பேச்சு, பேட்டி, அறிக்கை

Advertisement
 
 
Advertisement
 
 
 
Advertisement
எழுத்தின் அளவு:
Advertisement
 பேச்சு, பேட்டி, அறிக்கை

தன் மற்றும் தன் மகனின் எதிர்காலம் கண்ணில் நிழலாட, தி.மு.க., மகளிரணி செயலரும், ராஜ்யசபா, எம்.பி.,யுமான கனிமொழி பேச்சு: வெளிநாட்டினர் போற்றும் மொழி தமிழ்; உலகுக்கு தேவையான கருத்துக்களை சொன்ன மொழி. ஹிந்தியை நாம் எதிர்க்கவில்லை. அதை, நம் மீது திணிப்பதை தான் எதிர்க்கிறோம்; வேண்டும் என்பவர்கள் கற்றுக் கொள்ளட்டும். ஹிந்தி திணிக்கப்பட்டால், மீண்டும் ஒரு மெரினா போராட்டம் வெடிக்கும்.


'பெருமை பேசிக் கொள்ள வேண்டியது, இப்போதைய அரசியல் வாழ்க்கைக்கு அவசியம் தான்... அதற்காக, இப்படியா முழு பூசணிக்காயை சோற்றில் மறைப்பது...' என, கேட்கத் தோன்றும் வகையில், தமிழக முதல்வர் பழனிசாமி பேச்சு:
தமிழகத்தில், கடுமையான வறட்சி நிலவும் போதும், குடிநீர் தட்டுப்பாடு இல்லை. விவசாயிகளுக்கு, வறட்சி நிவாரணம் வழங்கப்படுகிறது; தேவையான வசதிகளும் செய்யப்படுகின்றன. அத்திக்கடவு - அவிநாசி திட்டத்தை விரைந்து முடித்து, மக்கள் பயன்பாட்டுக்கு விடப்படும். அரசுக்கு தொடர்ந்து, மக்கள் ஆதரவு கொடுக்க வேண்டும்.



தி.மு.க.,வைச் சேர்ந்த, நடிகர் ராதாரவி பேட்டி:
நடிகர் ரஜினி, 'எதுவாக இருந்தாலும், கடவுள் முடிவு எடுப்பார்' என்கிறார். அவர் எந்த முடிவை எடுத்தாலும் வரவேற்கத்தக்கது. தமிழக மக்களிடம் அதிக பணம், புகழ் சம்பாதித்துள்ள அவர், மக்களுக்கு செலவு செய்ய தயாராக இருக்கிறார் என, நினைக்கிறேன். தீபாவின் கணவர், டிரைவர் எல்லாம் அரசியலுக்கு வரும் போது, ரஜினி அரசியலுக்கு வருவதில் தவறு இல்லை.

பா.ஜ., தேசிய செயற்குழு உறுப்பினரும், ராஜ்யசபா, எம்.பி.,யுமான, இல.கணேசன் பேட்டி
: மத்திய அரசுடன், தமிழக அரசு இணைந்து செயல்படுவது பாராட்டிற்குரியது. இரு அரசுகளும் இணைந்து செயல்படும் போது தான், நாடு முன்னேறும். தமிழக அரசுக்கு, மத்திய அரசு துணையாக இருந்ததால் தானே, ஜல்லிக்கட்டு சாத்தியமானது.

'இதற்கு தான், 'தெய்வம் நின்று கொல்லும்' என்ற அர்த்தமோ...' என, கேட்கத் தோன்றும் வகையில், ம.தி.மு.க., துணை பொதுச் செயலர் மல்லை சத்யா பேச்சு:
ம.தி.மு.க., 24வது ஆண்டை அடியெடுத்து வைத்துள்ளது. இந்த கட்சி உருவாகுவதற்கு, கோபாலபுரம் குடும்பமே காரணம். தி.மு.க., துவங்கி, 68 ஆண்டுகளில், 1961ல், ஈ.வெ.கி.சம்பத், 1972ல், எம்.ஜி.ஆர்., 1993ல், வைகோ என, மூன்று பிளவுகளை சந்தித்துள்ளது. யாருக்காக, வைகோவை கருணாநிதி வெளியேற்றினாரோ, அவராலேயே கருணாநிதி, செயலற்ற தலைவராக அறிவிக்கப்பட்டு உள்ளார். தி.மு.க., பலமான எதிர்க்கட்சி; ஆனால், பலவீனமான தலைமையால் தள்ளாடிக் கொண்டிருக்கிறது.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sekar - Maraimalai Nagar  ( Posted via: Dinamalar Android App )
20-மே-201704:36:15 IST Report Abuse
Sekar ராதாரவி பாட்டுக்கு நம்ம வருங்கால அமெரிக்க அதிபர் மக்களுக்கு செலவு செய்யத் தயாரா இருக்கார்னு சொல்லி அவருக்கு பேதியக் கிளப்பிட்டாரே. இதுக்கு வீட்டுல பர்மிசன் கிடைக்குமா? அவரே பாவம் பணம் பண்ணும் மிசினாத்தான் இருக்காரு.இதுல இந்த ராதாரவி வேற
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
மேலும் செய்திகள்