தென் ஆப்பிரிக்கா சென்றவரிடம் பாஸ்போர்ட் பறிப்பு: கணவரை மீட்டுக் கோரி கலெக்டரிடம் பெண் கதறல்| Dinamalar

பொது செய்தி

தமிழ்நாடு

தென் ஆப்பிரிக்கா சென்றவரிடம் பாஸ்போர்ட் பறிப்பு: கணவரை மீட்டுக் கோரி கலெக்டரிடம் பெண் கதறல்

Added : ஜூன் 20, 2017
Advertisement
 
 
Advertisement
 
 
 
Advertisement

நாமக்கல்: 'ஒப்பந்த அடிப்படையில், தென் ஆப்பிரிக்கா நாட்டில் உள்ள ஹானாவுக்கு, ரிக் வண்டியில் டிரில்லராக பணியாற்ற சென்ற, என் கணவரின் பாஸ்போர்ட்டை பறித்துக் கொண்டதால், அங்கு பரிதவிக்கிறார். அவரை மீட்க நடவடிக்கை எடுக்க வேண்டும்' என, மனைவி, நாமக்கல் கலெக்டரிடம மனு அளித்துள்ளார்.
திருச்செங்கோடு அடுத்த பிள்ளாநத்தம் மூணாம் பள்ளிக்காட்டு வலவை சேர்ந்த சகுந்தலா, 34, நாமக்கல் கலெக்டரிடம் அளித்த மனுவில் கூறியுள்ளதாவது: நாமக்கல் மாவட்டம், களங்காணியில் உள்ள, மகாஸ்ரீ நிறுவனத்த்துக்கு சொந்தமான ரிக் வண்டி, தென்னாப்பிரிக்கா நாட்டில் ஹானாவில் இயங்கி வருகிறது. அதில், என் கணவர் ராஜேந்திரன்,40, ரிக் டிரில்லராக பணியாற்ற ஒப்பந்தம் செய்யப்பட்டு, கடந்த, பிப்., 13ல், அழைத்துச் சென்றனர். அங்கு சென்றவுடன், என் கணவருக்கு உடல்நிலை பாதிக்கப்பட்டு மருத்துவமனையில் சிகிச்சை பெற்றார். இந்நிலையில், என் கணவருக்கும், ரிக் வண்டி உரிமையாளருக்கும், கருத்துவேறுபாடு ஏற்பட்டது. அதனால், என் கணவரின் பாஸ்போர்ட் போன்ற ஆவணங்களை பறித்துக் கொண்டதுடன், பணம் தராமல் நிறுவனத்தில் இருந்து வெளியேற்றினர். கையில் பணம் இல்லாமல், சாப்பிட வழியின்றி பரிதாபப்தோடு, ஹானாவில் தவித்துக் கொண்டிருக்கிறார். மேலும், என் கணவரை அங்கேயே கொன்று விடுவேன், யாரும் ஒன்றும் செய்ய முடியாது என மிரட்டுகின்றனர். எனக்கு, பிளஸ் 2 படிக்கும் ஒரு மகனும், எஸ்.எஸ்.எல்.ஸி., படிக்கும் மகளும் உள்ளனர். அவர்கள், தந்தையின் நிலையை அறிந்து படிப்பில் கவனம் செலுத்த முடியாமல் உள்ளனர். அதனால், அவர்கள் மனஉளச்சல் மற்றும் உடல் நலன் பாதிக்கப்பட்டுள்ளனர். எங்கள் நிலையை கருத்தில் கொண்டு, சம்பந்தப்பட்ட நிறுவத்தின் மீது நடவடிக்கை எடுப்பதுடன், வெளிநாட்டில் தவிக்கும் என் கணவரை, பாதுகாப்புடன் மீட்க நடவடிக்கை எடுக்க வேண்டும். இவ்வாறு அதில் கூறப்பட்டுள்ளது. இது குறித்து நடவடிக்கை எடுக்க கலெக்டர் உத்தரவிட்டுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை