வேதபுரிமாமாவிற்கு ஒரு மரியாதை...| Dinamalar

வேதபுரிமாமாவிற்கு ஒரு மரியாதை...

Added : ஜூன் 26, 2017 | கருத்துகள் (14)
Advertisement

சந்திரசேகரேந்திர சரசுவதி சுவாமிகள் காஞ்சி காமகோடி பீடத்தின் 68வது பீடாதிபதியாவார். பரவலாக இவர் பரமாச்சாரியார்,மகாசுவாமி மற்றும் மகா பெரியவாள் என அழைக்கப்பட்டவர்,அழைக்கப்படுபவர்.
இவரிடம் பத்து வயதில் தஞ்சமடைந்து பின் அவரது காலம் முழுவதும் அவரிடம் உதவியாளராக இருந்து ஒடியாடிவர்தான் வேதபுரி.இப்போது வேதபுரிமாமா என்று அனைவராலும் அன்போது அழைக்கப்படும் இவருக்கு தற்போது வயது 91.

இவரை கவுரப்படுத்தும் விதமாக மதுரை அனுஷத்தில் அனுகிரஹம் அமைப்பின் சார்பில் சென்னையில் விழா எடுக்கப்பட்டது.
மேடையில் பெரியவரின் சிலைக்கு நடைபெற்ற அபிஷேகம் ஆராதனைகளை கண்கொட்டாமல் பார்த்துக்கொண்டு இருந்தவர் பின் அவருடனான தனது தொடர்புகளை நெகிழ்ச்சியாக பகிர்ந்துகொண்டார்.

வயது முதிர்வின் காரணமாக வார்த்தைகளும் சம்பவங்களும் கோர்வையாக வந்து விழவிட்டாலும் அவர் சொன்ன சில விஷயங்கள் பலரது மனதை தொட்டது அதில் இருந்து சில விஷயங்கள்.

வேதபுரி என்று அவர் அழைப்பது மிகவும் அன்பாக இருக்கும் அவருக்கான பாரா அதாவது பாதுகாப்பாளன் என்ற முறையில் அறை வாசலில் உலாவிக்கொண்டு இருக்கும் போது சும்மா நடந்து கொண்டிருக்காதே பகவான் பெயரை சொல்லிக்கொண்டே நட உடம்புக்கும் சரி மனதிற்கும் சரி களைப்பு இருக்காது என்பார்.

தினமும் காலையில் எழுந்திருந்து அனுஷ்டானம் முடித்து ஸ்ரீஆதிசங்கரருக்குத் தானே அபிஷேகம் செய்வார். சில சமயம் ஸ்ரீ பாலு, ஸ்ரீகண்டன் செய்வார்கள். பெரியவா பக்கத்தில் இருந்து பார்ப்பார் மாலை ஸ்ரீஆதிசங்கரரின் பாதுகை யானையின்மேல் ஊர்வலமாக பக்கத்தில் உள்ள கோவில்களுக்கு எடுத்துச் செல்லப்படும். கோவில் குளத்துக்கு எடுத்துச் செல்லும்போது ஆசார்யாள் படத்துக்கு குடை பிடித்து சாமரம் வீசிச் செல்வோம் ஸ்ரீபெரியவா நடு நாயகமாக ராஜா மாதிரி அசைந்து அசைந்து ஆனந்தமாக நடந்து வருவார்.பார்க்கக் கண்கொள்ளாக் காட்சியாக இருக்கும்.
குளத்தில் பாதுகைக்கு அபிஷேகம் முடிந்து, பாதுகையைத் துடைத்து அலங்காரம் செய்து ஊர்வலமாக வரும்போது மயில் தோகையால் ஆன விசிறியால் ஊர்வலம் முழுதும் சாமரம் வீசிக்கொண்டே வருவார்.அவ்வளவு குரு பக்தி!! பெரியவா ஆதிசங்கரர்பாதத்திற்கு பூஜை செய்து, தீபம் காண்பித்து, தோடகாஷ்டகம் சொல்லி நமஸ்காரம் செய்வார்கள். ஒவ்வொரு சுலோகத்திற்கும் தண்டத்தால் பாதுகையின் குமிழைத்தொட்டு தொட்டு வந்தனம் செய்வார்கள்.

பெரியவர் தன் குருவிற்கு செய்யும் பூஜை ! ஆனால் எனக்கு ஸ்ரீபெரியவா தனக்கே தான் செய்து கொள்ளும் பூஜையாகத் தோன்றும். ஏனென்றால் பெரியவா ஆதிசங்கரரின் மறு அவதாரம் அல்லவா? இப்படி பல விஷயங்களை பகிர்ந்துகொண்ட வேதபுரிமாமாவின் பாதத்தில் விழுந்து பலரும் ஆசிபெற்று சென்றனர்.
-எல்.முருகராஜ்



Advertisement




வாசகர் கருத்து (14)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bakthavathsalam Vathsalam - Chennai,இந்தியா
05-ஜூலை-201714:48:23 IST Report Abuse
Bakthavathsalam Vathsalam வேதபுரி மாமா தற்போது எங்கே இருக்கிறார் என்று யாருக்காவது தெரிந்தால் சொல்லுங்க.
Rate this:
Share this comment
Cancel
unmai nanban - Chennai,இந்தியா
05-ஜூலை-201714:10:47 IST Report Abuse
unmai nanban Nadamaadiya deivam magaa periyavaal.
Rate this:
Share this comment
Cancel
ganapati sb - coimbatore,இந்தியா
03-ஜூலை-201712:47:17 IST Report Abuse
ganapati sb மஹாபெரியவாவின் தெய்வத்தின் குரல் காலத்தால் அழியாத ஞான பெட்டகம் அவருக்கு பாராவாக இருக்கும் வாய்ப்பு பெற்ற பெரியவர் வேதபுரிக்கு நமஸ்காரங்கள்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை