முறைகேடு குறித்து விசாரணை: விவசாயிகள் சங்கம் வரவேற்பு| Dinamalar

பொது செய்தி

தமிழ்நாடு

முறைகேடு குறித்து விசாரணை: விவசாயிகள் சங்கம் வரவேற்பு

Added : ஏப் 22, 2017
Advertisement
 
 
Advertisement
 
 
Advertisement

மோகனூர்: மோகனூர் சர்க்கரை ஆலையில் நடந்த முறைகேடு தொடர்பாக, விசாரணை நடத்தப்பட்டதற்கு, கரும்பு விவசாயிகள் சங்கம் வரவேற்பு தெரிவித்துள்ளது.
நாமக்கல் மாவட்டம், மோகனூர் சர்க்கரை ஆலையில், எரிசாராய வடிப்பாலை கழிவுநீர் சுத்திகரிப்பு நிலையம் (ஆர்.ஓ., பிளான்ட்), ஆலையின் சொந்த நிதியை கொண்டு, 8.50 கோடி ரூபாயில் அமைக்கப்படுகிறது. ஆனால், 2.50 கோடி ரூபாய் கூடுதலாக டெண்டர் விடப்பட்டு, பணம் முறைகேடு செய்துள்ளதாக புகார் எழுந்தது. சர்க்கரை ஆலை கூட்டுறவு இணைய மேலாண் இயக்குனர் பாஸ்கர், தலைமை சர்க்கரை பொறியாளர் சுப்ர மணியம் ஆகியோர் அடங்கிய குழுவினர், கடந்த, 18, 19 ஆகிய தேதிகளில், சர்க்கரை ஆலையில் விசாரணை நடத்தினர்.

இதுகுறித்து, மோகனூர் சர்க்கரை ஆலை கரும்பு பயிரிடுவோர் சங்க செயலாளர் நவலடி கூறியதாவது: எங்கள் கோரிக்கையை ஏற்று, சர்க்கரை ஆலையில் நடந்த முறைகேடு தொடர்பாக, விசாரணை நடத்தப்பட்டதை வரவேற்கிறோம். புகார் தொடர்பாக, ஆலையின் மேலாண் இயக்குனர் பிரியா மீது நடவடிக்கை எடுக்காத பட்சத்தில், 2,000 ஆலை கரும்பு விவசாயிகளிடம் கையெழுத்து பெற்று, தமிழக முதல்வர், சர்க்கரைதுறை கமிஷனர் ஆகியோரை சந்தித்து மனு அளிக்க முடிவு செய்யப்பட்டுள்ளது. இவ்வாறு அவர் கூறினார். இந்நிலையில், இன்று (ஏப்., 22), காலை, 11:00 மணிக்கு, சர்க்கரை ஆலையில் நிர்வாகக்குழு கூட்டம், அதன் தலைவர் சிவபாக்கியம் தலைமையில் நடக்கிறது. அதில், முறைகேடு குறித்து பிரச்னை எழுப்பப்படுமா என்ற எதிர்பார்ப்பு விவசாயிகள் மத்தியில் எழுந்துள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை