ஒப்பந்த தொழிலாளர் 23 பேர் டிஸ்மிஸ்: பேச்சுவார்த்தை தோல்வியால் பரபரப்பு | Dinamalar

பொது செய்தி

தமிழ்நாடு

ஒப்பந்த தொழிலாளர் 23 பேர் டிஸ்மிஸ்: பேச்சுவார்த்தை தோல்வியால் பரபரப்பு

Added : ஜன 11, 2017
Advertisement
 
 
Advertisement
 
 
 
Advertisement

ஈரோடு: ஒப்பந்த தொழிலாளர்கள் டிஸ்மிஸ் தொடர்பாக நடந்த பேச்சுவார்த்தை, தோல்வியில் முடிந்தது.


பணி நிரந்தரம், பணி எண் வழங்க வேண்டும் என்பன உள்ளிட்ட கோரிக்கைகளை வலியுறுத்தி, ஈரோட்டில் அரசு ஒப்பந்த போக்குவரத்து தொழிலாளர்கள், காலவரையற்ற காத்திருப்பு போராட்டத்தில் ஈடுபட்டனர். சட்டசபை தொடர் விரைவில் துவங்க உள்ள நிலையில், எதிர்கட்சிகளுக்கு பிரச்னைகளை பேச வாய்ப்பு அளிக்க கூடாது என்பதால், போராட்டத்தில் ஈடுபட்ட, 263 பேர் நேற்று முன்தினம் கைது செய்யப்பட்டனர். அன்றிரவே அவர்கள் விடுவிக்கப்பட்டனர். இவர்கள் நேற்று காலை வழக்கம் போல் பணிக்கும் திரும்பினர். அதேசமயம், 23 பேரை டிஸ்மிஸ் செய்து, போக்குவரத்து நிர்வாகம் உத்தரவிட்டிருந்தது. அவர்கள் பணிக்கு திரும்ப முடியாத நிலை ஏற்பட்டது.


இதற்கிடையில் ஒப்பந்த தொழிலாளர் போராட்ட குழுவினரிடம், நிர்வாக தரப்பில் நேற்று காலை பேச்சுவார்த்தை நடந்தது. போராட்டம் நடத்திய நான்கு நாட்களை, பணி நாளாக ஏற்று பதிவு செய்ய வேண்டும். டிஸ்மிஸ் செய்த, 23 பேரை மீண்டும் பணியில் சேர்க்க வேண்டும் என்று கோரிக்கை விடுத்தனர். போக்குவரத்து அமைச்சரின் கவனத்துக்கு, பிரச்னை கொண்டு செல்லப்படும் என்று, நிர்வாக தரப்பில் தெரிவிக்கப்பட்டதால், முடிவு எட்டாமல் கூட்டம் முடிந்தது. இதுகுறித்து ஒப்பந்த தொழிலாளர்கள் கூறியதாவது: டிஸ்மிஸ் செய்த, 23 பேரை மீண்டும் அதே சீனியாரிட்டியில் பணிக்கு அழைக்க வேண்டும். தவறும்பட்சத்தில், 10 நாட்களுக்கு பின் மீண்டும் போராட்டத்தில் ஈடுபடுவோம். இவ்வாறு அவர்கள் கூறினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை