ரூ. 54 ஆயிரத்துக்கு 2 பெண் குழந்தை விற்பனை:தாய் உட்பட நான்கு பெண்கள் கைது| Dinamalar

சம்பவம் செய்தி

தமிழ்நாடு

ரூ. 54 ஆயிரத்துக்கு 2 பெண் குழந்தை விற்பனை:தாய் உட்பட நான்கு பெண்கள் கைது

Added : மார் 20, 2017
Advertisement
 
 
Advertisement
 
 
 
Advertisement

நாகர்கோவில்; 54 ஆயிரம் ரூபாய்க்கு இரண்டு பெண் குழந்தைகளை விற்பனை செய்த வழக்கில் தாய் உட்பட நான்கு பெண்களை ஆசாரிப்பள்ளம் போலீசார் கைது செய்தனர். நாகர்கோவில் அருகே வடசேரி அருகுவிளையை சேர்ந்தவர் நீலாவதி 21. இவரது கணவர் முத்து. கூலித்தொழிலாளியான இவருக்கு குடிபழக்கம் இருந்தததால் குடும்பம் வறுமையில் வாடியது.
கடந்த டிசம்பர் மாதம் பிரசவத்துக்காக நீலாவதி ஆசாரிபள்ளம் மருத்துவக்கல்லுாரி ஆஸ்பத்திரியில் அனுமதிக்கப்பட்டார். அவருக்கு அங்கு இரண்டு பெண் குழந்தைகள் பிறந்தது. வறுமையில் வாடிக்கொண்டிருக்கும் நிலையில் இரண்டு குழந்தைகளையும் எப்படி வளர்க்க போகிறேன் என்று நீலாவதி கவலைப்பட்டார்.
இந்த நேரத்தில் அவரது சகோதரிகள் கலா 22, ஜெயா 40 ஆகிய இருவரும் குழந்தையை விற்றுவிடும் படி ஆலோசனை கூறியுள்ளனர். இவர்களது ஆலோசனையில் பேரில் தம்மத்துக்கோணத்தை சேர்ந்த வனஜா 38, என்பவருக்கு ஒரு குழந்தையை 50 ஆயிரம் ரூபாய்க்கு விற்பனை செய்துள்ளனர். மற்றொரு குழந்தையை துாத்துக்குடியை சேர்ந்த ஒரு பெண்ணுக்கு நான்காயிரம் ரூபாய்க்கு விற்பனை செய்துள்ளனர். மூன்று மாதங்கள் இடைவெளியில் இந்த சம்பவம் வெளிவந்தது.
இதுபற்றி குழந்தை கடத்தல் தடுப்பு அதிகார குமுதா ஆசாரிபள்ளம் போலீசில் புகார் செய்தார். அதன் பேரில் வழக்குப்பதிவு செய்த போலீசார் தாய் நீலாவதி, இவரது சகோதரிகள் கலா, ஜெயா மற்றும் குழந்தையை வாங்கிய வனஜா ஆகிய நான்கு பேரையும் கைது செய்தனர்.
வனஜாவிடம் இருந்து மீட்கப்பட்ட குழந்தை நெல்லை குழந்தை காப்பகத்தில் ஒப்படைக்கப்பட்டது. மற்றொரு குழந்தையை மீட்க தனிப்படை போலீசார் துாத்துக்குடி சென்றுள்ளனர்,

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை