63 ஆண்டுகளுக்கு பின் சேலத்தை சேர்ந்தவர் தமிழக முதல்வர்| Dinamalar

பொது செய்தி

தமிழ்நாடு

63 ஆண்டுகளுக்கு பின் சேலத்தை சேர்ந்தவர் தமிழக முதல்வர்

Added : பிப் 17, 2017
Advertisement
 
 
Advertisement
 
 
Advertisement

சேலம்: ராஜாஜிக்கு பின், சேலம் மாவட்டத்தில் இருந்து, மீண்டும் ஒருவர், தமிழக முதல்வர் ஆகியுள்ளார்.
சுதந்திர இந்தியாவின் மூத்த மற்றும் முக்கிய தலைவராக விளங்கியவர் ராஜகோபாலாச்சாரி எனும் ராஜாஜி. அவர், 1878ல், அப்போதைய ஒருங்கிணைந்த சேலம் மாவட்டமாக இருந்த தொரப்பள்ளியில்(தற்போது கிருஷ்ணகிரி மாவட்டம்) பிறந்தார். ஓசூரில் பள்ளி படிப்பை முடித்து, சென்னையில் சட்டம் படித்து, அரசியலில் களமிறங்கினார். சேலம் நகராட்சி உறுப்பினர், தலைவராக பதவி வகித்தவர். காங்., சார்பில், வெள்ளையர்களுக்கு எதிரான போராட்டங்களில் தலைமை வகித்தார். சுதந்திரத்துக்கு பின், 1947 முதல், 48 வரை, மேற்கு வங்க கவர்னர், 1948 முதல், 50 வரை, இந்திய கவர்னர் ஜெனரல், 1951 முதல், 52 வரை உள்ளாட்சி அமைச்சர், 1952 முதல், 54 வரை தமிழக முதல்வராக பதவி வகித்துள்ளார். 1959ல், காங்., கட்சியில் இருந்து வெளியேறி, சுதந்திரா கட்சியை துவக்கி நடத்தி வந்தார். பின், தமிழகத்தில் அண்ணாதுரை, கருணாநிதி, எம்.ஜி.ஆர்., ஜானகி, ஜெயலலிதா, பன்னீர்செல்வம் என, முதல்வர் பெயர் பட்டியல் நீண்டபோதும், சேலம் மண்டல பகுதியில் இருந்து சென்றவர்கள் பெயர், அதில் இடம்பிடிக்கவில்லை.

கடந்த, 63 ஆண்டுகளுக்கு பின், சேலம் மாவட்டத்தை சேர்ந்த இடைப்பாடி பழனிசாமி, தற்போது, தமிழக முதல்வராக தேர்வு செய்யப்பட்டுள்ளார். கடந்த காலங்களில், எம்.எல்.ஏ.,- எம்.பி., அமைச்சர் என, பல்வேறு பதவிகளில் இடம்பிடித்திருந்த அவர், தற்போது, தமிழக உயர் பதவியான முதல்வர் பதவியில் அமர்ந்துள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை