மேட்டூர் நகராட்சியில் சுகாதார பணிகள் மந்தம்: சப்-கலெக்டரையும் விட்டு வைக்காத காய்ச்சல்| Dinamalar

பொது செய்தி

தமிழ்நாடு

மேட்டூர் நகராட்சியில் சுகாதார பணிகள் மந்தம்: சப்-கலெக்டரையும் விட்டு வைக்காத காய்ச்சல்

Added : ஜூலை 18, 2017
Advertisement
 
 
Advertisement
 
 
Advertisement

மேட்டூர்: மேட்டூர் நகராட்சியில், சுகாதாரப் பணிகள் மந்தமாக நடப்பதால், அதிகாரிகள், அரசு மருத்துவமனை டாக்டர், நர்ஸ்கள் காய்ச்சலால் பாதித்துள்ளனர்.
மேட்டூர் நகராட்சியில், 30 வார்டுகள் உள்ளன. சுற்றுப்பகுதியில், மர்மக் காய்ச்சலால் மக்கள் பாதித்ததை தொடர்ந்து, தடுப்பு நடவடிக்கை எடுக்க மாவட்ட நிர்வாகம் உத்தரவிட்டது. மேலும், வீதி, வீதியாக மாலதியான் எனப்படும் மருந்தும், வீடு, வீடாக சென்று, பைரோப்ரின் மருந்தும் தெளிக்க வேண்டும் என, சுகாதார அலுவலர்களுக்கு அறிவுரை வழங்கப்பட்டது. எனினும், காய்ச்சல் பரவாமல் தடுக்க, கொசு மருந்து அடிக்கும் பணி மந்தகதியில் உள்ளது. மேட்டூர் அரசு மருத்துவமனையில், மர்மக் காய்ச்சலால் பாதிக்கப்பட்ட, 20க்கும் மேற்பட்டோர் அனுமதிக்கப்பட்டனர். இந்நிலையில், காய்ச்சலுக்கு சிகிச்சை அளித்த, உறைவிட மருத்துவர் சுகந்தி, நர்ஸ்கள் லூசியா, சந்தோசம் உள்பட, ஐந்து பேருக்கு காய்ச்சல் பரவியதால், அவர்கள் சிகிச்சை மேற்கொண்டுள்ளனர். டாக்டர், நர்ஸ்கள் மட்டுமின்றி, மேட்டூர் சப்-கலெக்டர் மேகநாதரெட்டியையும் மர்மக் காய்ச்சல் விட்டு வைக்கவில்லை. பரிசோதனையில், சப்-கலெக்டரை பாதித்தது சாதாரண வைரஸ் காய்ச்சல்தான் என்பது தெரியவந்தது.

மேட்டூர் நகராட்சி ஆணையாளர் நாராயணன் கூறியதாவது: மேட்டூர் நகராட்சியில், சுகாதார ஊழியர்கள் வீதிகளில், கொசு மருந்து தெளிக்கின்றனர். வரும் நாட்களில், இந்த பணி மேலும் தீவிரப்படுத்தப்படும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை