தனித்தமிழ்நாடு, மோடி எதிர்ப்பு , ஆபாசவார்த்தை; திசைமாறும் ஜல்லிக்கட்டு போராட்டம்: ஹிப்ஹாப் ஆதி திடுக்| Dinamalar

பொது செய்தி

தமிழ்நாடு

தனித்தமிழ்நாடு, மோடி எதிர்ப்பு , ஆபாசவார்த்தை; திசைமாறும் ஜல்லிக்கட்டு போராட்டம்: ஹிப்ஹாப் ஆதி திடுக்

Updated : ஜன 22, 2017 | Added : ஜன 22, 2017 | கருத்துகள் (270)
Advertisement
 
 
Advertisement
 
 
dinamalar-advertisement-tariff-2018
 
Advertisement
Advertisement
திசைமாறும் ஜல்லிக்கட்டு போராட்டம்: ஹிப்ஹாப் ஆதி திடுக்

சென்னை: ஜல்லிக்கட்டுக்காக துவங்கிய போராட்டம் தற்போது திசைமாறுவது அதிர்ச்சி அளிப்பதாகவும், இந்த போராட்டத்தில் பல தரப்பு நோக்கம் கொண்ட குழுக்கள் புகுந்துள்ளதாகவும் , தாம் இதில் இருந்து விலகுவதாகவும், பிரபல இசை அமைப்பாளர் ஹிப்ஹாப் ஆதி திடுக் தகவல் வெளியிட்டுள்ளார். இவர் ஆரம்ப காலம் முதல் ஜல்லிக்கட்டுக்காக பேராடுவதில் இவருடைய முக்கிய பங்கும் இருந்தது என்பது குறிப்பிடத்க்கது. இது தொடர்பாக அவர் பேஸ்புக்கில் பதியபபட்டுள்ள வீடியோவில் கூறியிருப்பதாவது:


ஜல்லிக்கட்டு மெரினா போராட்டத்தில் நானும் பங்கேற்றேன். அடையாளம் தெரியாத கும்பல் சிலர் வருகின்றனர். ஆளுக்கு ஒரு கோஷங்கள் எழுப்புகின்றனர். ஜல்லிக்கட்டு போராட்டத்தின் நோக்கத்தை சிதைக்க சிலர் சதி செய்கின்றனர். போராட்டத்தை திசை திருப்ப சில அமைப்புகள் முயற்சி செய்கின்றன. சிலர் தனித்தமிழ்நாடு பேனரை வைத்து போராட்டம் செய்கின்றனர். தொடர் போராட்டங்களில் முதல் இரண்டு நாட்கள் நான் அலங்காநல்லூர், சென்னை, கோவையிலெல்லாம் நான் இருந்தேன்.


தேசியக் கொடியை கீழே போட்டு.,

ஏனென்றால் இது அறப்போராட்டங்களாக நடந்தது. ஆனால் கோவையில் நடந்த சில சம்பவங்கள் என்னை மனம் வருந்தச் செய்தது. அங்கே சிலர் திடீரென வந்து எங்க பகுதியில் வந்து பேசுங்க என்றார்கள். என்ன என்று பார்த்தால் அங்கே தேசியக் கொடியை கீழே போட்டு அவமதித்து, இந்தியா என்று கேவலப்படுத்திப் பேசிக்கொண்டிருந்தார்கள்.தேசிய விரோத செயலுக்கு நான் ஒருபோதும் துணை போக மாட்டேன்.அதை அவர்களிடம் தெளிவா சொல்லி விட்டேன். உடனே, “ஹிப்ஹாப் தமிழா நீ உண்மையான தமிழனா இருந்தா இங்கே வந்து போராடு”ன்னு சொல்றாங்க. இன்னொருத்தர், “மத்திய அரசு ஹிந்துக்களுக்கே முன்னுரிமை தருகிறது. இஸ்லாமியர்களுக்கு தரவில்லை” என்றெல்லாம் பேசுகிறார்கள். இதெல்லாம் எனக்கு ஒப்புமை இல்லை. கடந்த ஒருவருடமாக நான் ஜல்லிக்கட்டுக்கு ஆதரவாக பேசிக் கொண்டிருக்கிறேன். ஆனால் என்னை பீட்டாவுடன் இணைத்து கெட்ட வார்த்தைகளைக் கொண்டு எழுத ஆரம்பித்தார்கள்.குடும்பப் பெண்கள் உள்ள இடத்தில் திடீரென சில கும்பல்கள் வந்து மோடி, தனித்தமிழ்நாடு என்றெல்லாம் பேசி கூடவே தகாத வார்த்தைகளைப் பேசினார்கள். மனம் வருந்தி நான் அங்கிருந்து கிளம்பி மதுரைக்கு வந்து விட்டேன். அதன் பிறகு பார்த்தால் ஒவ்வொரு இடத்திலும் இதே போல நடந்து கொண்டிருக்கிறது. “பெப்ஸி, கோக் தடை செய்யவில்லையென்றால் நான் செத்து விடுவேன்” என்கிறான். நீ ஏன் வாங்குற? எதற்காக போராடுகிறோம் என்று தெரியாமல் திசை திரும்பி விட்டது.


ஆபாச வார்த்தைகளில் திட்டுவதா ?

அடையாளம் தெரியாதவர்கள் வருகிறார்கள். பேசுகிறார்கள் அவர்கள் எங்கிருந்து வந்தனர். பெப்சி குறித்து பேசுகின்றனர். தேசிய கொடியை எரிக்க வேண்டும் என்றனர். யார் என தெரியவில்லை. சிலர் நீங்கள் கிளம்புங்கள் என கூறியதை அடுத்து நான் கிளம்பினேன். தேச விரோத செயல்களில் ஒரு போதும் ஈடுபட மாட்டேன். தேச தலைவர்களை ஆபாச வார்த்தைகளில் திட்டுவது நல்ல நோக்கமாகாது. சமூக விரோத கும்பல்கள் போராட்டத்தில் ஊடுருவியுள்ளனர். தனித்தமிழ்நாடு, மோடி எதிர்ப்பு என போராட்டத்தை திசை திருப்பக்கூடாது. நான் எமோஷனலாக பாதிக்கப்பட்டிருக்கிறேன். உண்மையான தீர்வு வேண்டுமென்றால் பத்து வருடமாக இந்தப் பிரச்னையை எதிர்கொண்டு வரும் ராஜசேகர் ஐயா, சேனாதிபதி ஆகியோர் சொல்வதைக் கேளுங்கள். அன்பான வேண்டுகோள். நன்றி. இவ்வாறு அவர் கூறியுள்ளார்.

Advertisement




வாசகர் கருத்து (270)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Vetri Vel - chennai,இந்தியா
28-ஜன-201701:00:30 IST Report Abuse
Vetri Vel ஆதி நீ ஒரு அரசியல் கை கூலி ... காட்டிக்கொடுத்து.. தமிழர் போராட்டத்தை கொச்சை படுத்தி விட்டாய் ... உன் வேலை முடிந்து விட்டது... நீயும் ஒரு வட நாடனின் அடிவருடி னு நிரூபிச்சிட்டாய் ... ஒரு குஜராத் கும்பலின் சூட்சிக்கு உன் தன்மானத்தை அடமானம் வைத்துவிட்டாயே... நீயும் ஒரு தமிழனாய்... வெட்கப்படவேண்டும்...
Rate this:
Share this comment
Cancel
skandh - chennai,இந்தியா
24-ஜன-201723:11:12 IST Report Abuse
skandh ஆதி சொல்வது உண்மை. பாட்டாளி மக்கள் கட்சியின் அனுதாபியான ஒருவர் நேரிடையாக பார்த்து சொன்னது.இன்னும் ஏன் தயக்கம் காவல் துறைக்கு என்று தெரியவில்லை .
Rate this:
Share this comment
Cancel
tamilan - kovai,இந்தியா
24-ஜன-201711:48:29 IST Report Abuse
tamilan ஆதி, நீங்க அவ்வளவு பணம் வாங்குனீங்க. தீய சக்தியும் கிடையாது ஒரு மண்ணும் கிடையாது.நீ சொன்னதை வைத்துதான் போலீஸ் பிளான் செய்து தேச துரோகி உள்ள வந்து விட்டது என்று லத்தி சார்ஜ் செய்தாங்க. போலிஸ்க்கே பிளான் போட்டு குடுத்த மகான் நீ. நீ டிவி யில் உன் முகத்தை காட்டாமல் இருந்தால் இது ஒரு அழாகான போராட்டம் அழகாக முடிந்திருக்கும்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X