நான் ஹேமலதா பேசறேன்...| Dinamalar

நான் ஹேமலதா பேசறேன்...

Advertisement
 
 
Advertisement
 
 
 
Advertisement
எழுத்தின் அளவு:
Advertisement

நான் ஹேமலதா பேசறேன்...வணக்கம்! ஹேமலதா, நாங்க ஐபிஎம்ல இருந்து பேசுறோம், நீங்க எங்க நிறுவனத்திற்கு செலக்ட்டாகி இருக்கீங்க மற்ற விஷயங்களை மெயில் பண்றோம் வாழ்த்துக்கள் என்று சொல்லிய அடுத்த விநாடி ஹேமலாத எல்லையில்லா ஆனந்தம் அடைந்தார்.

கிராமத்தில் பிறந்தவர், மாடு மேய்த்து ஐந்து பேர் கொண்ட குடும்பத்தை காப்பாற்றும் படிக்காத அம்மா, உடம்புக்கு முடியாத அப்பா, ரேஷன் அரிசி சாப்பாடு, அப்ளிகேஷனுக்கு 500 ரூபாய் புரட்டமுடியாத சிரமம் இது போன்ற பின்னனியில் இருந்து வந்தவர்தான் ஹேமலதா.
அரியலுார் மாவட்டம் திருமனுார் கிராமத்தைச் சேர்ந்தவர் ஹேமலதாவிற்கு ஒரு தங்கை ஒரு தம்பி உண்டு.விவசாய கூலி வேலை பார்த்த அப்பா பத்மநாபன் உடல் நலக்குறைவு காரணமாக வீட்டில் ஒய்வு எடுக்கவேண்டிய சூழ்நிலையில் குடும்ப சுமையை அம்மா குமுதவள்ளி ஏற்றுக்கொண்டார்.

கடனில் இரண்டு கறவை மாடுகளை வாங்கி பால் வியாபாரம் செய்தார்,அதில் வந்த வருமானத்தில் மொத்த குடும்பத்தையும் நகர்த்தி சென்றார்.மாடுகளுக்கு தீவனம் வாங்கிப் போடமுடியாது என்பதால் கறவை நேரம் போக மீதி நேரத்தில் மாடுகளை தீவனத்திற்காக காட்டிலும் மேட்டிலும் மேய்த்துக்கொண்டிருப்பார்.

நல்ல சாப்பாடு சாப்பிடனும் நாம நல்லபடியா வரணும் என்றால் அதற்கு ஒரே வழி படிப்புதாம்மா நீ நல்லா படிச்சு பெரிய வேலைக்கு போகணும் என்று சொல்லி சொல்லியே பிள்ளைகளை வளர்த்தார்.

அதற்கேற்ப மூத்த பெண்ணான ஹேமலதா உள்ளூரில் இருந்த பள்ளியில் படித்து பத்தாம் வகுப்பில் 472 மார்க்குகள் எடுத்தார்.இவ்வளவு மார்க்குகள் எடுத்ததால் ஸ்காலர்ஷிப் கொடுத்து பெரம்பலுார் பள்ளியில் படிக்க அனுமதி கிடைத்தது.
பிளஸ் டூ இரண்டாம் வருடம் படிக்கும் போது ஏற்ப்பட்ட திடீர் காய்ச்சல் காரணமாக ஹேமலதா மிகவும் பாதிக்கப்பட்டார்,அடிக்கடி மயங்கிவிழுவார்.பார்க்காத மருத்துவர்கள் கிடையாது ஏறாத மருத்துவமனை கிடையாது, அனைவரும் ஹேமாவை பரிசோதனைக்கூட எலியாக்கித்தான் பார்த்தார்களே தவிர சரியான மருத்துவம் தரவில்லை.

ஒரு கட்டத்தில் பள்ளி நிர்வாகம் நுாறு சதவீத தேர்ச்சி சதவீதம் பாதிக்கப்படும் என்று நினைத்து ஹேமாவை தேர்வு எழுத அனுமதிக்கவில்லை.அப்போதெல்லாம் தாயாகவும் தோழியாகவும் கடவுளாகவும் இருந்து காப்பாற்றியவர் அம்மாதான்.உன்னால் முடியும் என்று சொல்லி சொல்லியே ஹேமாவை சரிசெய்தார், பள்ளி நிர்வாகத்தின் காலில் விழாத குறையாக கெஞ்சி தேர்வு எழுதவைத்தார்.
தேர்வு முடிந்து 1104 மார்க்குகள் வந்த பிறகு அடுத்து என்ன செய்வது என தெரியவில்லை பக்கத்தில் உள்ள கலைக்கல்லுாரியில் 500 ரூபாய் கொடுத்து அப்ளிகேஷன் வாங்கவே முடியவில்லை.

அப்ளிகேஷன் வாங்கவே முடியவில்லையே எப்படி மேற்கொண்டு படிக்கப்போகிறோம் என்று கண்கலங்கி நின்றார்.அன்றைய தினம் அவரது அப்பா எங்கிருந்தோ கொண்டுவந்த தினமலர் பேப்பரில் ஒரு விளம்பரம் வந்திருந்தது.
அதில் படிக்கவசதி இல்லாத கிராமப்புற மாணவர்ளை ஆனந்தம் அமைப்பு படிக்கவைக்கும் என்று எழுதியிருந்தது.உடனே போன் செய்தார்.விவரம் கேட்டுக்கொண்டனர்.அதன் பிறகு எல்லாம் கனவு போல நடந்தது.

சென்னை இன்ஸ்டியூட் ஆப் டெக்னாலாஜியில் பிஇ சீட் கிடைத்தது இவரது படிப்பு,ஹாஸ்டல் உள்ளீட்ட அனைத்து செலவுகளையும் ஆனந்தம் பார்த்துக் கொண்டது.நான்காவது வருட படிப்பு முடிவதற்கு முன்பாகவே கேம்பஸ் இண்டர்வியூவில் ஐபிஎம்மில் செலக்ட்டாகிவிட்டார்.
செல்வக்குமார் அண்ணா,அன்பரசன் அண்ணா,கார்த்திக் அண்ணா உள்ளீட்ட ஆனந்தம் அண்ணாக்கள் யாரையும் மறக்கமுடியாது அவர்கள் கேட்டுக்கொண்டது எல்லாம் கடைசி வரை இந்த சமூகத்திற்கு உதவும் நல்ல மனுஷியாக இரு என்பதுதான்.உயிருள்ளவரை யாருக்காவது உதவிக்கொண்டே இருக்கவேண்டும் என்பதுதான் இப்போது என் தாராக மந்திரமும்,ஏனேனில் எனக்கு இப்படி யாராவது உதவவிட்டால் நான் இந்த நிலைக்கு வந்திருக்கவே முடியாதே...


கட்டுரையை படித்துவிட்டு ஹேமலதாவை பாராட்டுவதை விட முதலில் ஆனந்தம் அமைப்பை பாராட்டுவதே நல்லது, இத்தனைக்கும் ஆனந்தம் அமைப்பானது அம்பானிக்களால் நடத்தப்படுவது அல்ல, பணம் இல்லை என்ற காரணத்தால் ஏழை மாணவர்கள் படிப்பை விட்டுவிடக்கூடாதே என்ற அக்கறை கொண்ட இளைஞர்கள் சிலர் தங்களது ஊதியத்தில் இருந்து ஒரு பங்கை போட்டு நடத்திக்கொண்டு இருக்கின்றனர், அவர்களை உற்சாகப்படுத்தினால் இன்னும் பல ஹேமலாதக்களை அடையாளம் காட்டுவார்கள். அவர்களது எண்கள் :9841013532,9551939551.
-எல்.முருகராஜ்

murugaraj@dinamalar.in

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (24)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
DURGA - KARUR,இந்தியா
06-ஜூலை-201714:32:21 IST Report Abuse
DURGA நன்றி ஆனந்தம் அமைப்பிற்கு என் மனமார்ந்த வாழ்த்துக்கள்
Rate this:
Share this comment
Cancel
mani k - trichy,இந்தியா
15-ஜூன்-201708:22:26 IST Report Abuse
mani k தொண்டு உள்ளம் கொண்ட அன்பு உள்ளங்கள் வாழ்க பல்லாண்டு பல நூறு ஆண்டுகள்.
Rate this:
Share this comment
Cancel
S.Mani - chennai,இந்தியா
31-மே-201715:50:58 IST Report Abuse
S.Mani மணி, கோட்டூர்புரம், சென்னை. வெரி குட் ஒர்க் by ஆனந்தம் for uplifting the ஸ்டுடென்ட்ஸ் in the lower strata
Rate this:
Share this comment
Cancel
eswara raj - hang xhou,சீனா
13-மே-201710:21:00 IST Report Abuse
eswara raj I too will help them when I grow big
Rate this:
Share this comment
Cancel
eswara raj - hang xhou,சீனா
13-மே-201710:18:00 IST Report Abuse
eswara raj thank you anandam group for helping Hemalatha sister
Rate this:
Share this comment
Cancel
eswara raj - hang xhou,சீனா
13-மே-201709:51:27 IST Report Abuse
eswara raj valthukkal anandam
Rate this:
Share this comment
Cancel
NATARAJ M - Hosur,இந்தியா
07-மே-201713:49:20 IST Report Abuse
NATARAJ M வாழ்த்துக்கள் ஆனந்தம்.
Rate this:
Share this comment
Cancel
Vasanthi Ganesh - New York,யூ.எஸ்.ஏ
05-மே-201717:37:19 IST Report Abuse
Vasanthi Ganesh என் மனமார்ந்த வாழ்த்துக்கள் கண்கள் பனித்துவிட்டன அடுத்த முறை சென்னை வந்தால் நேரில் சென்று 'ஆனந்தம்' அமைப்பின் வேர்களை பார்க்க வேண்டும்.
Rate this:
Share this comment
Cancel
annaidhesam - karur,இந்தியா
05-மே-201715:50:58 IST Report Abuse
annaidhesam ஆனந்தம் அமைப்பினருக்கு வாழ்த்துக்கள்..
Rate this:
Share this comment
Cancel
Emperor SR - Ooty,இந்தியா
04-மே-201718:42:28 IST Report Abuse
Emperor SR ஏழை மாணவர்கள் பலரது கல்வியில் பேருதவி புரிந்த ஆனந்தம் அமைப்பிற்கும், அந்த உதவியை தன்னம்பிக்கையுடன் பயன்படுத்தி வெற்றி அடைந்த ஹேமலதாவிற்கும், அவருக்கு உறுதுணையாக மிகுந்த வறுமையிலும் நம்பிக்கையை கைவிடாத அவரது தாயாருக்கும் அன்புகனிந்த வாழ்த்துக்கள்
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
மேலும் செய்திகள்