வேலூர் மாவட்ட எஸ்.பி., அலுவலகம் முன் பெயின்டர் தற்கொலை முயற்சியால் பரபரப்பு| Dinamalar

சம்பவம் செய்தி

தமிழ்நாடு

வேலூர் மாவட்ட எஸ்.பி., அலுவலகம் முன் பெயின்டர் தற்கொலை முயற்சியால் பரபரப்பு

Added : ஜன 11, 2017
Advertisement
 
 
Advertisement
 
 
Advertisement

வேலூர்: தன் மனைவியை கண்டுபிடித்து தரக்கோரி, வேலூர் எஸ்.பி., அலுவலகம் முன், தற்கொலை செய்து கொள்ள வந்த பெயின்டரை, போலீசார் தடுத்து நிறுத்தினர்.
வேலூர், பில்டர்பெட் ரோட்டை சேர்ந்தவர் பரந்தாமன், 34, பெயின்டர். இவர் மனைவி செல்வி, 25. இவர்களுக்கு யமுனா, 12, என்ற மகள் உள்ளார். கடந்த, 28ல், சபரிமலை கோவிலுக்கு பரந்தாமன் சென்றார். கடந்த, 2ல் வீடு திரும்பினார். வீட்டில் மனைவி செல்வி இல்லாததால், பல இடங்களில் தேடியும் அவரை காணவில்லை. தனது மனைவியை கண்டுபிடித்து தரும்படி, வேலூர் தெற்கு போலீஸ் ஸ்டேஷனில், பரந்தாமன் புகார் கொடுக்க சென்றார். மனுவை வாங்க போலீசார் மறுத்து விட்டனர். இதனால், வேலூர் மாவட்ட எஸ்.பி., அலுவலகத்தில் புகார் கொடுக்க சென்ற போது, அங்கும் பரந்தாமனிடம் மனு வாங்காமல் திருப்பி அனுப்பினர். இதனால், நேற்று காலை, 11:00 மணிக்கு, தன் மகளுடன் வேலூர் எஸ்.பி., அலுவலகத்திற்கு வந்த பரந்தாமன், மாயமான தன் மனைவியை மீட்டு தரக் கோரியும், தன் புகார் மனுவை போலீசார் ஏற்காததை கண்டித்தும் தர்ணா செய்தார். அங்கிருந்த போலீசார் இதை கண்டுகொள்ளவில்லை. இதனால் ஆத்திரமடைந்த பரந்தாமன், தன் பைக்கில் இருந்து மண்ணெண்ணெயை எடுத்து வந்து, தன் மீது ஊற்றிக் கொண்டு தற்கொலைக்கு முயன்றார். அப்போது போலீசார் தடுத்தனர். பின், எஸ்.ஐ., மைதிலி, அவரிடம் பேச்சுவார்த்தை நடத்தி, புகார் மீது உரிய நடவடிக்கை எடுப்பதாக கூறினார். பின், வேலூர் தெற்கு போலீசார் பரந்தாமன் கொடுத்த புகாரின் மீது வழக்கு பதிவு செய்து, செல்வியை தேடி வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை