வருமான வரித்துறை அறிக்கை| Dinamalar

வருமான வரித்துறை அறிக்கை

Updated : ஏப் 16, 2017 | Added : ஏப் 15, 2017 | கருத்துகள் (1)
Advertisement
சேகர் ரெட்டி, வருமான வரித்துறை,  பன்னீர், மோடி, தினகரன், பா.ஜ., அமித்ஷா, ஜெட்லி, ஜெயலலிதா, சசிகலா

தமிழக அமைச்சர் மற்றும் ஆளும் கட்சி அரசியல்வாதிகள் வீடுகளில் வருமான வரித்துறை நடத்திய அதிரடிச் சோதனை, அரசியல் சுனாமியாகி, பெரும் பாதிப்புகளை ஏற்படுத்தி விட்டது.இது தொடர்பான ரகசிய அறிக்கையை, டில்லிக்கு அனுப்பி வைத்துள்ளனர் சென்னை வருமான வரி அதிகாரிகள். 7,000 பக்கங்கள் அடங்கிய இந்த அறிக்கை, தமிழக அரசியலை ஒரு வழி செய்துவிடும் என்கின்றனர், இதை படித்து பார்த்தஅதிகாரிகள்.'ஆளும் கட்சியின் வீழ்ச்சி, இந்த அறிக்கையிலிருந்து துவங்கி விட்டது' என்கின்றனர், அதிகாரிகள். தமிழக அரசியல்வாதிகள் கொள்ளை அடித்த பணம் தொடர்பான முழு விபரங்களும் விலாவாரியாக இந்த அறிக்கையில் சொல்லப்பட்டுள்ளது. சேகர் ரெட்டி கைதான பின், அவருக்கு யார் யாருடன்தொடர்பு இருந்தது, அவருக்கு உதவி செய்த அரசியல்வாதிகள் யார் என சில மாதங்களாக சத்தமில்லாமல் விசாரித்து வந்தது, வருமான வரித்துறை.அதன் விளைவு தான் அமைச்சர் வீட்டில் நடந்த சோதனை. இந்த அறிக்கையின் அடிப்படையில் தமிழக அரசு கலைக்கப்பட்டுவிடும் என செய்திகள் அடிபடுவதைப் பற்றி கேட்ட போது, அதெல்லாம் வதந்தி; தமிழக அரசைக் கலைப்பதைப் பற்றி, டில்லியில் யாரும்நினைக்கவே இல்லையாம்.இந்த அறிக்கையின் அடிப்படையில், தமிழகத்தில், ஜனாதிபதி ஆட்சியை அமல்படுத்துவது சட்ட ரீதியாக முடியாத காரியம். ஆனால், இந்த அறிக்கை, விரைவில் மீடியாக்களுக்கு கசிய விடப்படும் என கூறப்படுகிறது. ஏற்கனவே, பழனிசாமி அரசு மீது, மக்கள் கடுப்பில்உள்ள நிலையில், இந்த அறிக்கையின் முக்கியவிபரங்கள் வெளியானால் நிலைமை மோசமாகும். அமைச்சர்களுக்கு எதிராக கோர்ட்டை, சிலர் அணுக வாய்ப்புள்ளது. எது எப்படியோ; வருமான வரி சோதனைக்கு பின், தமிழக அரசுக்கு நேரம் சரியில்லை என்பது மட்டும் தெளிவாக தெரிகிறது.


ரெய்டின் பின்னணி!

