இமயத்தின் காதலர் ரமணன்...| Dinamalar

இமயத்தின் காதலர் ரமணன்...

Updated : பிப் 22, 2017 | Added : பிப் 22, 2017 | கருத்துகள் (1)
Advertisement
 
 
Advertisement
 
 
 
Advertisement
Advertisement

இமயத்தின் காதலர் ரமணன்...


தெரியாமல் சிரித்த ஒரு சிரிப்பால் நாட்டின் தலைவிதியே மாறிப்போயிருக்கும் சூழ்நிலையில் ஆகச்சிறந்த தனது சொற்பொழிவுகளால் தானும் சிரித்து மற்றவர்களையும் சிரிக்கவும் சிந்திக்கவும் வைப்பவர்தான் இசைக்கவி ரமணன்.
இவரை பேட்டி காண சென்னை ட்ரஸ்ட்பாக்கத்தில் உள்ள இவரது வீட்டிற்கு சென்றது மறக்கமுடியாத அனுபவம்.இருந்த இரண்டு மணிநேரமும் இவரும் இவருடைய துணைவியார் அனுராதாவும் போட்டி போட்டுக்கொண்டு பேசி சிரித்தனர்,சிரிக்கவைத்தனர்.


குறளிருக்க குறையொன்றுமில்லை,கொஞ்சம் கவிதை கொஞ்சம் தேநீர்,உனக்குள் ஒருவன்,தமிழ் அமுது என்று ஏதோ ஒரு தலைப்பில், ஏதோ ஓரு இடத்தில் அல்லது தொலைக்காட்சியில் பேசிக்கொண்டு இருக்கிறார்.இதற்கு மரபின் மைந்தன் முத்தையா,கிருஷ்ணா சுவீட்ஸ் கிருஷ்ணா,முரளி உள்ளீட்டோர் நன்றிக்குரியவர்கள் என்கிறார் அழுத்தமாக.

இவருடைய சொற்பொழிவு எது மாதிரியும் இல்லாத புதுமாதிரியானது.எந்த தலைப்பில் பேசினாலும் நகைச்சுவைக்கு குறைவிருக்காது.இவர் பேசும் போது பார்யைாளர்களும் சேர்ந்து பேசுகின்றனர்,கேள்வி கேட்கின்றனர்,கருத்தை பதிகின்றனர்,பகிர்கின்றனர். அன்பும் அக்கறையும் கொண்ட எதையும் எதிர்பாரத ஒரு தோழமையான பேச்சு அவருடையது ஒரே வித்தியாசம் தோள் மீது கைபோட்டுப் பேசாமல் மைக் முன் அமர்ந்து பேசுகிறார். நுாற்றுக்கணக்கான புத்தகங்கள் எழுதியுள்ளார், தன் மகன்களோடு பாடிய,பேசிய சிடிக்களும் வெளியிட்டுள்ளார்.சொற்பொழிவிற்காக அமெரிக்கா உள்ளீட்ட பல நாடுகளுக்கு பயணம் மேற்கொண்டவர்.

பதவி உயர்வு, லகரங்களில் சம்பளம் என்ற நிலை வந்தபோது, போதும் இந்த உப்பு,புளி,பொல்லாப்பு வாழ்க்கை என்று முடிவெடுத்து பத்து வருடத்திற்கு முன்பாகவே விசாகப்பட்டினத்தில் வாழ்ந்த ஸ்ரீ சிவானந்த மூர்த்தியை குருவாக ஏற்று சரணனடைந்தவர்.தற்போது தனது எல்லா அடையாளங்களையும் தவிர்த்துவிட்டு தமிழ்க்கவிஞன் என்ற ஒற்றை அடையாளத்தை மட்டும் தாங்கிக்கொண்டு எளிமையாக வாழ்பவர்.

தேசத்தை பார்,தேசத்தை பாடு என்று குருநாதர் காட்டிய வழியில் ஒரு தேசாந்திரியாக பாரதம் எங்கும் சுற்றியவர்.அந்த அனுபவத்தைதான் தற்போது சொற்பொழிவில் சாறு பிழிந்து தருகிறார், கேட்க கேட்க திகட்டுவது இல்லை.
இப்படி இவர் இமயம் முதல் குமரிவரை பயணம் மேற்கொண்டவர் என்றாலும் இமயம் இவரை பிடித்துக்கொண்டதா? அல்லது இவருக்கு இமயம் பிடித்துக்கொண்டதா? என்று சொல்லமுடியாத அளவு இமயத்திற்கு அடிக்கடி பயணப்படக்கூடியவர்.இதுவரை 31 முறை பயணம் செய்திருக்கிறார் இதோ 32வது முறையாக கிளம்பிக்கொண்டு இருக்கிறார்.


அதற்கு அவர் வெளியிட்டுள்ள இமயம் என்ற புத்தகத்தில் பல காரணங்களை சொல்லியுள்ளார்.அவற்றில் சில
இந்தியனுக்கு இமயம் வெறும் மலையன்று,இறையுறையும் திருக்கோவில்,ஆன்மீகத் தலைவாசல்,ஞானப் பாசறை,யோகத்தின் கொட்டடி,பக்திக்கு தொட்டில்,மனிதநேயத்தின் ஊற்று,எழிற்கொள்ளை,கற்பனைகளுக்கு அடங்கா களஞ்சியம்,கவிதைக்கு சவால்,உருவாய்த்தோன்றும் அருவத்தின் ஜாலம்,நில்லாமல் நிகழ்கின்ற கூத்து,பிரமிப்பின் உச்சம்,கம்பீரத்தின் முழுவடிவம்,கடவுளே வியக்கும் அழகு.

ஒவ்வொரு முறை திரும்பி வந்த போதும்,மறுமுறை எப்போது வாய்க்கும் என்று ஏங்கவைப்பதே இமயம்.கண்வழியே கன்னமிட்டு உயிரையெல்லாம் தனதாக்கி எண்ணமெல்லாம் தன்வண்ணமாக்கும் மாயக் காதலின் மகத்தான தலைநகரம் இமயம்.ஜாகேஷ்வர், பத்ரி, கேதார், ஹிமாசல், லடாக், அருணாசல், திருக்கயிலை, அமர்நாத் போன்ற இடங்கள் ஒவ்வொரு இந்தியனும் காணவேண்டிய பக்தி பரவசம்தரும் இடங்களாகும்.
இவருக்குள் ஒரு நல்ல புகைப்படக்கலைஞரும் இருக்கிறார் இதன் காரணமாக இமயத்தில் இவர் ரசித்து எடுத்த மலர்கள், மலைகள், முகம்காட்டும் முகடுகள், தெளிந்த நீரோடைகள், கோவில்களின் படங்களை நாமும் பார்த்து ரசிக்கமுடிகிறது.இந்த பகுதியில் அவற்றில் சில படங்களை நீங்களும் பார்த்து ரசிக்கலாம்.


இமயத்திற்கான பயணம்,அவரது நுால்கள் ,அவரது சொற்பொழிவுகள் ,?அவர் எடுத்த புகைப்படங்கள் என்று எதைப்பற்றி வேண்டுமானாலும் கேட்டு தெளிவு பெறலாம் அவரது எண்;9940533603.Email : tavenkateswaran@gmail.com
எல்.முருகராஜ்

murugaraj@dinamalar.in

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
A.sivagurunathan - coimbatore,இந்தியா
22-பிப்-201719:38:48 IST Report Abuse
A.sivagurunathan இவரை பற்றி படிக்கும் போது, இவரது பேச்சை கேட்க ஆவல் துாண்டுகிறது. கோவைக்கு ஏதேனும் நிகழ்ச்சிக்கு வரும்போது தகவல் அளித்தால் கூடுதல் மகிழ்ச்சி. நன்றி
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை