ஆட்டோ டிரைவரை கொன்றதாக ஒத்துக்கொள்ள போலீசார் துன்புறுத்தல்: குடும்பத்துடன் பெற்றோர் தீ குளிக்க முயற்சி | Dinamalar

சம்பவம் செய்தி

தமிழ்நாடு

ஆட்டோ டிரைவரை கொன்றதாக ஒத்துக்கொள்ள போலீசார் துன்புறுத்தல்: குடும்பத்துடன் பெற்றோர் தீ குளிக்க முயற்சி

Added : ஜூன் 20, 2017
Advertisement
 
 
Advertisement
 
 
 
Advertisement

தர்மபுரி: ஆட்டோ டிரைவரை கொலை செய்ததாக ஒத்துக்கொள்ள வேண்டும் என, போலீசார் துன்புறுத்துவதாக, அவரின் பெற்றோர், குடும்பத்துடன் கலெக்டர் அலுவலகத்தில் தீக்குளிக்க முயன்றதால், பரபரப்பு ஏற்பட்டது.


தர்மபுரி அடுத்த ஜாலிக்கொட்டாயை சேர்ந்த கோவிந்தன் மகன் கண்ணன், 22. ஆட்டோ டிரைவரான இவர், கடந்த மே, 26ல், வீட்டில் இருந்து திடீர் என மாயமானார். இதுகுறித்து கோவிந்தன் கொடுத்த புகாரின் படி, மதிகோன்பாளையம் போலீசார் விசாரித்து வந்தனர். இந்நிலையில், கடந்த, 1ல், ஜாலிக்கொட்டாய் அருகே உள்ள கோம்பை வனப்பகுதியில், அழுகிய நிலையில் கண்ணனின் சடலத்தை போலீசார் மீட்டனர். இந்த கொலையில், போலீசாருக்கு எந்த துப்பும் கிடைக்கவில்லை. இதையடுத்து, இறந்த கண்ணனின் பெற்றோர் கோவிந்தன், பூவாத்தாள் உட்பட உறவினர்களை அழைத்துச் சென்று, போலீஸ் ஸ்டேசனில் இரவு வரை வைத்திருந்து விசாரித்துள்ளனர். மேலும் அவர்களை அடித்து துன்புறுத்தியுள்ளனர். இதனால் விரக்தியடைந்த, இறந்த கண்ணனின் தந்தை கோவிந்தன், 44, தாய் பூவாத்தாள், 42, அண்ணன் சின்னசாமி, 26, அண்ணி ரோஜா, 22, சித்தி பூங்கொடி, 38, ஆகியோர், நேற்று காலை, 11:00 மணிக்கு, தர்மபுரி கலெக்டர் அலுவலக வளாகத்தில், மண்ணெண்ணையை தங்கள் உடலில் ஊற்றிக் கொண்டு தீக்குளிக்க முயன்றனர். இதை கண்டு அதிர்ச்சி அடைந்த போலீசார், அவர்களை தடுக்க முயன்றனர். அப்போது அவர்கள், 'கண்ணனை, நாங்கள் தான் கொலை செய்தோம் என, ஒத்துக்கொள்ளும் படி போலீசார் அடித்து துன்புறுத்துகின்றனர். அவர்களிடம் இருந்து எங்களை பாதுகாக்க வேண்டும்' என்று கூறி, அங்கிருந்த போலீசார் மற்றும் அதிகாரிகளில் காலில் விழுந்து கதறினர். பாதுகாப்பு பணியில் இருந்த போலீசார், அவர்கள் மீது தண்ணீரை ஊற்றி, ஐந்து பேரையும், தர்மபுரி டவுன் போலீஸ் ஸ்டேஷனுக்கு விசாரணைக்கு அழைத்துச் சென்றனர். இந்த சம்பவம், கலெக்டர் அலுவலக வளாகத்தில் பரபரப்பை ஏற்படுத்தியது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை