இப்போது பிரித்திகா யாஷினி ...| Dinamalar

இப்போது பிரித்திகா யாஷினி ...

Updated : ஏப் 05, 2017 | Added : ஏப் 05, 2017 | கருத்துகள் (18)
Advertisement


இப்போது பிரித்திகா யாஷினி ...


தனிமையையும், தீண்டாமையையுமே தங்கள் வாழ்க்கையின் சீதனங்களாக கொண்டுவாழும் திருநங்கைகளின் வாழ்க்கைக்கு முற்றுப்புள்ளி வைக்கும் விதத்தில் முதல் புள்ளியாய் வந்திருக்கிறார் பிரித்திகா யாஷினி.இவர் இப்போது தருமபுரி காவல் நிலையத்தில் சட்டம் ஒழுங்கிற்கான சப்-இன்ஸ்பெக்டர்.

இதற்காக இவர் ஒவ்வொரு நொடியையும் வலியுடன் கடந்தே வந்திருக்கிறார்.அதென்ன ஒவ்வொரு நொடி என்பதை அறிய மேற்கொண்டு படியுங்கள்.

சேலம் கந்தம்பட்டி பகுதியைச் சேர்ந்த லாரி ஓட்டுநர் கலையரசன்-சுமதி தம்பதியருக்கு இரண்டு ஆண் வாரிசுகள், இரண்டாவது வாரிசு பிரதீப்குமார்.




இவர் பிளஸ் டூ படிக்கும் போது தனக்குள் பெண்மை மலர்வதை உணர்ந்திருக்கிறார், தான் ஒரு ஆண் இல்லை என்பதை குடும்பத்தாரிடம் உணர்த்தியிருக்கிறார்.

அவர்களுக்கு இது புரியவில்லை மந்திரவாதியை கூப்பிட்டு இருக்கின்றனர், அந்த மந்திரவாதியும் வாங்கிய காசுக்கு பிரதீப்குமாரை அடி அடியென அடித்து உடலை ரணமாக்கிவிட்டு சென்றுவிட்டான்.இந்த போராட்டத்திற்கு நடுவில் கல்லுாரியில் சேர்ந்து பிசிஏ முடித்து பட்டதாரியாகவும் ஆனார்.

பெற்றோர் நல்லவர்கள் ஆனால் புரியாதவர்கள் நம்மால் அவர்களுக்கு எதற்கு அவமானமும் தொல்லையும் என்று வீட்டைவிட்டு வெளியேறி சென்னை வந்து சேர்ந்தார்.

திருநங்கைகளை அன்புகாட்டி அரவணைக்கும் 'தோழி' அமைப்பு இவருக்கு அடைக்கலமும் தந்து, விடுதி வார்டன் வேலை வாய்ப்பும் வாங்கிக்கொடுத்தது.சிறுக சிறுக சேமித்து ஆஸ்பத்திரியில் சேர்ந்து அறுவை சிகிச்சை செய்துகொண்டு முழுமையான பெண்ணாக மாறினார்.

பெண்ணாக மாறிய பிறகு சான்றிதழில் உள்ள பிரதீப்குமார் உள்ளீட்ட ஆண் அடையாளத்தை மாற்ற விரும்பி வழக்கறிஞர் பவானியை சந்தித்தார்.அவரது உதவியுடன் பிரதீப்குமாராக இருந்தவர் பிரித்திகா யாஷினியானார்.இவரது வாழ்க்கையில் சிரித்ததைவிட அழுததே அதிகம், அப்பொழுதெல்லாம் பெரும் ஆறுதலாக இருந்து அன்பு செலுத்திய தனது தோழி யாஷினியின் பெயரை பின் பெயராக வைத்து தோழிக்கு பெருமை சேர்த்தார்.

தமிழ்நாடு சீருடைப்பணியாளர் தேர்வாணையம் மூலம் உதவி ஆய்வாளர் பணியிடத்திற்கு விண்ணப்பித்தார்.ஆண் பெண் என்ற இரு பாலினத்திற்குதான் தேர்வு நீங்கள் இதில் வரவில்லை என்று கூறி தேர்வானையம் இவரது விண்ணப்பதை நிராகரித்தது.

மூன்றாம் பாலினம் என்று ஒன்று இருக்கும் போது அதை சொல்லாதது உங்கள் குற்றமே தவிர என் குற்றம் இல்லை என்று மீண்டும் கோர்ட்டிற்கு சென்றார்.மூன்றாம் தேதி எழுத்துத்தேர்வு இருந்த போது இரண்டாம் தேதி இரவுதான் அனுமதி கிடைத்தது.

தேர்வில் 28.5 கட்ஆப் எடுத்திருந்திருந்தாலும் நீங்கள் எடுத்த மார்க் போதாது என்று சொல்லி தேர்வானையம் இவரை பெயிலாக்கியது.பெண்களுக்கு கட் ஆப் மார்க் 25தான் நான் ஒரு பெண் தேவையான மார்க்குகள் வாங்கியுள்ளேன் என்று மீண்டும் கோர்ட்டிற்கு சென்றார்.அவர் சொல்வது சரிதானே இதில் என்ன தப்பைக் கண்டீர்கள் என்று கோர்ட் மீண்டும் தேர்வானையத்தை குட்டியதும் பிரித்திகா எழுத்து தேர்வில் வெற்றி பெற்றதாக அறிவிக்கப்பட்டார்.

அதன்பிறகு உடல் திறன் போட்டி, குண்டு எறிதல் ஈட்டி எறிதலில் தேர்ந்தாலும் ஒட்டத்தில் ஒரு நொடி தாமதாக வந்தார் என்று சொல்லி மீண்டும் பிரித்திகாவை நிராகரித்தனர்.பிரித்திகா விடவில்லை, மீண்டும் கோர்ட் படியேறினார். நான் ஒடிய வீடியோவை பாருங்கள் ஒரு நொடியை காரணம்காட்டி என் வாழ்வை பாழாக்கிவிடாதீர் என்று கெஞ்சினார்.அவரது முயற்சி வென்றது.

இதை அடுத்து உதவி ஆய்வாளருக் கான ஓராண்டு பயிற்சியை முடித்த பிரித்திகா யாஷினிக்கு தற்போது காவல் நிலைய பணி ஒதுக்கீடு செய்யப் பட்டுள்ளது. தருமபுரி மாவட்ட காவல் கண்காணிப்பாளரிடம் இருந்து பணி ஆணையையும் வாழ்த்தையும் பெற்ற போது அவரது முகத்தில் அப்படி ஒரு மலர்ச்சி.

நாட்டுக்கும் மக்களுக்கும் சேவை செய்யக்கிடைத்த அற்புதமான வாய்ப்பு இதனை நல்லமுறையில் பயன்படுத்திக் கொள்வேன் எனது அடுத்த கனவு ஐபிஎஸ்தான் என்றார், அதுவும் விரைவில் நனவாக வாழ்த்துவோம்.

எல்.முருகராஜ்
murugaraj@dinamalar.in

Advertisement

இதையும் தவறாமல் படிங்க ...



Advertisement

வாசகர் கருத்து (18)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Murugan - Bandar Seri Begawan,புருனே
18-ஜூன்-201706:50:15 IST Report Abuse
Murugan வாழ்த்துக்கள்
Rate this:
Share this comment
Cancel
Syed Syed - AL KHOBAR,சவுதி அரேபியா
15-ஜூன்-201716:33:33 IST Report Abuse
Syed Syed பாராட்டுகள் . நாள் வஸ்த்துக்கள்.
Rate this:
Share this comment
Cancel
Ravichandran - dar salam ,தான்சானியா
17-மே-201713:45:55 IST Report Abuse
Ravichandran அதானே பார்த்தேன் கேடு கேட்ட நாதாரிகள் அதிகாரிகள் அவ்வளவு எளிதாக இந்த பெண்ணை வரவிடுவார்களா என்ன, எவ்வளவு முடியுமோ அவ்வளவு அடுத்தவர்களை நசுக்க நினைக்கும் புழு ஜென்மங்களை வீழ்த்தி வெற்றி பெற்ற பிரித்திகா யாஷினிக்கு வாழ்த்துக்கள். இன்னும் தொந்தரடு கொடுப்பார்கள் அதிக திருடர்கள் அங்குதான் பார்த்திருக்கவும்.
Rate this:
Share this comment
Cancel
J.Kanagasabai - abqaiq,சவுதி அரேபியா
05-மே-201709:37:50 IST Report Abuse
J.Kanagasabai முயன்றால் முடியாதது ஒன்றும் இல்லை.
Rate this:
Share this comment
Cancel
Pillai Rm - nagapattinam,இந்தியா
04-மே-201711:52:54 IST Report Abuse
Pillai Rm இந்த பணியும் வலி நிறைந்ததாதான் இருக்கும் .....சமாளிச்சா பதவி உயர்வு ,,, இதுல ஐபீ எஸ் னு ஏன் ?
Rate this:
Share this comment
Cancel
Rahim - Jubail,சவுதி அரேபியா
04-மே-201709:03:06 IST Report Abuse
Rahim சபாஷ், வாழ்த்துக்கள் தோழியே உங்கள் விடாமுயற்சி வெற்றி கனியை பெற வைத்துள்ளது, ஆண் உடம்பிற்குள் சிறைப்பட்ட பெண்மகளை தைரியமாக வெளியில் கொண்டு வந்தீர்களே உங்கள் பாதம் தொட்டு வணங்குகிறேன் உலகில் எத்தனையோ பிரித்திகா யாசினிகள் வெளி வர முடியாமல் முடங்கி புழுங்கி செத்து கொண்டிருக்கிறார்கள் அவர்களுக்கெல்லாம் நீங்கள் ஒரு ரோல் மாடல் , தன்னம்பிக்கை உடைய நீங்கள் வாழ்வில் இன்னும் பல வெற்றிகளை குவிக்க வேண்டும் என வாழ்த்துகிறேன், காவல் பதவி என்பது சவால்கள் நிறைந்தது கூடவே சதிகளும் சாதிகளும் நிறைந்தது கவனமாக இருங்கள் அப்பாவி ஏழை எளிய நிரபராதிகள் மீது கருணை காட்டுங்கள், மீண்டும் வாழ்த்துவதில் பெருமை அடைகிறேன்.
Rate this:
Share this comment
Cancel
Lion Drsekar - Chennai ,இந்தியா
24-ஏப்-201707:07:59 IST Report Abuse
Lion Drsekar திரு முருகராஜ் அவர்களுக்கு மனமார்ந்த நன்றி, இதுதான் உண்மையான சேவை, இப்படி தேடி தேடி நல்ல அறிய பல செய்திகளை நமக்கு அளித்து வருகிறார், நீடூடி வாழ்ந்து தினமலருக்கு ஆற்றும் பணி தொடர வேண்டுகிறேன், வந்தே மாதரம்
Rate this:
Share this comment
Cancel
pollachipodiyan - pollachi,COIMBATORE.,இந்தியா
21-ஏப்-201711:11:47 IST Report Abuse
pollachipodiyan வேலை இல்லாமல் லச்சக்கணக்கில் இளைஞர்கள் இருக்கிறார்கள். அவர்களை பற்றி யோசியங்கள். போதுங்க சார். இவரும் நாளைக்கு போலீசு வேலை பார்க்கும் ஒருவரை கல்யாணம் செய்து கொண்டு ஒரு குடும்பத்தில் இரண்டு அரசு சம்பளம் வாங்கிக்கொண்டு earned more , expenditure no more என living happily ever after . இவருடைய ஏரியாவில் இருக்கும் திருநங்கைகள் அதிகாரத்துடன் பணம் கேக்கும் அடாவடித்தனத்தை ஒழிப்பாரா? சொல்லுங்கள். நாட்டில் ஆயிரக்கணக்கான இளைஞர்களுக்கு பல வருடங்களாக வேலை இல்லை. TET தேர்வு மையத்துக்கு சென்று பார்க்கவும்.விடுங்க சார்.
Rate this:
Share this comment
eastern cupid - chennai,இந்தியா
25-மே-201716:36:51 IST Report Abuse
eastern cupidஇதில் எனது சந்தேகம் என்ன வென்றால்? பெண்ணிற்கு கட் ஆப் மார்க் 25 இவர் எடுத்தது 28.5 மூன்றாம் பாலினத்தவர் கட் ஆப் மார்க் என்ன ? இல்லை எவர் பெண்களுக்குண்டான ஒதுக்கீட்டில் எப்படி வரமுடியும்?...
Rate this:
Share this comment
eastern cupid - chennai,இந்தியா
25-மே-201716:38:38 IST Report Abuse
eastern cupidஎப்படி இருந்தாலும் வாழ்த்துக்கள்....
Rate this:
Share this comment
Cancel
K,kittu.MA. - Anna Nagar,இந்தியா
17-ஏப்-201705:26:31 IST Report Abuse
K,kittu.MA. எல்லாம் சரி பத்தோடு பதின் ஒன்றாக இல்லாமல் லஞ்சம் லாவண்யம் பாராமல் மக்கள் சேவை செய்ய வாழ்த்துக்கள்..
Rate this:
Share this comment
Cancel
kannagi - chennai,இந்தியா
13-ஏப்-201711:06:30 IST Report Abuse
kannagi பிரித்திகா வாழ்த்துக்கள் ஆனால் வீஷ்னு பிரியா, அவரை ஒன்றை இன்னும் சிலரும் இருந்த இடம் ம்மா அது, ஜாக்கிரதை..
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை