குடிநீர் தட்டுப்பாட்டை நீக்க வலியுறுத்தி காலிக்குடங்களுடன் பொதுமக்கள் மனு| Dinamalar

பொது செய்தி

தமிழ்நாடு

குடிநீர் தட்டுப்பாட்டை நீக்க வலியுறுத்தி காலிக்குடங்களுடன் பொதுமக்கள் மனு

Added : ஜூலை 18, 2017
Advertisement
 
 
Advertisement
 
 
 
Advertisement

நாமக்கல்: குடிநீர் தட்டுப்பாட்டை நீக்க வலியுறுத்தி, பல்வேறு கிராம மக்கள் காலிக் குடங்களுடன், நாமக்கல் கலெக்டர் அலுவலகத்தில் குவிந்ததால் பரபரப்பு ஏற்பட்டது.
* எலச்சிபாளையம் ஊராட்சி ஒன்றியம், மோளிப்பள்ளி கிராம மக்கள், டி.ஆர்.ஓ., பழனிசாமியிடம் அளித்த மனு விபரம்: ஆதிதிராவிட வகுப்பை சேர்ந்த, 250க்கும் மேற்பட்ட குடும்பங்களை சேர்ந்த மக்கள் வசித்து வருகிறோம். நான்கு ஆழ்துளை கிணறுகளும் வறண்டு விட்டன. ஆறு மாதங்களாக தண்ணீர் இல்லாமல், விலை கொடுத்தும், ஐந்து கி.மீ., சென்றும் தண்ணீர் எடுத்து வருகிறோம். மோளிப்பள்ளியில் அனைத்து பகுதிகளுக்கும் சீராக குடிநீர் வினியோகம் செய்ய நடவடிக்கை எடுக்க வேண்டும்.


* திருச்செங்கோடு அடுத்த, சின்னகோட்டப்பாளையம் மக்கள் அளித்த மனு: எங்கள் கிராமத்தில், ஓராண்டுக்கும் மேல் குடிநீர் கிடைக்காமல் அவதிப்பட்டு வருகிறோம். மேலும், கட்டப்பட்டு ஓராண்டுக்கு மேலாகியும் ரேஷன்கடை திறக்கப்படவில்லை. அரசு நிலத்தை தனியார் நிறுவனத்தினர் சிலர் ஆக்கிரமித்துள்ளனர். சின்ன கோட்டப்பாளையம் அருந்ததியர் காலனிக்கு குடிநீர் வசதி, புதிய ஆழ்துளை கிணறு, ரேஷன்கடை திறப்பு, அரசு நலத்திட்ட உதவிகள், ஆக்கிரமிப்பில் உள்ள அரசு நிலத்தை மீட்டு ஆரம்ப சுகாதார நிலையம், அங்கன்வாடி மையம், சமுதாயக்கூடம், நூலகம் ஆகியவற்றை அமைத்துக்கொடுக்க வேண்டும்.


* சேந்தமங்கலம் அடுத்த, பொட்டணம்புதூர் அருந்ததியர் தெரு மக்கள் அளித்த மனு: ஊருக்கு சொந்தமான பொதுக்கிணற்றை சிலர் முள்வேலி அமைத்து ஆக்கிரமித்துள்ளனர். இதனால், 80க்கும் மேற்பட்ட குடும்பத்தினர் தண்ணீர் இல்லாமல் சிரமத்திற்குள்ளாகின்றனர். குடிநீருக்காக, 10 கி.மீ., தூரம் செல்ல வேண்டியுள்ளது. ஆக்கிரமிப்பை அகற்றி, பொதுக்கிணற்றில் இருந்து தண்ணீர் எடுக்க நடவடிக்கை எடுக்க வேண்டும். இவ்வாறு, மனுவில் கூறப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை