தண்ணீர் பிடிப்பதில் தகராறு: விவசாயி வெட்டி கொலை| Dinamalar

சம்பவம் செய்தி

தமிழ்நாடு

தண்ணீர் பிடிப்பதில் தகராறு: விவசாயி வெட்டி கொலை

Added : ஜூலை 18, 2017
Advertisement
 
 
Advertisement
 
 
Advertisement

ஆத்தூர்: தண்ணீர் பிடிப்பதில் ஏற்பட்ட தகராறில், மொபட்டில் சென்ற விவசாயி அரிவாளால் வெட்டிக் கொலை செய்யப்பட்டார்.
சேலம் மாவட்டம், ஆத்தூர் அருகே, தென்னங்குடிப்பாளையம் ஊராட்சி, மேட்டுத்தெருவை சேர்ந்தவர் விவசாயி கிருஷ்ணன், 55. இவரும், பக்கத்து வீட்டை சேர்ந்த லாரி டிரைவர் சுருளி, 36, என்பவரும் இணைந்து சில ஆண்டுகளுக்கு முன், குடிநீர் குழாய் போட்டுள்ளனர். அந்த குழாயில் இருந்து, சுருளியின் குடும்பத்தினர், அதிகளவில் தண்ணீர் எடுத்துக் கொள்வதாக கூறி, இருதரப்பினர் இடையே அடிக்கடி தகராறு ஏற்பட்டு வந்தது. கடந்த, 14ல், தண்ணீர் பிடிக்கும்போது மீண்டும் தகராறு ஏற்பட்டது. இது குறித்து கிருஷ்ணன், ஆத்தூர் போலீசில் புகார் செய்தார். நேற்று முன்தினம் இரு தரப்பினரிடம் போலீசார் விசாரணை நடத்தி, எச்சரித்து அனுப்பினர். நேற்று காலை, 8:00 மணியளவில் மீண்டும் தகராறு ஏற்பட்டது. கிருஷ்ணன், 'டிவிஎஸ் - எக்ஸ்.எல்., சூப்பர்' மொபட்டில் ஆத்தூருக்கு சென்றார். காலை, 9:30 மணியளவில், நரசிங்கபுரம் அணைமேடு வழியாக வந்த கிருஷ்ணனை வழிமறித்த சுருளி, விரட்டிச் சென்று அரிவாளில் சரமாரியாக வெட்டினார். கிருஷ்ணன் கழுத்து, தலை, உடல் என ஆறு இடங்களில் வெட்டியதால், ரத்த வெள்ளத்தில் விழுந்து, துடி துடித்து உயிரிழந்தார். ஆத்தூர் போலீசார், கிருஷ்ணனை வெட்டி கொலை செய்த சுருளியை கைது செய்தனர். இறந்த கிருஷ்ணனின் மனைவி பெரியம்மாள், 50. இவருடைய மகன் குமார், 32, சென்னை உயர்நீதிமன்றத்தில் உதவியாளராக பணிபுரிந்து வருகிறார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை