வாழையில் ஊடுபயிராக தக்காளி | Dinamalar

வாழையில் ஊடுபயிராக தக்காளி

Advertisement
 
 
Advertisement
 
 
 
Advertisement
எழுத்தின் அளவு:
Advertisement

ஊறு விளைவிக்காத வருமானத்துக்கு, ஊடுபயிர்கள் சாகுபடியே சிறந்தவழி என்கின்றனர் உடுமலையை சேர்ந்த விவசாயிகள்.உடுமலையில் கிணற்று பாசனத்தை பயன்படுத்தி தென்னை, வாழை, காய்கறி உட்பட பல்வேறு பயிர்கள் சாகுபடி செய்யப்பட்டு வருகிறது. குறிப்பாக ஏழுகுளபாசனத்துக்குட்பட்ட பகுதிகளிலுள்ள விவசாயிகள் அதிகளவில் கரும்பு சாகுபடி செய்து வந்தனர். மழையில்லாமல் வறட்சி ஏற்பட்டுள்ளதால் கிணற்று தண்ணீரை மட்டுமே நம்பியுள்ளவர்கள் தென்னை, வாழை போன்ற பயிர்களை சாகுபடி செய்ய தொடங்கியுள்ளனர். இவ்வாறு தண்ணீர் பற்றாக்குறை நிலவி வருகையில் சிக்கனத்தை கையாள்வதற்கு ஊடுபயிர்களும் முக்கிய காரணமாக உள்ளது. இதனால், தென்னை, வாழை போன்ற பயிர்க ளில் தக்காளி, சோளம், அவரை, கொத்தமல்லி போன்ற பல்வேறு பயிர்களையும் ஊடுபயிராக சாகுபடி செய்து வருகின்றனர். ஓராண்டுகால பயிரான வாழையில், தக்காளி போன்ற குறுகியகால காய்கறி பயிர்களை இரண்டு முறை பயிரிட்டு அறுவடை செய்யலாம் என்கின்றனர். வாழையில் இரண்டு பாத்திகளுக்கும் இடையில், வாழை கன்றுகளுக்கு இடையேயும் தக்காளி செடிகள் நடவு செய்யப்பட்டுள்ளது. இவ்வாறு வாழைக்கிடையே தக்காளி சாகுபடியை மேற்கொள்ளும் போது ஓராண்டுக்கும் குறைந்தபட்சம், மூன்று அறுவடை வரைக்கும் பெறலாம். ஊடுபயிர்களால் நிலத்தில் வெயில் நேரடியாக விழாதவாறு தடுக்கப்படுகிறது. இதனால், ஈரப்பதம் சமநிலை படுத்தப்படுவதுடன் தண்ணீரின் தேவையும் குறைகிறது. ஒருபயிருக்கு தண்ணீர் பாய்ச்சினால் இரண்டு பயிர்களும் எடுத்துக்கொள்கிறது. இதனால் தண்ணீர் சிக்கனமாவதுடன், அடுத்த பருவத்துக்கான தண்ணீரை சேமித்து வைக்க முடியும். வாழை பலன் கொடுப்பதற்குள் ஊடுபயிரிலிருந்து வருமானத்தை பெற்றுவிடலாம். இதற்காக ஓராண்டு வரை காத்திருக்க வேண்டிய அவசியமில்லை என்கின்றனர். விவசாயிகள் கூறுகையில், 'வாழை சாகுபடி செய்தால் வருமானத்துக்காக ஓராண்டு வரை காத்திருக்க வேண்டும். அதில் ஏதாவது ஒரு காய்கறி பயிரை ஊடுபயிராக நடவு செய்தால் குறைந்தபட்சம், 3 மாதங்களில் வருமானம் பெறமுடியும். தக்காளியின் தேவை எப்போதும் இருப்பதால் மழையில்லாமல் சாகுபடி பரப்பும் குறைந்த வருவதால் நிலையான விலை கிடைக்கும் என்ற நோக்கில் தக்காளி, வாழைக்கு ஊடுபயிராக நடவு செய்யப்பட்டுள்ளது,' என்றனர்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.