கூட்டுறவு சங்க தலைவருக்கு நெருக்கடி: ஆவணங்களை கைப்பற்றி ஆய்வு| Dinamalar

பொது செய்தி

தமிழ்நாடு

கூட்டுறவு சங்க தலைவருக்கு நெருக்கடி: ஆவணங்களை கைப்பற்றி ஆய்வு

Added : ஏப் 22, 2017
Advertisement
 
 
Advertisement
 
 
Advertisement

நாமகிரிப்பேட்டை: தவணை தவறிய கடன் வைத்துள்ள கூட்டுறவு சங்கத்தின், அ.தி.மு.க., தலைவர் குறித்த ஆவணங்களை அதிகாரிகள் கைப்பற்றி ஆய்வு செய்து வருகின்றனர்.
நாமகிரிப்பேட்டை ஒன்றியம், நாரைகிணறு தொடக்க வேளாண் கூட்டுறவு கடன் சங்கத்தின் தலைவராக செல்வராஜ் உள்ளார். இவர் மீது பல்வேறு புகார்கள் எழுந்துள்ளன. கடந்த ஓராண்டாக மகாசபை கூட்டத்தை நடத்தவில்லை. இவர் பெயரில் வாங்கிய கடன், வாய்தா தேதி முடிந்து, ஆறு மாதங்களாகியும் திருப்பி செலுத்தவில்லை. இதுகுறித்து, கூட்டுறவு சங்க இயக்குனர்களே மாவட்ட கலெக்டருக்கு புகார் அளித்தனர். இதுகுறித்து, கடந்த, 20ல் நமது நாளிதழில் செய்தி வெளியானது. இதையடுத்து எஸ்.ஓ., நெடுஞ்செழியன், நாரைகிணறு கூட்டுறவு சங்கத்திற்கு நேரடியாக வந்து ஆவணங்களை சரிபார்த்தார். இதில், தலைவர் மீதான குற்றங்கள் நிரூபணமானதால், ராஜினாமா செய்யும்படி அறிவுறுத்தியதாக கூறப்படுகிறது. மேலும், ஆவணங்களை நாமக்கல் எடுத்து சென்றுள்ளனர்.

இதுகுறித்து, மாவட்ட பதிவாளர் முருகேசன் கூறியதாவது: நாரைகிணறு கூட்டுறவு சங்கத்தில் உள்ள ஆவணங்களை ஆய்வு செய்து வருகிறோம். துணை விதிகள் குறித்தும் ஆலோசித்து வருகிறோம். எவ்வித சந்தேகமும் இன்றி தவறுகள் நிரூபணம் ஆனால், தலைவர் மீது நடவடிக்கை எடுக்கப்படும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை