முடிவு எடுக்காத மின் வாரியம் : பிரதமரிடம் விரைவில் முறையீடு| Dinamalar

பொது செய்தி

தமிழ்நாடு

முடிவு எடுக்காத மின் வாரியம் : பிரதமரிடம் விரைவில் முறையீடு

Added : ஜூலை 17, 2017 | கருத்துகள் (1)
Advertisement
 
 
Advertisement
 
 
 
Advertisement

காற்றாலை உபரி மின்சாரத்தை, பிற மாநிலங்களுக்கு விற்பது தொடர்பாக, மின் வாரியம் எந்த முடிவும் எடுக்காமல் உள்ளதால், பிரதமரிடம் முறையிட, உற்பத்தியாளர்கள் முடிவு செய்துள்ளனர்.

தமிழகத்தில், 7,855 மெகாவாட் திறனில், காற்றாலை மின் நிலையங்கள் உள்ளன. இவற்றில் உற்பத்தியாகும் மின்சாரத்தை, ஒழுங்குமுறை ஆணையம் நிர்ணயிக்கும் விலைக்கு, மின் வாரியம் கொள்முதல் செய்கிறது. மே மாதம் முதல், செப்., வரை காற்றாலை சீசன். அதன்படி, காற்றாலை சீசன் துவங்கியதால், தினமும் சராசரியாக, 2,500 மெகாவாட் மின்சாரம் கிடைக்கிறது. ஆடி மாதம் துவங்கியதால், காற்றாலைகளில் வழக்கத்தை விட, அதிக மின்சாரம் கிடைக்க உள்ளது. அந்த மின்சாரத்தை, மின் வாரியம் முழுவதுமாக வாங்குவதில்லை. பிற மாநிலங்களுக்கு விற்கவும், முடிவு எடுக்காமல் உள்ளது. இதனால், உற்பத்தியாளர்கள், பிரதமர் நரேந்திர மோடியை சந்தித்து, முறையிட உள்ளனர்.

இது குறித்து, காற்றாலை உற்பத்தியாளர்கள் கூறியதாவது: தற்போது, காற்றாலைகளில் இருந்து தினமும், 5,000 மெகாவாட் வரை மின்சாரம் கிடைக்கிறது. மின் தேவை குறைவாக உள்ளதை காரணம் காட்டி, மின் வாரியம், காற்றாலை மின்சாரம் முழுவதையும் வாங்குவதில்லை. ஆந்திரா, கர்நாடக மாநிலங்களில், காற்றாலை மின்சாரத்துக்கு நல்ல தேவை உள்ளது. அந்த மின்சாரத்தை, மற்ற மாநிலங்களுக்கு விற்று தர, மத்திய அரசின், 'பவர் டிரேடிங்' நிறுவனமும் தயாராக உள்ளது.
எனவே, உபரியாக உள்ள காற்றாலை மின்சாரத்தை, மற்ற மாநிலங்களுக்கு விற்குமாறு, பல முறை வலியுறுத்தியும், மின் வாரியம், எந்த முடிவும் எடுக்கவில்லை. பிரதமர் மோடி, சுற்றுச்சூழலை பாதிக்காத காற்றாலை மற்றும் சூரிய சக்தி மின் உற்பத்தியை ஊக்குவித்து வருகிறார். இதனால், பிற மாநிலங்களுக்கு காற்றாலை மின்சாரத்தை விற்பது தொடர்பாக, பிரதமரை சந்தித்து முறையிட உள்ளோம்.
இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ramasamy naicken - Hamilton,பெர்முடா
18-ஜூலை-201703:05:19 IST Report Abuse
ramasamy naicken காசு போட்டு நஷ்டத்தை சந்தித்தால், தனியார்கள் தமிழ்நாட்டில் எப்படி முதலீடு செய்வார்கள்?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை