4 பேருக்கு கொடுத்த தண்டனை நாட்டுக்கு படிப்பினை: விவசாயிகள் சங்கங்களின் கூட்டமைப்பு விளக்கம்| Dinamalar

பொது செய்தி

தமிழ்நாடு

4 பேருக்கு கொடுத்த தண்டனை நாட்டுக்கு படிப்பினை: விவசாயிகள் சங்கங்களின் கூட்டமைப்பு விளக்கம்

Added : பிப் 17, 2017
Advertisement
 
 
Advertisement
 
 
Advertisement

ஈரோடு: 'உச்சநீதிமன்றத்தில், நான்கு பேருக்கு கொடுத்த தண்டனை, நாட்டுக்கு படிப்பினை' என்று, விவசாயிகள் சங்கங்களின் கூட்டமைப்பு கருத்து தெரிவித்துள்ளது.
கூட்டமைப்பு செயலாளர் நல்லசாமி வெளியிட்டுள்ள அறிக்கை:சொத்து குவிப்பு வழக்கில், கீழமை நீதிமன்ற நீதிபதி குன்ஹா மிகத்தெளிவாக, ஜெயலலிதா, சசிகலா, இளவரசி, சுதாகரன் ஆகியோருக்கு தலா, நான்கு ஆண்டு சிறை தண்டனை, அபராதம் விதித்தார். மேல் முறையீட்டு நீதிமன்ற நீதிபதி குமாரசாமி, நால்வரையும் விடுவித்து தீர்ப்பளித்தார். உச்சநீதிமன்றம், குமாரசாமி தீர்ப்பை நிராகரித்து, குன்ஹா வழங்கிய தீர்ப்பை உறுதி செய்தது. ஜெயலலிதா இறந்துவிட்டதால், தண்டனையில் இருந்து அவர் தப்பித்துக் கொண்டார். ஆனாலும், அபராதம் உள்பட அந்த நான்கு பேருக்கும் கொடுத்திருக்கும் தண்டனை, நாட்டில் உள்ளோருக்கு கிடைத்திருக்கும் படிப்பினையாகும். ஒரு பானை சோற்றுக்கு, ஒரு சோறு பதம் என்பதுபோல, ஆட்சியாளர்கள், அரசியல்வாதிகளின் நிலையை இந்த தீர்ப்பு விளக்கி உள்ளது. கரும்புள்ளி இல்லாத, பெரும் புள்ளியை அரசியலில் காண முடியாது. இதுபோன்ற தண்டனை கொடுப்பதன் நோக்கம், குற்றம் செய்தவர்கள் மீண்டும் இத்தகைய குற்றத்தை செய்யக்கூடாது என்பதற்காகவும், இதை பார்ப்பவர்கள், கேட்பவர்கள் உள்ளங்களில் இத்தகைய குற்ற எண்ணங்கள் வந்துவிடக்கூடாது என்பதற்காகவும் வழங்கப்படுகிறது. இதை நாட்டு மக்கள் வரவேற்றுள்ளனர். இவ்வாறு அவர் கூறியுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை