மின் கேபிள் புதைக்கும் பணி விரைவில் துவக்கம்: முதல் கட்டமாக 7 பீடர்களில் நடைபெறும்| Dinamalar

தமிழ்நாடு

மின் கேபிள் புதைக்கும் பணி விரைவில் துவக்கம்: முதல் கட்டமாக 7 பீடர்களில் நடைபெறும்

Updated : ஏப் 21, 2017 | Added : ஏப் 21, 2017
Advertisement
மின் கேபிள், புதைப்பு, பணி, துவக்கம்

கடலுார்: கடலுார் மாவட்டத்தில் மின்சார கேபிள் புதைப்பதற்காக பூர்வாங்கப் பணிகள் துவங்கியுள்ளன. கடந்த 2011ம் ஆண்டு வீசிய 'தானே' புயலினால் கடலுார் மாவட்டம் சின்னாபின்னமானது.
மாவட்டம் முழுவதும் 25 ஆயிரம் மின் கம்பங்கள், டிரான்ஸ்பார்மர்கள், ெஹச்.டி., துணை மின்நிலைய உயரழுத்த கோபுரங்கள் சாய்ந்து மின்தடை ஏற்பட்டது. மாவட்டத் தலைநகரில் உள்ள கலெக்டர் அலுவலகத்திற்கே கூட மின்சாரம் இல்லாதால் அரசுக்கு தகவல் அனுப்ப முடியாத நிலை ஏற்பட்டது. தினமும் 5000 மின் ஊழியர்கள் உழைப்பினால் 2 மாதத்திற்கு பின்னர் தான் கடலுார் மாவட்டத்தில் மின்சாரம் கிடைத்தது.
இந்த அவலம் மீண்டும் ஏற்படக் கூடாது என்பதாலும், இயற்கை சீற்றங்கள் அடிக்கடி பாதிக்கூடிய கடலுார், நாகப்பட்டினத்தில் பூமிக்கடியில் மின்சார கேபிள் புதைப்பதற்காக உலக வங்கி உதவியுடன் 800 ரூபாய் மதிப்பில் திட்டமிடப்பட்டது.
இதில் கடலுார் நகரம், நாகப்பட்டினத்தில் வேளாங்கண்ணி பகுதியில் மின்சார கேபிள்கள் புதைக்க திட்ட அறிக்கை தயார் செய்யப்பட்டு அரசுக்கு அனுப்பப்பட்டது. இப்பணிகள் விரைந்து முடிக்க தமிழக அரசு முனைப்பு காட்டி வருகிறது.
பூமிக்கடியில் 4 அடி ஆழத்தில் புதைத்து அதற்குமேல் பாதுகாப்புக்காக செங்கல் தடுப்பு கட்டப்பட வேண்டும். தற்போதுள்ள சூழ்நிலையில் நீண்ட துாரம் இதை தடையின்றி செய்ய முடியுமா என்பதில் சர்ச்சை எழுந்துள்ளது.
இதனால், கடந்த முறை டெண்டர் கோரியும் எடுக்க ஆளில்லாமல் போனது. தற்போது 2வது கட்டமாக டெண்டர் கோரப்பட்டுள்ளது. இதில் கடலுார் மாவட்டத்தில் முதல் கட்டமாக 7 பீடர்களுக்கு பதிலாக கேபிள் புதைக்கும் பணி மேற்கொள்ளப்பட உள்ளது. சுத்துக்குளம், சிப்காட், ஆல்பேட்டை உட்பட 7 பீடர்களில் இந்த பணி நடைபெற உள்ளது.
இப்பணிகளை கண்காணிக்க மின்வாரிய உதவி இயக்குனர் மற்றும் உதவி பொறியாளர் ஒருவரும் நியமிக்கப்பட்டுள்ளனர். விரைவில் கேபிள் புதைக்கும் பணி துவங்கும் என எதிர்பார்க்கப்படுகிறது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை