அரசு டாக்டர்கள் புறக்கணிப்பு : புற நோயாளிகள் கடும் பாதிப்பு| Dinamalar

சம்பவம் செய்தி

தமிழ்நாடு

அரசு டாக்டர்கள் புறக்கணிப்பு : புற நோயாளிகள் கடும் பாதிப்பு

Added : ஏப் 21, 2017
Advertisement
 
 
Advertisement
 
 
 
Advertisement

சென்னை: அரசு டாக்டர்கள், இரண்டாவது நாளாக, பணி புறக்கணிப்பு போராட்டம் நடத்தியதால், நோயாளிகள் கடும் அவதிக்குள்ளாகினர். தமிழக அரசு மருத்துவக் கல்லுாரிகளில், 50 சதவீத முதுநிலை மருத்துவப் படிப்பு இடங்கள், அரசு மருத்துவமனைகளில் பணி யாற்றும் டாக்டர்களுக்கு ஒதுக்கப்பட்டு வந்தது. 'இந்திய மருத்துவ கவுன்சில் விதிகளின்படி, இந்த ஒதுக்கீட்டை
அனுமதிக்க முடியாது' என, சென்னை உயர் நீதிமன்றம் உத்தரவிட்டு உள்ளது. இதனால், அதிருப்திஅடைந்த டாக்டர்கள், முதுநிலை மருத்துவ மாணவர்கள், பல கட்ட போராட்டங்களை நடத்தி வருகின்றனர். நேற்று முன்தினம், தமிழகம் முழுவதும், இரண்டு மணி நேரம், புற நோயாளிகள் பிரிவில், பணி புறக்கணிப்பு போராட்டம் நடத்தினர். இந்நிலையில், நேற்று முதல், புற நோயாளிகள் பிரிவில், முற்றிலுமாக பணி புறக்கணிப்பு போராட்டத்தை, டாக்டர்கள் நடத்தினர்.
இதனால், சென்னை, கோவை, மதுரை, சேலம், திருச்சி, வேலுார், காஞ்சி புரம், திருவள்ளூர் உள்ளிட்ட அனைத்து மாவட்ட மருத்துவமனைகளிலும், புற நோயாளிகள் கடும் அவதிகுள்ளாகினர்.
நாமக்கல் மாவட்ட அரசு மருத்துவமனையில், டாக்டர்கள் கைகளை கட்டி போராட்டத்தில் ஈடுபட்டனர். இதே போல், சென்னை, டி.எம்.எஸ்., வளாகத்திலும், டாக்டர்கள் போராட்டம் நடத்தி வருகின்றனர்.

மருத்துவக் கல்வி இயக்குனர் நாராயண பாபு கூறுகையில், ''மருத்துவக் கல்லுாரி பேராசிரியர்கள், புற நோயாளிகள் பிரிவில் சிகிச்சை அளித்தனர். அரசு டாக்டர்களின் போராட்டத்தால், நோயாளிகளுக்கு பாதிப்பு இல்லை. போராட்டத்தை கைவிடக் கோரி, தொடர்ந்து
டாக்டர்களிடம் பேசி வருகிறோம்,'' என்றார்.

'அப்பீல்' மனு : சுகாதாரத் துறை செயலர் ராதாகிருஷ்ணன் கூறுகையில், ''இட ஒதுக்கீட்டை ரத்து செய்த, தனி நீதிபதியின் உத்தரவை எதிர்த்து, சென்னை உயர் நீதிமன்றத்தில் மேல்முறையீடு செய்யப்பட்டு உள்ளது. இந்த மேல்முறையீட்டு மனு, ஓரிரு நாளில் விசாரணைக்கு வர உள்ளது.
டாக்டர்கள் கோரிக்கைகளின் மீது, தமிழக அரசு நடவடிக்கை எடுத்து வருகிறது,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை