முதல்வராக பரீக்கர் இன்று பதவியேற்பு கோவாவில் மீண்டும் பா.ஜ., ஆட்சி Dinamalar
பதிவு செய்த நாள் :
முதல்வராக பரீக்கர் இன்று பதவியேற்பு
கோவாவில் மீண்டும் பா.ஜ., ஆட்சி

பனாஜி,:எந்த கட்சிக்கும் தனிப் பெரும்பான்மை கிடைக்காத கோவாவில், சிறு கட்சிகள் மற்றும் சுயேச்சைகளின் ஆதரவுடன், பா.ஜ., மீண்டும் ஆட்சி அமைக்கிறது. முதல்வராக, மனோகர் பரீக்கர், இன்று மாலை பதவியேற்கிறார். இதற்காக, ராணுவ அமைச்சர் பதவியை, அவர் நேற்று
ராஜினாமா செய்தார்.

கோவா  மீண்டும் பா.ஜ., ஆட்சி

முதல்வர் லட்சுமிகாந்த் பர்சேகர் தலைமையிலான, பா.ஜ., ஆட்சி நடக்கும் கோவா உட்பட, ஐந்து மாநிலங்களுக்கு சட்டசபை தேர்தல் நடந்தது.
இதில், 40 தொகுதிகள் உடைய கோவாவில், 17 தொகுதிகளில் வெற்றி பெற்று, காங்., தனிப் பெரும் கட்சியாக இருந்தது. அதே நேரத்தில், 13 தொகுதிகளில் வென்ற, பா.ஜ., மற்ற சிறு கட்சிகள் மற்றும் சுயேச்சைகளின் உதவியுடன் ஆட்சி அமைக்கிறது.
நேற்று முன்தினம், கவர்னர் மிருதுளா சின்ஹாவை சந்தித்து, ஆட்சி அமைக்க, பா.ஜ., கோரிக்கை வைத்தது. அதை ஏற்ற கவர்னர், ஆட்சி அமைக்க அழைப்பு விடுத்தார். 'பதவியேற்ற பின், 15 நாட்களில் பெரும்பான்மையை நிரூபிக்க வேண்டும்' என்றும், கவர்னர் உத்தரவிட்டு உள்ளார்.

மீண்டும் முதல்வர்



முன்னதாக நடந்த, பா.ஜ., - எம்.எல்.ஏ.,க்கள் கூட்டத்தில், முதல்வராக இருந்த பர்சேகர் தோல்வி அடைந்ததால், புதிய முதல்வர் குறித்து விவாதிக்கப்பட்டது.
கட்சி எம்.எல்.ஏ.,க்கள் மற்றும் ஆதரவு தரும் மஹாராஷ்டிரவாதி கோமந்தக் கட்சி, கோவா

பார்வர்டு கட்சி மற்றும் இரண்டு சுயேச்சைகள், கோவா முன்னாள் முதல்வரும், ராணுவ அமைச்சருமான, மனோகர் பரீக்கரே மீண்டும் முதல்வராக வேண்டும் என, வலியுறுத்தினர்.
அதன்படி, மனோகர் பரீக்கர் தலைமையிலான, பா.ஜ., அரசு, இன்று மாலை, 5:00 மணிக்கு பதவியேற்க உள்ளது. இதற்காக, ராணுவ அமைச்சர் பதவியை, பரீக்கர், நேற்று ராஜினாமா செய்தார்.இதை, ஜனாதிபதி பிரணாப் முகர்ஜி ஏற்றார்.

பரீக்கர்: ஒரு பார்வை


கோவாவைச் சேர்ந்த, மனோகர் பரீக்கர், 61, மும்பை ஐ.ஐ.டி.,யில், இன்ஜி., படித்தவர். 2000 - 2002 மற்றும் 2002 - 2005 வரை, கோவா முதல்வராக பணியாற்றி உள்ளார். அதன்பின், 2012ல், மீண்டும் கோவா முதல்வராக தேர்ந்தெடுக்கப்பட்டார். இதற்கிடையே, மத்தியில், பா.ஜ., அரசு அமைந்ததும், 2014ல், மத்திய ராணுவ அமைச்சராக அவர் நியமிக்கப்பட்டார்.
மொத்தமுள்ள, 40 தொகுதிகளில், 13 இடங்களில் வென்ற, பா.ஜ.,வுக்கு, மஹாராஷ்டிரவாதி கோமந்தக் கட்சி மற்றும் கோவா பார்வர்டு கட்சியின், தலா மூன்று, எம்.எல்.ஏ.,க்கள் ஆதரவளித்து உள்ளனர்.
இது தவிர, பா.ஜ., ஆதரவு பெற்ற சுயேச்சை, எம்.எல்.ஏ., கோவிந்த கவுடா, மற்றொரு சுயேச்சை, எம்.எல்.ஏ.,வான ரோஹன் காந்தே ஆகியோரும் ஆதரவு தெரிவித்து உள்ளனர். அதன்படி, 21 எம்.எல்.ஏ.,க்கள் ஆதரவு, பா.ஜ.,வுக்கு கிடைத்துள்ளது.

ஜெட்லியிடம் மீண்டும் ராணுவ அமைச்சகம்


கோவா முதல்வராக பதவியேற்கஉள்ளதால், மத்திய அமைச்சர் பதவியில் இருந்து மனோகர் பரீக்கர் ராஜினாமா செய்தார். அதைத் தொடர்ந்து, அவர் கவனித்து வந்த ராணுவத் துறையை, நிதி அமைச்சர் அருண் ஜெட்லி கூடுதலாக கவனிப்பார் என, அறிவிக்கப்பட்டுள்ளது.இதுகுறித்து, ஜனாதிபதி மாளிகை வெளியிட்டுள்ள செய்தியில்

Advertisement


கூறியுள்ளதாவது:ராணுவ அமைச்சர் மனோகர் பரீக்கரின் ராஜினாமாவை, பிரதமர் மோடியின் பரிந்துரைப்படி, ஜனாதிபதி பிரணாப் முகர்ஜி ஏற்றுக் கொண்டார்.
பிரதமரின் பரிந்துரைப்படி, ராணுவ அமைச்சர் பொறுப்பை, மத்திய நிதியமைச்சர், அருண் ஜெட்லி கூடுதலாக கவனிப்பார்.இவ்வாறு அந்த செய்தியில் கூறப்பட்டுள்ளது.பிரதமர் மோடி தலைமையிலான மத்திய அரசு அமைந்ததும், 2014, மே, 26 முதல், நவ., 9 வரை, நிதி மற்றும் ராணுவ அமைச்சராக அருண் ஜெட்லி இருந்தார்.


சுப்ரீம் கோர்ட்டில் காங்., வழக்கு


கோவாவில், பா.ஜ.,வை ஆட்சி அமைக்க, கவர்னர் அழைப்பு விடுத்ததற்கு எதிராக, காங்., தாக்கல் செய்த மனுவை, சுப்ரீம் கோர்ட், அவசர வழக்காக விசாரிக்க உள்ளது.
கோவா மாநில காங்., தலைவர் சந்திரகாந்த் கவ்லேகர், சுப்ரீம் கோர்ட்டில் தாக்கல் செய்த மனுவில், 'தேர்தலில், தனிப் பெரும் கட்சியாக, காங்., உருவெடுத்துள்ளது. அப்படி இருக்கையில், பா.ஜ., ஆட்சி அமைக்க, கவர்னர் அழைப்பு விடுத்துள்ளார்; இது, சட்டவிரோதம்' எனக் கூறப்பட்டுள்ளது. இந்த மனுவை, அவசர வழக்காக விசாரிக்க சுப்ரீம் கோர்ட் ஒப்புக் கொண்டுள்ளது. இதற்காக, சிறப்பு அமர்வு அமைக்கப்பட்டு, இன்று, விசாரணை நடத்தப்பட உள்ளது.


Advertisement

Advertisement

மேலும் முதல் பக்க செய்திகள்:



வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Pugazh V - Coimbatore / Cochin,இந்தியா
14-மார்-201715:12:40 IST Report Abuse

Pugazh VRK நகர் கிடைத்த தேர்தலுக்கு ஸ்டாலின் அனைத்துக் கட்சிக்கு ஆதரவு கேட்டதுக்கு பாத்திரத்துடன் கதவு தட்டற மாதிரி கார்ட்டூன் போடுகிறார்கள். கோவாவில் மோடி அல்லது பாரிக்கர் கையில் தட்டுடன் எம் எல் ஏக்களின் வீட்டு வீடாக போவது பொழப்பு படம் போடுவார்களா? அது எப்படி? அவர்கள் வட நாட்டினராச்சே, எஜமான்களாச்சே, போடலாமா? தமிழ்நாட்டை தான் கேவலப் படுத்தனும்

Rate this:
pmrani - Delhi,இந்தியா
14-மார்-201715:06:35 IST Report Abuse

pmraniதமிழகத்தில் உள்ள மக்களுக்கு வெளி உலக அறிவும் நடைமுறையும் தெரிந்து இருக்க வாய்ப்பில்லை. தமிழக செய்திகளை அறிந்துகொண்டு கருத்து எழுதுபவர்கள் மற்ற மாநிலங்கள் மற்றும் மத்திய அரசு பற்றிய கருத்துக்களை கூறாமல் இருப்பது நல்லது. இன மத மற்றும் மொழி சகிப்புத்தன்மை இல்லாதவர்கள் கூறும் கருத்துக்களை தினமலர் தவிர்த்து இது ஒரு படித்த மற்றும் அறிந்தவர்கள் கருத்துக்கூறும் இடமாக மாற்றவேண்டும்.

Rate this:
Karuthukirukkan - Chennai,இந்தியா
14-மார்-201714:26:21 IST Report Abuse

Karuthukirukkanகோவா இல்லை இது கோவுத்தூர் பிஜேபி வெர்சன்

Rate this:
Indian Sandwalker - chenai,இந்தியா
14-மார்-201709:15:54 IST Report Abuse

Indian Sandwalkerகாங்கிரசுக்கு எதிரா இன்னும் ஒரு கேஸ் கூட நிரூபிக்க முடியல தி மு க காமராஜருக்கு எதிரா சொன்னதை மாதிரி இதையும் ஏன் எடுத்துக்க கூடாது? நடு ரோட்டில நின்னதை மறந்திட்டு, மோடிக்கு எப்படி வாழ்த்து சொல்றாங்க? BJP SHOULD PROVE..

Rate this:
14-மார்-201710:49:25 IST Report Abuse

DesaNesanOk. Not a single corruption case is proved against DMK. So you will call DMK as a party of Mahathmas.Good joke...

Rate this:
Dinesh Pandian - Hyderabad,இந்தியா
14-மார்-201708:53:18 IST Report Abuse

Dinesh Pandianகோவா வில் பெட்ரோல் விலை அறுபது ருபாய் காரணம் முன்பு ஆண்டு வந்த பாரிக்கர் . இப்போ சொல்லவும் அவர் நடத்தியது மக்கள் விரோத ஆட்சியா?

Rate this:
&2949&2986&3021&2986&3009&2965&3009&2975&3021&2975 - chennai ,இந்தியா
14-மார்-201705:30:43 IST Report Abuse

&2949&2986&3021&2986&3009&2965&3009&2975&3021&2975பெரும்பான்மை மக்கள் வேண்டாம் என்று சொன்னவர்கள் ஆட்சி பீடத்தில். அட கேடு கெட்ட ஜனநாயகமே. பி ஜே பி க்கு கொஞ்சமாவது சூடு சொரணை இருந்தால் மக்கள் நம்மை விரும்ப வில்லை என்று வெளியேறி இருக்க வேண்டும். அது ஒரு விளம்பர கட்சி

Rate this:
தேச நேசன் - Chennai,இந்தியா
14-மார்-201707:50:17 IST Report Abuse

தேச நேசன் 1952 லிருந்து பார்லிமென்ட் தேர்தல்களில் எந்தத் தனிப்பட்ட கட்சிக்கும் ஒரே ஒரு முறைகூட மெஜாரிட்டி வாக்குகள் விழவில்லை அப்போ இத்தனை ஆண்டுகள் மெஜாரிட்டி மக்கள் எதிர்த்தவர்களே ஆட்சி செய்தனரா? எலலாமே சட்டவிரோத ஆட்சிகளா? சட்டசபைக்குள் கட்சிப்பார்த்து முதல்வரை நியமிப்பதிலால் எந்த தனிநபருக்கு மெஜாரிட்டி உறுப்பினர்களின் ஆதரவு இருக்கிறதோ அவரைத்தான் கவர்னர் ஆட்சியமைக்க அழைக்கிறார் பாரிக்கர் தனக்கு மெஜாரிட்டி உறுப்பினர்கள் ஆதரவளிப்பதை பட்டியலுடன் கவர்னரிடம் காட்டிவிட்டார் காங்கிரசும் அதுவரை ஆட்சியமைக்கக் கோரவில்லை பட்டியலும் பொய்யென கூறமுடியவில்லை கொஜ்ம பிராக்டிகலாக நினைத்துப்பாருங்கள்...

Rate this:
Dinesh Pandian - Hyderabad,இந்தியா
14-மார்-201708:55:48 IST Report Abuse

Dinesh Pandianகாங்கிரஸ் விட நாலு சதவீதம் அதிகம் பிஜேபி வோட் கிடைத்துள்ளது...

Rate this:
Kalyanaraman S - Bangalore,இந்தியா
14-மார்-201710:25:13 IST Report Abuse

Kalyanaraman Sமுன்பொருகாலத்தில் (அதாவது 1996ல்) நமக்கு தெரிந்த ஒரு கட்சி வோட்டிலும் சீட்டிலும் மைனாரிட்டி நிலைமையில் தமிழ்நாட்டை ஐந்து வருடம் ஆண்டது...

Rate this:
Kasimani Baskaran - Singapore,சிங்கப்பூர்
14-மார்-201704:40:09 IST Report Abuse

Kasimani Baskaranபாரிக்கர் தனது எளிமையான, எல்லோரும் ஏற்றுக்கொள்ளக்கூடிய அணுகுமுறையால் எல்லோரையும் தன் பக்கம் ஈர்க்கும் ஆற்றல் பெற்றவர்.. காங்கிரஸ் MLA க்கள் கூட அவருக்கு ஆதரவு கொடுப்பார்கள்...

Rate this:
வெகுளி - Maatuthaavani,இந்தியா
14-மார்-201701:08:45 IST Report Abuse

வெகுளிஇதில் பா.ஜ. க வுக்கு பெருமையில்லை......முதலில் வந்த காங்கிரசைத்தான் ஆட்சியமைக்க முதலில் கவர்னர் அழைத்திருக்க வேண்டும்......

Rate this:
தேச நேசன் - Chennai,இந்தியா
14-மார்-201707:40:56 IST Report Abuse

தேச நேசன் வெகுளி ரொம்ப வெகுளியாக எழுதுகிறீர்கள் காங்கிரஸ் தனக்கு ஆட்சியமைக்கும் உரிமையைக் கேட்குமுன்பே பாஜக தனது ஆதரவு மெஜாரிட்டி எல் எல் ஏக்களின் பட்டியலுடன் கவர்னரிடம் உரிமையைக் கோரிவிட்டது அதிலுள்ள எம் எல் ஏக்களும் தாம் பாஜகவைதான் ஆதரிப்பதாக வெளிபப்டையாகவே கூறுகின்றனர் இவர்கள் தங்களது ஆதரவாளர்கள் என காங்கிரசும் கூறவில்லை தனக்கு யார் ஆதரவு தரப்போகிறார்கள் என்பதையும் கவர்னரிடம் போய்க்கூறமுடியவில்லை மெஜாரிட்டி எம் எல் ஏக்கள் காங்கிரசை வெறுப்பவர்கள் எக்காலத்திலும் காங்கிரஸ் பக்கம் திரும்பமாட்டேன் என்பவர்கள் அப்படியே வாக்குகளை பார்த்தாலும் பாஜகத்தான் முதலிடம் காங்கிரஸைவிட நான்கு விழுக்காடு அதிகம் வாக்குகளை பெற்றுள்ளது காங்கிரஸ் சிறிய தொகுதிகளில் மட்டுமே வெற்றிபெற்றுள்ளது கவர்னரின் முக்கிய பொறுப்பு நிலையான ஆட்சி தருவது வெளி எம் எல் ஏக்கள் யாரும் விரும்பாத காங்கிரசை திணிப்பதல்ல முன்பே பார்க்கர்தான் முதல்வர் என பாஜக அறிவித்திருந்தால் தேர்தல் முடிவே மாறியிருக்கும்...

Rate this:
வெகுளி - Maatuthaavani,இந்தியா
14-மார்-201715:32:14 IST Report Abuse

வெகுளிஉங்கள் கருத்துப்படியே பார்த்தாலும் காங்கிரசால் பெரும்பான்மையை நிரூபித்திருக்க முடியாது அல்லவா? .....அதன் பின்னர் பாஜக பதவியேற்பதற்கு என்ன தடை?.... மனோகர் பரீக்கர்தான் முதல்வர் என பாஜக தேர்தலுக்கு முன்பே அறிவிக்கத்தவறியதற்கு பரிகாரமாக சில வாரங்கள் எதிக்கட்சியாக பணியாற்றியிருந்தால் தேவையற்ற விமர்சனங்களை தவிர்த்திருக்கலாம்.... இதுபோன்ற இழுபறி நிறையில் பாஜக முதலில் வந்தும் ஆட்சியமைக்க அழைக்கப்படவில்லை என்றால் ஏற்றுக்கொள்வீர்களா நண்பரே ........

Rate this:
விருமாண்டி - மதுரை,இந்தியா
14-மார்-201701:04:31 IST Report Abuse

விருமாண்டிகாங்கிரஸ் இல்லாத இந்தியா உருவாக்கிக் கொண்டிருக்கின்றது ... வாழ்த்துக்கள் மோடி ஜி

Rate this:
பலராமன் - Cuttack-Bhubaneshwar Twin City,இந்தியா
14-மார்-201710:30:16 IST Report Abuse

பலராமன்ஆமாம்...

Rate this:

உங்கள் கருத்தைப் பதிவு செய்ய

Login via Dinamalar:
( OR )Login with

New to Dinamalar ? Create an account

(Press Ctrl+g or click this   to toggle between English and Tamil)
Advertisement
மேலும் செய்திகள்