வனத்துறையினர் நண்பனாக காட்டெருமை 'மல்லிகா'| Dinamalar

வனத்துறையினர் நண்பனாக காட்டெருமை 'மல்லிகா'

Advertisement
 
 
Advertisement
 
 
 
Advertisement
எழுத்தின் அளவு:
Advertisement

சேலம்: வனத்துறையினரின் நண்பனாக உள்ள காட்டெருமையை, சுற்றுலா பயணிகள் ஆச்சரியமாக பார்த்துச் செல்கின்றனர்.
சேலம் மாவட்டம், ஏற்காட்டில், 2014ல், காட்டெருமை கன்று, காலில் அடிபட்டு உயிருக்கு ஆபத்தான நிலையில் போராடுவதாக, சுற்றுலா பயணிகள், சேலம் வனத்துறைக்கு தகவல் தெரிவித்தனர். அதிகாரிகள், உடனே சென்றனர். அப்போது, அங்குள்ள காப்பி தோட்டம் அருகே, பிறந்து ஐந்து நாட்களே ஆன காட்டெருமை கன்று, தன் தாயை பிரிந்து, வழி தெரியாமல் வந்தபோது, காலில் அடிபட்டு நடக்க முடியாமல் இருந்தது. கன்றை மீட்ட அதிகாரிகள், தங்கள் வாகனத்தில் ஏற்றி, சேலம், குரும்பப்பட்டியில் உள்ள உயிரியல் பூங்காவுக்கு கொண்டு வந்தனர். அங்கு கால்நடை மருத்துவர் மூலம் சிகிச்சை அளிக்கப்பட்டது. கன்று என்பதால், அது தீவனம் உட்கொள்ளவில்லை. தண்ணீர் கூட குடிக்க முடியாத நிலையில் இருந்தது. மருத்துவர் அறிவுத்தல்படி, வனத்துறையினர் கன்றுக்கு, 'புட்டிபால்' கொடுத்தனர். குடிக்காமல் அடம் பிடித்த கன்றை, சமாதானப்படுத்திய வனத்துறையினர், பால் குடிக்க வைத்தனர். உடல் நலம் மெல்ல தேறிய கன்றுக்கு, 'மல்லிகா' என, வனத்துறையினர் பெயர் சூட்டினர். வனப்பாதுகாப்பு அதிகாரி முதல், கடைநிலை ஊழியர் வரை, அனைவரும் ஆசையுடன் வந்து, மல்லிகாவை பார்த்துச்செல்கின்றனர். இரு ஆண்டுகளாக, பூங்காவில் வனத்துறையினருடன் ஜாலியாக வலம் வந்த கன்றுக்கு, 2016ல் கால் முற்றிலும் சரியானது. இதையடுத்து, பூங்கா அருகே உள்ள வனப்பகுதியில், மல்லிகாவை சுதந்திரமாக காட்டிற்குள் விட்டனர். சில நாட்களில், அது ஒரு கன்றை ஈன்றது. தற்போது, காட்டெருமை மல்லிகாவுடன் கன்றும், தினமும் பூங்காவுக்கு வருகிறது. வனத்துறையினர் வழங்கும் உணவுகளை, சாப்பிட்டுச் செல்கின்றன. தன் உயிரை காப்பாற்றியவர்களுக்கு நன்றி தெரிவிக்கும் வகையில், தினமும் பூங்காவுக்கு வந்து செல்லும் காட்டெருமையை, சுற்றுலா பயணிகள் ஆச்சரித்துடன் பார்த்துச்செல்கின்றனர்.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.