வருமான வரித்துறையின் சோதனையின் பின்னணியில் இருப்பது மத்திய அரசும், பா.ஜ.,வும் என, தினகரன் குற்றம் சாட்டியுள்ளார்.ஆனால், சோதனையின்போது கிடைத்த ஆவணங்கள் அனைத்தும்,'அரசியல்வாதிகள் எப்படியெல்லாம், யார் யாரையெல்லாம் ஏமாற்றி பணம் சுருட்டினர் என்பதை வெளிச்சம் போட்டு காட்டுகிறது' என, விஷயம் தெரிந்தவர்கள் சொல்கின்றனர். அதே சமயம் இந்த அதிரடியான நடவடிக்கைக்கு, பா.ஜ., தலைமையும்காரணம் என்றும் பேசப்படுகிறது.இதற்கு ஒரு, 'ப்ளாஷ் பேக்' சொல்லப்படுகிறது.- ஜெயலலிதா மருத்துவமனையில் இருந்த போது, அனைத்து அரசியல்வாதிகளும் வந்து, பார்த்துச் சென்றனர். பா.ஜ., தலைவர் அமித் ஷா மற்றும் நிதி அமைச்சர் அருண் ஜெட்லியும் மருத்துவமனைக்கு வந்தனர். ஜெ., அனுமதிக்கப்பட்டிருந்த அறைக்கு வெளியே கண்ணாடி வழியாக பார்த்துவிட்டு போக முயன்றனர்.ஆனால், அதற்கு அனுமதி கிடைக்கவில்லை. அதிர்ச்சியடைந்த இருவரையும், டாக்டர்கள் சந்தித்து, 'மேடம் நன்றாக இருக்கிறார்' என்றனர்; சசிகலா, இவர்களை வந்து சந்திக்கவே இல்லையாம். இந்த விவகாரத்தை அமித் ஷா மறக்கவே இல்லை. 'அவரைத்தான் பார்க்க முடியவில்லை; கண்ணாடி வழியாக பார்க்க, அனுமதிக்கலாமே; குறைந்தபட்சம், சசிகலா எங்களை வந்து மரியாதை நிமித்தமாக பார்த்திருக்கலாம்; அதை கூட அந்த பெண்மணி செய்யவில்லை; மரியாதை தெரியாத ஆளாக இருக்கிறாரே' என, தனக்கு நெருக்கமானவர்களிடம் இன்று வரை சொல்லி வருகின்றனர்,அமித் ஷாவும், ஜெட்லியும்.


பன்னீருக்கு மோடி ஆலோசனை:

சமீபத்தில், அ.தி.மு.க.,வின் இரண்டு கோஷ்டிகளும் பிரதமரைச் சந்தித்தன. சசி தரப்பிலிருந்து தம்பிதுரையும், பன்னீர் தரப்பிலிருந்து, மைத்ரேயனும், மோடியை டில்லியில் சந்தித்தனர். அமைச்சர் வீட்டில் சோதனை நடத்தியது குறித்து, தம்பிதுரை பேசியதாக கூறப்படுகிறது. பன்னீர் தரப்பிலிருந்து பேசும் போது, அவர்களது கோஷ்டிக்கு மத்தியஅரசு ஆதரவு தர வேண்டும் என வேண்டுகோள் விடுக்கப் பட்டது.'தேர்தல் ரத்து பெரியஅடியாயிற்றே' என்ற மோடி, 'பன்னீர், சென்னையிலேயே உட்கார்ந்திருந்தால் எந்த பலனும் கிடைக்காது; ஊர் ஊராக சென்று, மக்களைசந்திக்கச்சொல்லுங்கள்' என, மைத்ரேயனிடம்,'அட்வைஸ்' கொடுத்தாராம் மோடி.தமிழகத்தின் பல இடங்களில் கூட்டம் போடுவது, கிராமங்களில் மக்களைச் சந்திப்பது என அதிரடியாக, பன்னீர் பணியாற்ற வேண்டும்; இதை, நான் கூறியதாக, அவரிடம் சொல்லுங்கள்' என்றாராம். சசிகலா கோஷ்டிக்கு எதிராக மத்திய அரசு இருந்தாலும்; ஜனாதிபதி தேர்தலில், அவர்கள், பா.ஜ., நிறுத்தும் வேட்பாளருக்கு ஆதரவு அளிப்பரா என்ற சந்தேகம், பா.ஜ., தலைவர் களுக்கு உள்ளது.இவர்களின் ஆதரவைப் பெற, மத்திய அமைச்சர் வெங்கையா நாயுடு மூலம் முயற்சி செய்து வருகிறது, பா.ஜ., மேலிடம்.

Advertisement


இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ஜெய்ஹிந்த்புரம் - Madurai,இந்தியா
01-மே-201723:18:26 IST Report Abuse
ஜெய்ஹிந்த்புரம் //வருமான வரித்துறை அறிக்கை// - சட்ட ரீதியான நடவடிக்கை எடுக்காமல் அரசியல் ஆதாயத்துக்காக மட்டும் அவர்களுக்கு தேவையான நேரம் பார்த்து வெளியே விட்டு அசிங்கம் செய்யும் மத்திய அரசின் செயலை எந்த கணக்கில் சேர்த்துக் கொள்வதாம்?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை