சிறுநீரகங்களுக்கு மத அடையாளம் கிடையாது: சுஷ்மா| Dinamalar

பொது செய்தி

இந்தியா

சிறுநீரகங்களுக்கு மத அடையாளம் கிடையாது: சுஷ்மா

Added : நவ 19, 2016 | கருத்துகள் (41)
Advertisement
சிறுநீரகங்களுக்கு மத அடையாளம் கிடையாது: சுஷ்மா

புதுடில்லி : இஸ்லாமிய மதத்தைச் சேர்ந்த ஒருவர் தானமாக அளிக்க முன்வந்த சிறுநீரகம் தொடர்பாக நன்றி தெரிவித்து கருத்து வெளியிட்டுள்ள மத்திய அமைச்சர் சுஷ்மா சுவராஜ், 'சிறுநீரகங்களில் மத அடையாளம் கிடையாது' என தெரிவித்துள்ளார்.மத்திய அமைச்சர் சுஷ்மா சுவராஜ், சிறுநீரக கோளாறு காரணமாக டில்லி எய்ம்ஸ் மருத்துவமனையில் சிகிச்சை பெற்று வருகிறார். அவருக்கு டயாலிசிஸ் சிகிச்சை அளிக்கப்பட்டு வருகிறது. அவருக்கு மாற்று சிறுநீரகங்கள் பொறுத்துவதற்கான ஏற்பாடுகளும் நடந்து வருகிறது. இந்நிலையில் சுஷ்மாவுக்கு சிறுநீரகம் வழங்க பலரும் முன்வந்துள்ளனர்.தனக்கு சிறுநீரகத்தை தானமாக தர முன்வந்த நண்பர்களுக்கு தனது டுவிட்டர் பக்கத்தில் நன்றி தெரிவித்திருந்த சுஷ்மா சுவராஜ், மருத்துவமனையில் இருந்து விரைவில் வீடு திரும்புவேன் என்றும் நம்பிக்கையுடன் கூறியிருந்தார்.இந்நிலையில், இஸ்லாமியர்களான நியமத் அலி ஷேக், ஜான் ஷா மற்றும் முஜிப் அன்சாரி ஆகியோரும் நேற்று சுஷ்மா சுவராஜுக்கு தங்களது சிறுநீரகங்களை தானமாக வழங்க முன்வந்துள்ளனர். இவர்களில் தனது விருப்பத்தை சுஷ்மாவுக்கு 'டுவிட்டர்' மூலம் தெரிவித்திருந்த உத்தரப்பிரதேசம் மாநிலத்தை சேர்ந்த முஜிப் அன்சாரி, 'நான் பகுஜன் சமாஜ் கட்சியின் ஆதரவாளர். ஆனால், நீங்கள் எனக்கு தாய் போன்றவர். உங்களுக்கு எனது இரு சிறுநீரகங்களையும் தானமாக அளிக்க விரும்புகிறேன். அல்லாஹ் உங்களுக்கு அருள் புரியட்டும்' என குறிப்பிட்டுள்ளார்.இதற்கு நெகிழ்ச்சியுடன் நன்றி தெரிவித்து தனது டுவிட்டரில் பதிவிட்டுள்ள சுஷ்மா சுவராஜ், 'மிக்க நன்றி சகோதரர்களே.., சிறுநீரகத்துக்கு மதமுத்திரைகள் கிடையாது என்பதை நான் நிச்சயமாக நம்புகிறேன்' என தெரிவித்துள்ளார்.

Advertisement


வாசகர் கருத்து (41)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Muhammad Aslam - Jeddah,சவுதி அரேபியா
20-நவ-201601:26:51 IST Report Abuse
Muhammad Aslam விரைவில் குணமடைய பிரார்த்திக்கிறேன்,மத முத்திரை சிறுநீரகத்தில் மட்டுமல்ல இதயத்திலிருந்தே எடுத்து எறியுங்கள் சகோதரி.நாமெல்லாம் ஒரு குடும்பம்.பல மதமாக இருந்தாலும் நாங்கள் எல்லாம் எவ்வளவு ஒற்றுமையாகவும், மகிச்சியாகவும் இங்கே சவுதியில் வாழ்ந்து வருகிரோம்.
Rate this:
Share this comment
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
19-நவ-201622:37:31 IST Report Abuse
மதுரை விருமாண்டி பாடி பார்ட்ஸ் க்கு எல்லாம் மத அடையாளம் கிடையாது.. அதையெல்லாம் சுமக்கிற மனுஷனுக்கு மட்டும் தான் மத அடையாளம்.. கருமம்டா..
Rate this:
Share this comment
Cancel
Faithooran - Thondamaan Puthukkottai,இந்தியா
19-நவ-201622:37:03 IST Report Abuse
Faithooran அரசியல் இதிலும் சட்டப்படி தானம் பற்றிய ரகசியங்கள் வெளிவிடுவது எவருக்கும் அழகல்ல. ஊடகங்கள் எங்கே செல்கின்றன ?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X