கோவை நகை பட்டறையில் 1 கிலோ தங்கம் கொள்ளை| Dinamalar

சம்பவம் செய்தி

தமிழ்நாடு

கோவை நகை பட்டறையில் 1 கிலோ தங்கம் கொள்ளை

Added : மே 20, 2017
Advertisement
 
 
Advertisement
 
 
 
Advertisement

கோவை, கோவை நகை பட்டறையில், ஊழியர் மீது மிளகாய் பொடி துாவி, முகமூடி கும்பல், ஒரு கிலோ தங்கத்தை கொள்ளையடித்து தப்பியது.
கோவையில், நகை பட்டறை வைத்து நடத்தி வருபவர் குணசேகரன், 53. இங்கு நாகராஜ், 27, சரவணகுமார், 26, வேலை செய்து வருகின்றனர். நேற்று முன்தினம் இரவு ஊழியர்கள் இருவரும் பட்டறையில் தங்கி, நகை தயாரிக்கும் பணியில் ஈடுபட்டிருந்தனர். நேற்று அதிகாலை, 2:30 மணிக்கு, சரவணகுமார் டீ வாங்கி வர வெளியே சென்றார். பட்டறையில் நாகராஜ் மட்டும் தனியாக இருந்தார்.
அப்போது, முகமூடி அணிந்த நான்கு பேர் திடீரென உள்ளே புகுந்தனர். அவர்களை பார்த்து அதிர்ச்சியடைந்த, நாகராஜ் சப்தம் போட்டார். உடனே, அவரது கண்ணில் அந்த கும்பல் மிளகாய் பொடி துாவியது. பின், ஊழியரை சரமாரியாக தாக்கி கத்தியால் முதுகில் குத்தினர். தாக்குதலில் காயமடைந்த நாகராஜ், மயங்கி கீழே விழுந்தார்.
பின், பட்டறையில் பல்வேறு வடிவங்களில் செய்து வைக்கப்பட்டிருந்த, ஒரு கிலோ எடையிலான தங்க செயின்களை மர்ம கும்பல் கொள்ளையடித்து தப்பி சென்றது. சிறிது நேரம் கழித்து, சரவணகுமார் திரும்பியபோது, நாகராஜ் மயங்கி கிடப்பதையும், நகைகள் மாயமானதையும் பார்த்து அதிர்ச்சியடைந்தார்.
சம்பவம் குறித்து போலீசார் விசாரணை நடத்தினர். மோப்பநாய் மற்றும் கைரேகை நிபுணர்கள் வரவழைக்கப்பட்டு, தடயங்கள் சேகரிக்கப்பட்டன. கொள்ளை கும்பலை பிடிக்க, இரண்டு தனிப்படைகள் அமைக்கப்பட்டுள்ளன. பட்டறை அருகே உள்ள கடைகளில் பொருத்தப்பட்டுள்ள கண்காணிப்பு கேமராவில் கொள்ளையர் முகம் பதிவாகி இருக்கிறதா என, போலீசார் விசாரித்து வருகின்றனர். காயமடைந்த நாகராஜ், கோவை அரசு மருத்துவமனையில் சேர்க்கப்பட்டார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை