போராட்ட களமாக மாறி வரும் தமிழகம்: பா.ம.க., எச்சரிக்கை| Dinamalar

பொது செய்தி

தமிழ்நாடு

போராட்ட களமாக மாறி வரும் தமிழகம்: பா.ம.க., எச்சரிக்கை

Added : ஏப் 22, 2017
Advertisement
 
 
Advertisement
 
 
Advertisement

சேலம்: ''தமிழகம் போராட்ட களமாக மாறி வருகிறது,'' என, சேலத்தில், பா.ம.க. தலைவர் ஜி.கே.மணி கூறினார்.
மேலும் அவர் கூறியதாவது: தமிழகத்தில், 3,321 டாஸ்மாக் மதுக்கடைகள் மூடியதற்கு, பா.ம.க.,வே காரணம். கட்சி வழக்கறிஞர் பாலு தொடர்ந்த வழக்கால், மதுக்கடைகள் அகற்றப்பட்டன. மூடிய கடைகளை, மாற்று இடங்களில் திறக்க, தமிழக அரசு முனைப்பு காட்டுவது அவமானம். மாற்று இடங்களில் கடைகளை திறக்க, பெண்கள் எதிர்ப்பு தெரிவித்து, மறியல் போராட்டங்களில் ஈடுபட்டு வருகின்றனர். மக்கள் உணர்வுகளை புரிந்து கொள்ளாமல், அவர்களின் நலனுக்கு எதிராக அரசு செயல்படுகிறது. நீதிமன்ற உத்தரவை மீறி, மதுக்கடைகளை திறக்க முயற்சித்தால், புரட்சி வெடிக்கும். வற்றாத ஜீவநிதி காவிரியும் காய்ந்துவிட்டதால், குடிநீர் தட்டுப்பாடு ஏற்பட்டு, விவசாயமும் இன்றி, எதிர்காலம் கேள்விக்குறியாகி உள்ளது. டில்லியில், தொடர்ந்து போராடும் விவசாயிகளை மத்திய அரசு, கண்டுகொள்ளாதது வேதனையளிக்கிறது. நீட் தேர்வுக்கு விலக்கு அளிக்கக்கோரி போராட்டம், இந்தி திணிப்பு எதிர்ப்பு, அரசு ஊழியர்கள், ஆசிரியர்கள் பழைய ஓய்வூதிய திட்டம் கேட்டு போராட்டம், குடிநீர் கேட்டு போராட்டம் என, தமிழகம் போராட்ட களமாக மாறிவிட்டது. ஆனால், எந்த நடவடிக்கையும் இல்லை. அனைத்து கட்சி தலைவர்கள் டில்லிக்கு சென்று, பாதிப்பு, நெருக்கடி நிலையை எடுத்துக்கூறி, தமிழக பிரச்னையை தீர்க்க வேண்டும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை