போலீஸ் இரண்டாம் நிலை காவலர் தேர்வில் வெற்றி பெற்றவர்களுக்கு ஜூலை 27ல் உடல் தகுதி தேர்வு| Dinamalar

பொது செய்தி

தமிழ்நாடு

போலீஸ் இரண்டாம் நிலை காவலர் தேர்வில் வெற்றி பெற்றவர்களுக்கு ஜூலை 27ல் உடல் தகுதி தேர்வு

Added : ஜூலை 18, 2017
Advertisement
 
 
Advertisement
 
 
 
Advertisement

சேலம்: போலீஸ் இரண்டாம் நிலை காவலர்களுக்கான, எழுத்து தேர்வில் வெற்றி பெற்ற, 90 ஆயிரம் பேருக்கு, உடல் தகுதி தேர்வு ஜூலை, 27ல் துவங்குகிறது.
தமிழ்நாடு சீருடை பணியாளர் தேர்வு குழுமம் வாயிலாக, இரண்டாம் நிலை காவலர்கள் என்ற நிலையில், காவல்துறைக்கு, 13 ஆயிரத்து, 137; சிறைத்துறைக்கு, 1,015, தீயணைப்புத்துறைக்கு,1,512, பிற்படுத்தப்பட்ட முஸ்லீம் பெண்களுக்கு,47; உள்ளிட்ட மொத்தம், 15 ஆயிரத்து,711 காலி பணியிடங்களுக்கு ஆட்கள் தேர்வுக்கு, ஜன.,23ல் அறிவிப்பு வெளியானது. தேர்வுக்கு, 6.32 லட்சம் பேர் விண்ணப்பித்து இருந்ததில், மே, 21ல், நடந்த, எழுத்து தேர்வில், 4.82 லட்சம் பேர் கலந்து கொண்டனர். தேர்வு முடிவு, ஜூலை, 7 இணையதளத்தில் வெளியானது.இதில், வெற்றி பெற்ற, 90 ஆயிரம் பேருக்கு, உடல் தகுதி தேர்வுகள், ஜூலை, 27ல் துவங்குகிறது. தமிழகம் முழுவதும் போலீசின், 12 சரகங்களில், 11 இடங்களில் உடல் தகுதி தேர்வு நடக்கிறது. சேலம் மாவட்டத்தில் வெற்றி பெற்ற, 3,344 பேர், நாமக்கல், 1,263 பேர் என, மொத்தம், 4,007 பேருக்கு, சேலம், குமாரசாமிப்பட்டியில் உள்ள மாவட்ட போலீஸ் ஆயுதப்படையில், தேர்வு நடக்கிறது. இதற்கான அனுமதி கடிதங்களை, www.tnusrbonline.org என்ற இணையதளத்தில், பதவிறக்கம், செய்து, தேர்வில் கலந்து கொள்ளலாம். போலீஸ் சார்பில், அந்தந்த ஸ்டேஷன்களில் இருந்து, வெற்றி பெற்றவர்களுக்கு அழைப்பு விடுக்கப்பட உள்ளது.

இன்ஸ்பெக்டர் ஒருவர் கூறியதாவது: போலீஸ் இரண்டாம் நிலை காவலர்கள் தேர்வில் வெற்றி பெற்றவர்களுக்கான உடல் தகுதி தேர்வுகள், ஜூலை, 27ல், டி.ஐ.ஜி.,க்கள் தலைமையில், எஸ்.பி.,க்கள் முன்னிலையில் நடத்தப்படுகிறது. முதலில் சான்றிதழ் சரி பார்க்கப்பட்டு, 1,500 மீட்டர் ஓட்டம், நீளம், உயரம் தாண்டுதல், கயிறு ஏறுதல் ஆகிய தேர்வுகள் நடத்தப்பட உள்ளது. இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை