ஜல்லிக்கட்டு பாரத கலை - கலாச்சார விழா - மிருக வதை அல்ல: மகரிஷி பரஞ்சோதியார் உரை| Dinamalar

பொது செய்தி

தமிழ்நாடு

ஜல்லிக்கட்டு பாரத கலை - கலாச்சார விழா - மிருக வதை அல்ல: மகரிஷி பரஞ்சோதியார் உரை

Added : ஜன 19, 2017
Advertisement
 
 
Advertisement
 
 
 
Advertisement

"ஜல்லிக்கட்டு பாரத கலை , கலாச்சாரத்தைப் பிரதிபலிக்கவும் ஒரு வீர விளையாட்டு . இது மிருக வதை அல்ல. இந்த வீர விளையாட்டு இளைஞர்களின் வீரத்தை வெளிப்படுத்தும் விழா. ஜல்லிக்கட்டில் பங்கேற்கும் காளைகள் நன்கு பராமரிக்கப்படுகின்றன . நல்ல திடகாத்திரத்திற்கு உரிய உணவு கொடுக்கப்பட்டு , சுகாதாரமான சூழ்நிலையில் வளர்க்கப்படுகின்றன .இது ஒரு நன்றி தெரிவிக்கும் நிகழ்வு . காளைகள் எந்த நிலையிலும் துன்புறுத்தப் படுவது இல்லை கழுதைகள் மீது சுமை ஏற்றப்படுகிறது . குதிரைகள் பாரம் சுமக்கின்றன . மாடுகளை வெட்டிக் கறி விற்க அனுமதிக்கப் படுகிறது . ஆனால் கனிவுடன் பராமரிக்கப்பட்டு துணிவுடன் விளையாடும் வீர விளையாட்டுக்கு எதிர்ப்புத் தெரிவிப்பதும் தடை விதைப்பதும் சரியல்ல . நீதி அரசர்கள் பரிவுடன் பரிசீலித்து நல்லதொரு தீர்ப்பை வழங்க வேண்டும் " என திருமூர்த்தி மலை உலக சமாதான அறக்கட்டளை நிறுவனர் மகரிஷி பரஞ்சோதியார் , பரஞ்சோதிநகரில் நடைபெற்ற பொங்கல் விழாவில் அருளாசி உரை வழங்கிப் பேசுகையில் குறிப்பிட்டார் . விழாவில் அறங்காவலர்கள் திருச்சி எம் . சுப்பிரமணியம் , பொன்னுசாமி , மலேசியா சிவகுரு , சிங்கப்பூர் மூத்த பத்திரிகையாளர் வே . புருஷோத்தமன் உள்ளிட்ட பலர் வாழ்த்துரை வழங்கினர்.
பொதுச் செயலர் கே . எஸ் . சுந்தரராமன் வரவேற்புரை ஆற்றினார் .முன்னதாக சிங்கப்பூர், மலேசியா , இந்தியா எனது தனித்த தனி பொங்கல் பானைகள் வைக்கப்பட்டு பொங்கல் வைக்கப்பட்டது . தளி பேரூராட்சித் தலைவி தொடக்கி வைத்தார் . முத்துகிருஷ்ணன் பூஜை செய்து தீபாராதனை காட்டினார் . ஆண்களும் பெண்களும் குலவை கூறி , பொங்கலோ பொங்கல் என்று முழங்கினார் .பின்னர் திருமூலர் அரங்கில் பொங்கல் சிறப்புக் கூட்டம் சிங்கப்பூர் வே. புருஷோத்தமன் தலைமையில் நடைபெற்றது . மெய்ஞ்ஞானாசிரியர் கிருஷ்ணன் வரவேற்புரை ஆற்றினார் மலேசியா சிவகுரு, சிங்கப்பூர் லட்சுமணதாஸ் , இயற்கை மருத்துவர் சேலம் அப்பன் , கவிஞர் வாழவாடி கிருஷ்ணசாமி முதலானோர் உரையாற்றினார் . பொதுச் செயலர் கே. எஸ் . சுந்தரராமன் நிறைவுரை ஆற்றினார். குரு கீதத்துடன் தொடங்கிய விழா நன்றி உரையுடன் நிறைவு பெற்றது

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X