லியில் நேற்று, காங்., - திரிணமுல் காங்., மூத்ததலைவர்கள் கூடி விவாதித்தனர். காங்., சார்பில், லோக்சபா காங்., தலைவர் மல்லிகார்ஜுன கார்கே, ராஜ்யசபா காங்., தலைவர் குலாம் நபி ஆசாத் ஆகியோர், லோக்சபா திரிணமுல் காங்., தலைவர் சுதிப் பந்தோபாத்யாயாவை சந்தித்து பேசினர்.
முன்னதாக, இந்த விவகாரம் தொடர்பாக, காங்., துணைத் தலைவர் ராகுலுடன், திரிணமுல் காங்., தலைவர் மம்தா பானர்ஜி, நேற்று முன்தினம் தொலைபேசியில் பேசினார். இந்திய கம்யூனிஸ்ட், மார்க்சிஸ்ட் கம்யூனிஸ்ட், சமாஜ்வாதி, பகுஜன் சமாஜ் ஆகிய கட்சிகளின் தலைவர்களுடனும், காங்., தலைவர்கள் பேச்சு நடத்தி வருகின்றனர்.

யெச்சூரியுடன் மம்தா போனில் பேச்சு


அரசியல் களத்தில் பரம வைரியாக கருதப்படும் மார்க்., கம்யூ., கட்சி பொதுச் செயலர் சீதாராம் யெச்சூரியை, தொலைபேசியில் தொடர்பு கொண்டு, மம்தா பேசினார். அப்போது, 'பழைய நோட்டுகள் செல்லாததாக அறிவிக்கப்பட்ட விவகாரத்தில், மார்க்.கம்யூ., - திரிணமுல் காங்., சேர்ந்து செயல்பட வேண்டும்' என, மம்தா விருப்பம் தெரிவித்தார்.

Advertisement

இந்நிலையில், டில்லியில் நேற்று, நிருபர்களிடம் பேசிய, சீத்தாராம் யெச்சூரி கூறியதாவது:ரூபாய் நோட்டு விவகாரம் தொடர்பாக, மம்தா பானர்ஜி என்னுடன் தொலைபேசியில் பேசினார். பார்லிமென்ட் கூட்டம் நடக்கும்போது, யார், என்ன முடிவு எடுக்கின்றனர் என்பதை பொறுத்திருந்து பார்ப்போம்.
பழைய, 500, 1,000 ரூபாய் நோட்டுகள் செல்லாதென அறிவிக்கும் முடிவு, பா.ஜ., தலைவர்களுக்கு முன்கூட்டியே தெரிந்துள்ளது. இவ்வாறு அவர் கூறினார்.


Advertisement

வாசகர் கருத்து (47)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
adithyan - chennai,இந்தியா
15-நவ-201620:15:05 IST Report Abuse

adithyanஎச்சூரியை கேளுங்கள் சீனாவில் இந்த மாதிரி நடந்தால் எதிர்ப்பீர்களா என்று கேளுங்கள்

Rate this:
Endrum Indian - Kolkata,இந்தியா
15-நவ-201617:20:12 IST Report Abuse

Endrum Indianஇதிலிருந்து தெரிவது என்னவென்றால் இந்த உதிரிக்கட்ச்சிகள் எல்லாம் நிஜமாகவே கருப்பின் உதவி கொண்டு தான் இது வரை இங்கும் அங்குமாக ஆட்சி புரிகின்றனர் என்று தெரிகின்றது. இவர்கள் மக்களின் நன்மையில் அக்கறையற்றவர்கள் என்று அக்மார்க் முத்திரை இட வேண்டும்.

Rate this:
rajan - kerala,இந்தியா
15-நவ-201616:45:24 IST Report Abuse

rajanஇம்முறை இந்த எதிர்கட்சிகள் ஏன் ஒன்று கூடுகிறது? பாராளுமன்றத்தை முடக்கியாவது தங்களுடைய கறுப்பு பணத்தை காப்பாற்ற முனைகிறது. இந்த தற்குறிகள் மக்கள் இப்போ மக்களால் அடையாளம் காணபடுவார்கள். ஒழிக்கவும் படுவார்கள்.

Rate this:
மேலும் 44 கருத்துக்கள்...

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X